Utanríkisráðherra eyðir um efni fram í útlöndum

Þórdís Kolbrún Reykfjörð Gylfadóttir utanríkisráðherra og hershöfðingi einkahers Íhaldsins gerðist þjóflega gjafmild um daginn.

Ráðherra í ríkisstjórn, sem ekki getur einu sinni hækkað laun þeirra verst stöddu á Íslandi, tók um daginn 380 milljónir íslenskra króna út af skattfjárinnistæðu þjóðar sinnar, sem berst í bökkum, og stakk í vasa gjörspillts úkraínsk utanríkisráðherra, sem örugglega mun líta á sérhvern dal frá Slawa Íslandía sem sinn eigin vasapening eða lífeyri þegar hann stingur af í flýti til BNA á næstunni.

Þótt CIA og byssu-Gunter fyrrv. sendiherra Trumps í sendiráði BNA hafi reynt að stöðva umræðu um heimildamynd Oliver Stones frá 2014 um vandræðabarnið Úkraínu, þá fá allir Íslendingar sem greiða vasapeninga til  gráðugra svikahrappa í stjórn Úkraínu, heimildamynd Olivers Stones að gjöf í staðinn. Það má líta á þetta bíóboð sem skaðabætur með innbyggðum fræðslupakka. Minna má það nú helst ekki vera. Íslendingar gátu séð kvikmyndina um tíma á YouTube, þar sem hún hefur verið bönnuð af CIA.

Bíómiðinn er hér Sjáið sögu Úkraínu í mynd Olivers Stones.

Biden, sem nefndur er til sögunnar í heimildarmyndinni, hefur ekki tekist að banna alla umræðu eða gagnrýni líkt og litla vini Dísu Reykfjörð í Kænugarði hefur tekist. Myndin er reyndar komin upp aftur á YouTube með grískum texta. En betra er að sjá hana hér.  Ekki þarf popp eða kók til að njóta myndar Stones, þó fleiri hafi verið drepnir af Úkraínumönnum en samanlagt í öðrum myndum Stones.

Njótið myndarinnar, og þú líka Dísa Reykfjörð, jafnvel þótt sannleikurinn geti verið sumum sár á hinu gjafmilda Íslandi, þar sem fólk skilur ekki að "gyðingur",  eins og Zelenskiyj er sagður vera (en er ekki), getur aldrei stutt öfl sem myrtu gyðinga Úkraínu - en það gerir Zelenskiyj. Litli leikarinn er bara í kvikmynd lífs síns og meðan hann fær nóg kók og dollara og jafnvel vasapeninga pakkaða inn í prjónles frá Íslandi, dansar hann fyrir Biden, Trump og hvaða heilabilaða einstaklings sem er sem situr í Hvíta Húsinu í hvert og eitt skiptið. Getum við ekki vinsamlegast fengið Obama aftur!!!

Myndin hér fyrir neðan er af Dísu Reykfjord, er hún bauð ljóshærðum sveitablondínum og æskuvinkonum út á bæ í höfuðborginni í miðju Cóvinu ... án þess að nota verjur - Sjá hér.

Lög og reglur nefnilega ekki fyrir herskáar Dísur sem dást af austrænum fingrabrúðum í grænum flísherbúningi. Dísa er kannski sjálf strengjabrúða án þess að vita það.

Sem betur fór áttu íslendingar enga skriðdreka á lausu, en stríðsviljug er Dísa Reykfjörð með eindæmum. Hún gleður hinn gamla generál Sjálfstæðishersins, Björn Bjarnason, sem lætur þetta eftir sér á bloggi sínu:

Scholz og áhrifamenn innan hans eigin Jafnaðarmannaflokks og annarra þýskra flokka vilja í raun frekar friðmælast við Rússa en sýna þeim í tvo heimana.

Sjálfstæðisflokkurinn hefur alltaf verið hrifnari af þýskum nasistum en sossunum sem þar eru nú við völd. Þá er sko gott að hafa Dísu herskáu til að ráðast á Pútín og kommana...með 380 milljónir af skattfé Íslendinga.

Þannig er heimurinn. Sjálfstæðisflokkurinn hefur ekkert breyst síðan hann innbyrti alla gömlu nasistana, líkt og Kanarnir gerðu líka, og það til at drepa vondu kommúnistana hvar sem þá er að finna.

380 milljón króna stuðningur til Úkraínu

Athugasemdir

[Jónatan Karlsson, 22.1.2023 kl. 13:08]

Þakka þér fyrir þessa mjög svo athyglisverðu færslu. Ég ætla sannarlega að horfa (aftur) á hina forboðnu mynd Olivers Stone sem þú býður hér upp á.

[EINAR S HALFDANARSON (IP-tala skráð) 22.1.2023 kl. 21:16]

Ég hef oft rekið mig á að þú hefur ekki haft fyrir að kynna þér staðreyndir mála í Úkraínu. Það er of langt mál að fara yfir það, en ég hef þó áður reynt. - Það sem ég ekki skil er hrifning þín á fasistanum Pútín og Wagner-vinum hans. Þú leist ekki einu sinni upp við ummæli Lavrovs um gyðinga.  

Það er með ólíkindum að taka afstöðu til stríðsglæpa á okkar tímum á grundvelli einhvers sem Banderas kann að hafa gert og réttæta þá þannig. (Raunar var hann settur í fangabúðir af nasistum; af hverju var það?). Ekkert réttlætir stríðsglæpi Pútíns; Holodomor réttlætti ekki Babi Jar þótt einhverjum hafi þótt það á sínum tíma. Stalín var engu betri en Hitler. - Segðu mér eitt; hvaða afstöðu hafa hinir nýju vinir þínir tekið til Ísraels og gyðinga gegnum tíðina? Ég er ekki bara að tala um þá í Íran.

[Vilhjálmur Örn Vilhjálmsson, 23.1.2023 kl. 07:56]

Ágæti lögmaður og flokksmaður Sjálfstæðisflokks, Einar S. Halfdanarson. Áður en þú spyrðir mig við Pútín ættir þú kannski að leita að nafni hans á þessu bloggi og sjá hvað ég hef skrifað um manninn, og biðjast síðan afsökunar, svo þú gefir mér ekki ágætis átillu til að fara í meiðyrðamál við þig.

Þú líkir hungursneyð í Suðurhluta Sovétríkjanna 1932-33 við Helförina. Það er algengt bragð hægriöfgamanna sem afneita eða gera lítið úr Helförinni á einn og annan hátt, Af öllum ríkjum SÞ eru aðeins 19 sem skilgreina hungursneyðina í Sovétríkjunum 1932-33 sem þjóðarmorð.

Bandera (ekki Banderas eins og þú rita. Banderas var  suðrænni náungi en Bandera) var settur í fangabúðir líkt og aðrir glæpamenn sem SS og Reichssicherheitsamt i Berlin töldu hafa stolið af Þjóðverjum. Bandera var þjófur fyrir utan að vera morðingi. Eins og þið í D vitið var Evald Mikson líka hnepptur í fangelsi af Þjóverjum - Ekki fyrir að hafa myrt gyðinga og nauðgað börnum. Hann var einnig þjófur og Þjóðverjar fangelsuðu hann fyrir þjófnað frá Þriðja ríkinu. Þið í Sjálfstæðisflokknum sáuð til þess að hann var ekki sóttur til saka fyrir morð sín. Það er eiginhagsmunaflokki ykkar og ýmsum öðrum íslenskum stjórnmálamönnum eins t.d. Jóni Baldvin Hannibalssyni til ævarandi skammar og að kenna. Þið eruð meðsek. Þú getur lesið um þetta í grein sem ég ritaði í bókina Antisemitism in the North, sem er hægt að nálgast á netinu og lesa ókeypis í boði sænska rannsóknaráðsins. 

Bankastjóri einn i Hollandi, afi öfgafulls íslensk Sjálfstæðismanns, rændi einnig af bankareikningum, sem m.a. höfðu tilheyrt gyðingum. Fyrir það var hann dæmdur fyrir að hafa rænt af Þjóðverjum. Hann var sendur til sérbúða utan Neuengamme við Hamborg, þar sem hann dó. Þjóðverjar töldu hann vera þjóf og Hollendingar telja hann ekki meðal  fórnarlamba eða hetja.

Íslendingar, sem ekkert vita um hörmungar stríðs, ættu að hafa sig hæga í palladómum.