Börn eru heilög

 

Ævar Rafn Kjartansson, grafískur hönnuður, sendi mér línu, tengi í ritgerð sína um "barnamorð" Ísraelsmanna. Þessa sendingu fékk ég vegna þess að ég skrifaði um löngun Vinstri Grænna eftir því að koma Íslendingum í stjórnmálasamband við Hamas og aðra óbótamenn.

Þessi mynd er af Tali Hatuel og dætrum hennar fjórum, sem voru skotnar sundur og saman af Hamas 2. maí árið 2004. Bíll sem þær ferðuðust í hafði verið skotin frá öllum hliðum, væntanlega af ungum og glæsilegum frelsishetjum Hamas, sem Ævar og hans skoðanabræður vilja hafa samræði við. Hila (11), Hadar (9), Roni (7) og Merav (2) fundust í bílnum þar sem þær hjúfruðu sig saman. Blessuð sé minning þeirra.

Ævar og þeir Íslendingar, sem syrgja palestínsk börn, sem oft eru notuð í við eldlínuna til að koma fyrir sprengjum og bera sprengjubelti, er vitanlega fyrirmunað að syrgja þá gyðinga sem hafa misst líf sín fyrir hendi palestínskra hryðjuverkamanna. En ef til vill hefur Ævar áhuga á að lesa um það fólk við tækifæri, þegar hann er búinn að syrgja heilaþvegin börnin sem sett eru á sprengjubelti.

9. ágúst 2001 var nær heilli fjölskyldu útrýmt þar sem hún vara að borða pizzu í hjarta Jerúsalem. Morti Schijveschuurder kona hans Tzira, og þrjú börn Ra'aya, Yitzhak, og Hemda voru myrt af sprengju sem var fyllt af nöglum, skrúfum og brotajárni. 15 manns voru myrtir í árásinni. Afi Motti Schijveschuurders var samstarfsmaður bróður ömmu minnar í Hollandi. Ég syrgi börn Motti og Tziru Schijveschuurders. Tæpu ári áður en þessi fjölskylda var eyðilögð, sat ég með konu minni og dóttur og borðaði á sama pizzustaðnum þar sem Palestínumaður tók 15 manns með sér í dauðann til að frelsa landið sitt. Mig dreymir oft óhugnarlegan draum um þennan stað.

Ævar Rafn Kjartansson, mér þykir líka leitt að börn Palestínumanna þurfi að stunda hernað í stað þess að vera í skóla. Mér þykir leitt að palestínsk börn séu misnotuð til þess að halda áfram skærum, sem hægt hefði verið að koma í veg fyrir ef fullveðja Palestínumenn hefðu haldið rétt á spilunum og viljað frið. Horfið á þetta myndskeið, þar sem heilaþvegin börn hryðjuverkakonu eru misnotuð í "Stundinni okkar" í landi Hamas. Takið eftir því að móðir barnanna drap gyðinga, ekki Ísraelsmenn! Skoðaðu þetta Ævar, þú hinn mikli vinur barnanna í Palestínu.

1132 manns hafa misst lífið vegna óeirða og hryðjuverka Palestínumanna síðan um aldamótin 2000.

Hér getið og hér  getið þið lesið meira um þetta fólk sem var tekið úr umferð vegna frelsisbaráttu Palestínumanna.

Athugasemdir

[Sigurður M Grétarsson, 2.6.2007 kl. 20:56]

Við skulum ekki gleyma því að það eru Ísraelar, sem eru hernámsliðið í þessum heimshluta. Það eru því þeir, sem eru árásaraðilinn. Það eru þeir, sem eru "Þjóðverjar Miðausturlanda" svo samlíking sé tekinn úr síðari heimstyrjöld. Vissulega hafa Palestínumenn drepið rúmlega þúsund Ísraela síðan seinni Indifata uppreisn Palestínumanna gegn grimmilegu hernámi Ísraela hófst en á sama tíma hafa Ísraelar derpið hátt í fjögur þúsund Palestínmenn.

Skúli Skúlason kemur hér enn með þá þvælu að verið sé að "framleiða börn sem sprengjufóður" hjá Palestínumönnum. Palestínumönnum finst alveg jafn vænt um börn sín og okkur vesturlandabúum. Þeir eru líka í þessari baráttu gegn hernámi Ísraela til að geta skapað þeim betri framtíð. Til að þau geti öðlast það frelsi, sem þeir sjálfir hafa ekki getað öðlast vegna ásælni Ísraela í land þeirra. Þeir hafa alla sína æfi búið við grimmilegt hernám og misskunarlausa kúgun þessara illmenna.

Palestínsk börn hata ekki Ísraela vegna þess að þeim sé kennt það í skólum sínum heldur vegna framferðis Ísraela í garð þeirra og fjölskyldna þeirra. Þau hata þá vegna þeirra illvirkja, sem þau verða vitni að frá hendi ísraelska hersins.  Mörg þeirra syrgja ættingja og vini, sem hefur verið slátrað af þessum stríðsglæpamönnum.

Nei Skúli það er ekki von á góðu í Miðausturlöndum nema alþjóðasamfélagið fari að tuska Ísraela til og þvingi þá til að virða alþjóalög og skila aftur hernumdum svæðum, greiða strísskaðabætur fyrir áratuga grimmilegt hernám og þvíngi þá til að afhenda stíðsglæpadómstól stíðsglæpamenn úr sínum röðum eins og til dæmis Serbar hafa verið þvingaðir til að gera.

Það eru Ísraelar, sem eru helstu gerendur í ofbeldisverkum í þessum heimshluta. Sjálfsmorðsárásir Palestínumanna eru ekkert annað en afleiðing af áratuga hernámi og kúgun Ísraela. Ef þú lemur einhvern nógu oft endar með því að hann lemur á móti.

[Ævar Rafn Kjartansson, 2.6.2007 kl. 23:18]

 Kæri Vilhjálmur

Ég hef séð þetta myndskeið og get ekkert annað en fundið til með aumingja börnunum. Bæði út af örlögum móður þeirra og heilaþvottinum sem þarna er í gangi. Enda hef ég ALDREI sagt að ég styðji aðgerðir palestínumanna. En ég skil þær!

Þegar þjóð hefur verið niðurlægð svona grimmilega eins og ísraelar hafa gert í yfir 60 ár er engin von. Engu að tapa.  Vinir Ísraels þurfa að fara að gera sér grein fyrir því að það er ekki í lagi hvernig gyðingar koma fram við nágrannann. Upplýsingar mínar koma frá ísraelsku mannréttindasamtökunum btselem .

Ekki spyrða mig saman við vinstri græna eða gera mig að sérstökum vini palestínskra barna. Þá titla á ég ekki skilið enda ekki í þeim flokki né málkunnugur neinu palestínsku barni.

Það er aumt þegar þið trúarfasistarnir verjið gerðir gyðinga sem hafa verið úthrópaðar af öllum hinum siðmenntaða heimi en verndarvængur Bandaríkjanna  heldur enn á floti. Enda stærsti kaupandi vopna frá þeim auk þess sem bandarískum fjölmiðlum og afþreyingariðnaði er að mestu stýrt  af gyðingum sem vilja ekki flytja til Ísrael en kaupa sitt aflátsbréf með stuðningi.

[Linda, 3.6.2007 kl. 00:50]

velkominn í hóp trúarfasista..ja hérna. Þeir sem gleypa hrátt við lyginni sem kemur frá Palestínu porpaganda maskínunni, sína hvað þeir vita afskaplega lítið um sögu svæðisins í gegn um aldirnar og ekki síst síðustu 100 árin eða svo.  Einn skrifaði hjá mér að  honum væri sama um eldgamla sögu Gyðinga, enn svo er í lagi að tala um eldgamla skáldsögum um tilveru rétt Araba á Palestínu.  Vanþekkingin er sorgleg.  Þetta ofbeldi er sorglegt og þessi barna níðing Araba er skelfing.  Merkilegt að Vg vilji í stjórnasamstarf við barnaníðinga! Nema að fólk telji að kenna börnum að halda á byssum til þessa að drepa gyðinga sé ekki níð, eða nota teiknimyndir til að kenna hatur á gyðingum, ég hélt að það væri ekki kewl að vera rasisti, það er greinilega í lagi ef um er að ræða gyðingahatur.  Skammarlegt alveg og hræðilegt hvað fólk getur verið blekkt.

[Sigurður M Grétarsson, 3.6.2007 kl. 08:54]

Linda. Það eru fyrst og frems lyga propaganda maskína Ísraela, sem hefur verið að afbaka sýn Vesturlandabúa á ástandinu í þessum heimshluta. Ég geri ráð fyrir að þú sért að tala um skrif mín þegar þú talar um mann, sem sagði að honum væri sama um eldgamla sögu Gyðinga. Það, sem ég á við þar og þú virðist ekki skilja er að sú saga skiptir bara ekki nokkru máli. Ástæða þess að ég fór að segja að Arabar hefðu verið þarna líka er sú að jafnvel þó við færum að gefa þessum fornsögum eitthvert vægi þá myndi það ekki einu sinni réttlæta kröfum Ísraela.

Það er rétt að ofbeldið þarna er sorglegt en það er fyrst og femst vegna "níðingar" Ísraela en ekki öfugt. Aðgerðir Pelstínumanna eru einfaldlega afleiðin af ofgeldi Ísraela.

Þú talar um sögu þessa svæðis síðustu 100 árin. Sú saga geymir fyrst og fremst sögu um Gyðinga, sem smám saman hafa verið að hrekja íbúa svæðisins burtu með vopnavaldi og fjöldamorðum til að stela landi þeirra. Það er ástæða þess að allir menn með heilbrygða réttltissýn hafa andúð á framferði Ísraela. Það er þeirra hegðun, sem er rót ofbeldisins þarna og það verður að sparka duglega í þá og þvinga þá til að virða alþjóðalög.

[Vilhjálmur Örn Vilhjálmsson, 3.6.2007 kl. 09:43]

Sigurður M Grétarsson er maður með heilbrigt réttlætisskyn, sem ætlar að "sparka duglega í" Ísraelsmenn, "tuska þá til" og "þvinga þá". Æi.....nýr Pontíus Pílatus!

Hinn íslenski Pontíus verður þó að gera sér grein fyrir því, að Palestínumenn sparka nú þegar í Ísraelsmenn, tuska þá til, þvinga, og myrða þá líka til að fá frelsi sitt.  Hömlulaust ofbeldi er sem sagt enn talin rétta leiðin? Arabarnir í Palestínu hafa valið Hamas og eru því sammála SMG. Ofbeldi, spörk, tusk og þvinganir eru ekki rétta leiðin. Einn góðan veðurdag munu Palestínumenn uppgötva það.

[Sigurður M Grétarsson, 3.6.2007 kl. 14:47]

Það eru nú fyrst og fremst Ísraelar, sem hafa verið að beita hömlulausu ofbeldi gegn Palestínumönnum og sparka fast í þá. Palestínumenn hafa svarað fyrir sig og drepið um að bil einn Ísraelsmann á móti þremur til fjórum myrtum Palestínumönnum.

Æji hvað það hlýtur að vera mikil illmennska að vilja þvinga Ísraela til að fara að alþjóðalögum. Ástæða þess að Palestínumann hafa valið Hamas er væntalega sú að þeim hefur fundist Fatah vilja gefa of mikið eftir af rétti þeirra til að kaupa sér frið. Þeir vilja frekar berjast áfram fyrir rétti sínum helsur en að láta óréttlætið yfir sig ganga og láta stela nær öllu landi sínu þannig að þeir verði sildir eftir á svæðum það litlum og sundurskornum að það verði ómögulegt að reka þar eitt ríki sem virkar, sem slíkt. Palestínumenn eru fyrir löngu búnir að gera sér grein fyrir því að það er ekki hægt að ná fram réttlátum friðasamningum við Ísraelsmenn. Um daginn höfnuðu þeir mjög svo rausnalegu tilboði frá Arabaríkjum. Þar var mjög langt seilst til að reyna að ná fram sáttum og var Ísraelum boðið að halda eftir helming þess lands, sem þeir hafa ólöglega hernumið af Palestínumönnum frá því Sameinuðu þjóðirnar ákváðu skiptingu landsins.

Segðu mér eitt. Var anspyrna hernuminna þjóða Evrópu í síðari heimstyrjöldinni gegn hernámsliði Þjóðverja ofbeldi og hryðjuverk?

[Vilhjálmur Örn Vilhjálmsson, 3.6.2007 kl. 19:59]

Elsku Sigurður,

ert þú að líkja Ísraelsmönnum saman við nasista? Mér sýnist það. Mundu að Palestínumenn voru bandamenn Hitlers. Nasistar höfðu að markmiði að útrýma gyðingum og það hafa Palestínumenn greinilega líka haft að meginmarkmiði í áratugi.

Samlíking ykkar milli Ísraelsmanna og nasista er ógeðfelld og er í raun versta gerð afneitunar á helför gyðinga. Forfeður Palestínumanna byggðu ekki þetta land, sem gyðingar voru hraktir frá. Flestir Palestínumenn aðhyllast Íslam, sem í dag er notað til að boða að gyðingar sé helsti óvinur mannkyns. Þú virðist aðhyllast álíka skoðanir. Ef til vill kominn tími til að gerast fylgismaður Múhameðs spámanns.

Þú virðist greinilega heldur ekki vita að Palestínumenn hófu morðárásir á gyðinga í Palestínu löngu áður en Ísraelsríki var stofnað.

Veistu t.d. að Chaim Arlozoff, frændi stúlku sem Íslendingurinn Edvald Hinriksson nauðgaði (skv. ákærum vitna) í Eistlandi, var myrtur af Palestínumönnum í Tel Aviv árið 1933. Arolzoff var leiðtogi Mapai, sem síðar varð verkamannaflokkurinn í Ísrael. Á þeim tíma heyrðis fyrst ásökunin um að gyðingar væru að flæma Palestínumenn burt af svæðinu. Þetta rannsökuðu Bretar og tóku skýrlega fram að væri rugl, þó svo að þeir væru á sama tíma að snúast gegn gyðingum í Palestínu.

[Sigurður M Grétarsson, 4.6.2007 kl. 23:25]

Þó margt af því, sem Ísraelar hafa gert gagnvart Palestínumönnum minni á framferði Nasista þá er ég ekki að líkja þeim við þá. Ég er einfaldlega að líkja hernámi við hernám. Vopnuð andspyrna við hernámi er heimil samkvæmt alþjóðasáttmálum, þar með töldum Genfarsáttmálanum og telst til sjálfsvarnar.

Það er því engin munur á árásum íbúa hernuminna landa Þjóðverja á Þýska hermenn, árásum Palestínumanna á ísraelska hermenn, árásum Afgana á Sovéska hermann á meðan Sovétmenn hernámu Afganistan eða árásum Kuwita á íraska hermenn meðan á hernámi þeirra stóð þar.

Þó svo dauði hvers manns sé harmur fyrir hans aðstandendur þá er það einfaldlega hluti þess, sem reikna má ef hermenn eru sendir til að hernema aðra þjóð og kúga hana síðan. Dauði þeirra er fyrst og fremst sök þeirra, sem sendu þá til slíkra verka en ekki þeirra, sem eru að verja hendur sínar og berjast fyrir frelsi sínu.

Það eru engin ný sannindi að gyðingar og arabar réðust oft á hvorir aðra á þessum slóðum löngu áður en Ísraelsríki var stofnað. Innfæddir íbúar þessa svæðis voru flestir á móti öllum þessum innflutningi gyðinga inn á land sitt, sem hófst í lok nítjándu aldar. Þeir reyndu sitt til að hrekja þá í burtu. Hvað heldur þú að við Íslendingar myndur gera ef við værum hernumin þjóð og það færu allt í einu að flæða inn í landið fólk, sem við vildum ekki sjá en hernámsþjóðinni væri slétt sama og gerði lítið eða ekkert til að sprona við aðstreyminu?

Þaðer rangt hjá þér að Islam sé notað til að boða að gyðingar séu helsut óvinir mannkyns. Hins vegar eru það fyrst og fremst Arabar, sem fynna til samstöðu meða kúgaðri þjóð Palestínumanna og hafa trúarleðtogar farið þar fremstir í flokki. Þetta hefur ekkert með trúarbrögðin sjálf að gera fremur en að fjöldamorð krossfarana á þessum slóðum hafi haft eitthvað með kristna trú að gera þó Páfinn hafi hvatt til þessara aðgeraða þegar honum fanst kristnum mönnum ógnað.

Hvað heldur þú að myndi gerast hér á norðurlöndunum ef eihverjir kæmu fram við Færeyinga eins og Ísraelar hafa komið fram við Palestínumenn? Ef við bættist að um væri að ræða menn, sem væru ekki kristnir, hvernig heldur þú þá að öfgakristnir menn í þessum löndum myndu tala?

[Sigurður M Grétarsson, 7.6.2007 kl. 23:18]

´Þetta friðartilboð felst aðeins í því að virða alþjóðalög. Flóttamenn eiga að fá að snúa aftur heim til sín að átökum loknum samkvæmt Genfarsáttmálanum. Þessu verða Ísralar bara að kyngja. Þetta er ekki land Ísraela heldur þeirra flóttamanna, sem voru hraktir frá því með fjöldamorðum og hryðjuverkum Zíonista.

Þessir fordómar þínir gagnvart Múslimun er hreinlega sjúkleg. Þetta bull þitt á ekkert skilt við raunveruleikann. Mikill meirihluti Múslima heimsins lifir í ágætis sátt við nágranna sína. Þú getur ekki dæmt fjöldan út frá nokkrum skemmdum eplum. Ef þú villt kynnast sannleikanum um Múslima og Islam ráðlegg ég þér að ná í þína fræðslu einhvers staðar annar staðar en í Omega.