Hér kemur rétt svar

 

sigið músinni á myndina til að njóta hennar til fullnustu

Það var enginn með nógu mörg rétt svör til að kalla sig Mastermind í myndagetraun PostDocs. Ég verð greinilega að hafa þetta auðveldara næst, ef það verður þá eitthvað næst. En verðlaun verða samt sem áður veitt, fyrir hugmyndaríkasta svarið. Sjá neðar.

Myndin var auðvitað af Íslendingum og er að finna í bók eftir síra John Trusler, í 1. bindi af The Habitable World Descirbed; Or the Present State of the People in all Parts of the Globe, from North to South: Showing The Situation, Extent, Climate, Productions, Animals, &c. of the different Kingdoms and States; Including all the new Discoveries: etc. & etc. Part I., London 1788.

Séra og dr. John Trusler var mikill fræðari. Þessi mynd af honum er úr bók hans The Progress of Man and Society, London (1791).

Rétt svör í getrauninni voru því :

Íslendingar; (Árnesingar) (hjón)

Árið 1788 (18. öld).

Fólkið er að tala um Heklu (það bendir á Heklu)

Hekla hafði nýverið gosið, það er að segja árið 1766. Telja fróðir menn að í því gosi hafi verið mesta hraunrennsli úr Heklu á sögulegum tíma. Koparstungan sýnir því hugsanlega fyrsta gosmökkinn, sem steig upp frá fjallinu í því gosi.

Myndin er eftir listamann, sem starfaði í London fyrir og eftir aldamótin 1800, og sem hét J. Thornthwaite (f. 1740). Sá hefur væntanlega aldrei til Íslands komið, frekar en Trusler, og ristir hann einnig í koparinn þessi afsakandi orð: "Published as the Act directs, by the Author, March 1, 1788".Hann teiknaði aðra mynd af Íslendingum í bókina, sem sýnir fólk við útieldun við Geysi í Haukadal. Og ég held bara að Hekla sé þar líka í bakgrunninum. Útieldun við hverina í Haukadal var víst afar vinsæl iðja, áður en Íslendingar uppgötvuðu Weber grillið og gerðust aftur fullgildir hirðingjar.

Vegna þess að það er svo gaman að hafa sigurvegara, og vegna þess að þið svöruðu skemmtilega, verða hér veitt verðlaun fyrir hugmyndaríkasta svarið. Þau hljóta: Loftur Altice Þorsteinsson.

Meira um verðlaunin í næstu færslu.

Athugasemdir

[Loftur Altice Þorsteinsson, 14.7.2007 kl. 22:24]

Það er alltaf gaman að vinna til verðlauna. Beztu þakkir.

Hefur þú hugmynd um, hver málaði fyrirmyndina að koparstungu THORNTHWAITEs ?

Mér þykir ólíklegt að hann hafi gert það sjálfur.

Kveðja.

[Vilhjálmur Örn Vilhjálmsson, 15.7.2007 kl. 18:03]

Ekkert að þakka, ánægjan var mín. 

Ekki man ég hvort Frank Ponzi var með fyrirmyndina af þessari mynd í bók sinni um ferðamenn á 18. öld, því eintakið mitt er í kassa á Íslandi. Mig minnir þó ekki að Banks eða von Troil hafi haft svipaða mynd í bókum sínum. Snemma á 19. öldinni voru nokkrar franskar bækur og enskar með álíka þema og myndin í getrauninni, en þá var faldurinn horfinn af frúnni og umhverfið kringum Heklu orðið eins og eftir 100 ár með Global Warming.

[Loftur Altice Þorsteinsson, 22.7.2007 kl. 00:45]

Ég þakka aftur fyrir verðlaunin Vilhjálmur. Þetta var skemmtilegt uppátæki hjá þér.

Við skoðun á myndinni af Geysi, kemur í ljós að karlarnir eru með þríhyrnur, eins og á gátu-myndinni. Þó er merkilegra, að líta skó þeirra. Þeir eru í pólskum skóm (poulaine shoes), sem var furðulegt fyrirbæri. Poulaine er frönsk afbökun af Poland, þar sem þessi tegund af skóm virðist upprunin.

Eftirfarandi teksta fann ég á netinu um pólska skó:

More ridiculous than this, however, are the poulaine shoes that were fashionable for 300 (!) years, starting in the Middle Ages. These shoes had humongous points at the toes, stuffed with fabric to keep the points erect. They made for interesting games of footsie under the dinner table. A man might have even sewn bells on the end of his poulaines to advertise he was seeking sexual favours. The church saw the shoes as blasphemous and they blamed the Black Death on them, saying it was punishment for such extravagance. Eventually, laws were passed to restrict the length of the point of the shoe, and men’s shoes were castrated. No worries, the codpiece came into style soon after.

Kveðja.