Leita í fréttum mbl.is

Trúarfasisti, Hallelúja!

Í gær komst ég í tölu trúarfasista. Ævar Rafns Kjartansson dæmir mig og aðra og skrifaði:

"Það er aumt þegar þið trúarfasistarnir verjið gerðir gyðinga sem hafa verið úthrópaðar af öllum hinum siðmenntaða heimi en verndarvængur Bandaríkjanna  heldur enn á floti. Enda stærsti kaupandi vopna frá þeim auk þess sem bandarískum fjölmiðlum og afþreyingariðnaði er að mestu stýrt  af gyðingum sem vilja ekki flytja til Ísrael en kaupa sitt aflátsbréf með stuðningi."

Þessi orð Ævar Rafns sýnir að sjálfsögðu hvað hann er sjálfur. Hann dæmir sig best sjálfur, eins og aðrir stuðningsmenn hryðjuverka og öfgastefnu.

Þessi Stóri Dómur Ævars féll vegna þess að ég hef dregið heilbrigðið í tillögu Vinstri Grænna um að vilja stjórnmálasamband við Hamas í efa. Þá ritaði Ævar um barnamorð Ísraelsmanna. Það er mjög algeng athugasemd hjá þeim sem skilja Hamas, sem þó oftast gleyma því að blessuð börnin tína lífi sínu vegna þess að þeim er beitt sem vopnum í eldlínunni. Vinir Hamas vilja helst ekki heyra um börnin sem vinir þeirra myrða. Tilfinningataugin í Ævari er ekki eins fín þegar honum eru sýnd börn saklausra Ísraelsmanna, gyðinga, sem verða fyrir "frelsisbaráttu" Palestínumanna, múslima, sem Ævar og hans líkir segjast skilja. Börn Palestínumanna sem myrða og deyja í stríðinu eru frelsishetjur, en börn gyðinga eru augljóslega fórnarlömb frelsisbaráttu sem er skilin og studd af Ævari og hans félögum á Íslandi.

Hvers konar fasisti er svo Ævar Rafn, ef við hin erum trúarfasistar? Kannski auðtrúa fasisti? Veltið því fyrir ykkur, og svo getur Ævar horfst í augu við börnin sem uppáhaldsfrelsisbaráttan hans hefur myrt. Ætli hann skilji það sem gerst hefur og geti skammast sín?:

Kornabörn

1til2ára

3til4ára

5til8ára

9til11ára

12til13ára

14ára

15ára

16ára

17 ára


« Síðasta færsla | Næsta færsla »

Athugasemdir

1 Smámynd: Sigurður M Grétarsson

Listinn yfir börn sem hin ríkisreknu hryðjuvrkasamtök, ísraelski herinn, hefur myrt er milku lengri en þessi. Hann telur nokkur hundruð börn. Þó vissulega geti verið að dæmi sé um að börnum hafi verið beitt af einhverfnum hópum Palestínumanna þá hafa flest þessi börn látið lífið vegna þess að ísraelskir hermen hafa myrt þau.

Ofbelsi Palestínumanna gegn Ísraelum er einfaldlega afleiðing af ólöglegu hernámi Ísrela í marga áratugi og þeirri grimmilegu kúgun, sem þeir hafa beitt íbúa hernámssvæða sinna allan tímann og því landráni, sem þeir hafa viðaft. Ef þú lemur einhvern nógu oft og nógu illa endar með því að hann lemur á móti.

Það eru ekki þeir, sem styðja kúgaða þjóð Palestínumanna, sem eru stuðningsmenn ofbeldis eða hryðjuverka heldur þvert á móti þeir, sem styðja hið grimma hernámsveldi Ísraela. Það eru þeir, sem hafa verið helstu gerendur í ofbeldisöldunni þarna. Ef menn vilja sleppa því að vera í tengslum við gerendur ofbeldis í þessum heimshluta ættu menn að slíta stjórmálasambandi við hryðjuverkaríkið Ísrael.

Sigurður M Grétarsson, 3.6.2007 kl. 09:06

2 Smámynd: Linda

SMG sínir að hann telur barna dauða í  Ísrael ómerkilegan og skipta litlu máli þar sem listi dauðara  Araba barna í Palestínu er stærri.  Þú hefur verið dæmdur, frá þínum eigin orðum. 

Eitt barn sem er myrt er of mikið! Skammastu þín.

Linda, 3.6.2007 kl. 12:56

3 Smámynd: Sigurður M Grétarsson

Linda. Ég hef hvergi skrifað að dauði barna í Ísrael sé eitthvað ómerkilegur. Ég var að svara grein frá Vilhjálmi þar, sem hann talar um morð Palestínumanna á ísraelskum börnum eins og það séu einu barnamorðin í Miðausturlöndum. Hann talar um stuðning við þjóð, sem mátt hefur þola miskunarlausa kúgun í áratugi, sem stuðning við öfgastefnu og hryðjuverk. Ég var bara að benda honum á að flestöll hryðjuverk í Miðausturlöndum eru framin af ríkisreknum hryðjuverkasamtökum Ísraela, ísraelska hernum. Ég er hjaranlega sammála þér að eitt myrt barn er einu of mikið. Ég var bara að benda á að það á líka við um palestínsk börn.

Skúli. Barátta Palestínumanna gegn Ísraelum hefur ekkert með trúarbrögð að gera. Þetta er einfaldlega bátta hernuminnar og kúgaðrar þjóðar gegn böðlum sínum. Svona þér til upplýsngar þá er hluti Pelstsínumanna kristinnar trúar.

Orsökin fyrir ofbeldinu þarna er ekki að finna í Kóraninum heldur í grimmilegu hernámi Ísraela. Þú munnt aldrei skilja það, sem þarna er að gerast meðan þú hefur allar þínar upplýsingar um ástandið frá Omega eða netsíðu félagsins Zíon. Það er hvergi í íslenskum fjölmiðlum hallað eins mikið réttu máli um atbuðinga í Miðeusturlöndum eins og í Omega. Það er hvergi í íslenskum fjölæmiðlum dregin upp eins röng mynd af Islam eins og í Omega.

Sigurður M Grétarsson, 3.6.2007 kl. 14:32

4 Smámynd: Vilhjálmur Örn Vilhjálmsson

Sæll Sigurður,

nú hafa sjálfsmorðsárásir Palestínumanna fengið útbreiðslu um allan heim múslima. Við getum heldur ekki farið til London og Spánar án þess að eiga í hættu að verða myrt í lestum og strætisvögnum. Súnnítar í Írak sprengja jafnmarga Síhita í tætlur á viku eins og Hamas og Al Aqsua sprengdu Ísraela á einu ári. Þessi dauðaárátta er komin úr böndunum.  Hún er ekki Ísrael eða gyðingum að kenna.

Palestínuarabar, þetta hernumda og kúgaða samansafn af þjóðflokkum, sem þú vilt sýna stuðning, kúga sitt eigið fólk mest sjálfir með þeirri trúarvellu sem blossaði upp með Intífödunni árið 2000. Palestínumenn drápu í fyrra fleiri af sínu eigin fólki en Ísraelar. Öfgafullur Íslamismi er aðalástæðan fyrir þessari dauðaáráttu Palestínuþjóðarinnar. Þú getur ekki kennt Ísraelum og BNA um ófarir þessarar þjóðar. Palestínumenn sjálfir eru stærsta vandamál Palestínumanna! 

Ég legg til að þú skellir þér til Gaza og komist úr raun um hlutina sjálfur. Áður en þú hjólar í  þá suðurför, getur þú séð hvernig Palestínumenn dæma mann og taka af lífi og ljósmynda lík þeirra, trampa á þeim og skjóta og vanvirða lík hans á allan mögulegan máta. Kannski getur þú tekið þátt í svona baráttu við Ísrael þegar þú kemur til Gaza.

Vilhjálmur Örn Vilhjálmsson, 3.6.2007 kl. 19:32

5 Smámynd: Sigurður M Grétarsson

Vilhjálmur. Hvað getur þú bent mér á margar styrjaldir þar, sem það hefur ekki verið dauðasök að njósna fyrir óvinin í miðju stríði? Ég hef reyndar aldrei verið stuðningsmaður dauðarefsinga en eru ekkidauðarefsingar líka í ísraelskri refsilöggjöf?

Palestínumenn eiga enga sök á hryðjuverkaárásum í London eða Írak. Þeir komu þar hvergi nærri svo vitað sé. Þjáningar Palestínumanna eru hins vegar fyrst og fremst Ísraelum að kenna vegan þeirrar einföldu staðreyndar að það eru þeir, sem hafa hernumið land þeirra og kúgað þá af villimannslegri grimmd. Þeir hafa drepið þá og limlest í stórum stíl, stolið landi þeirra, eyðilagt heimili þeirra og haldið þeim í raun í stórum fangelsum þar, sem þeir hafa litla möguleika á að framfleyta sér.

Ég veit það vel að kristnum mönnum hefur fækkað mikið á hernumdu svæðunum í Palestínu. Ætli það stafi ekki af stórum hluta af því að það eru fleiri, sem vilja taka við þeim en hinum. Það breytir ekki því að barátta Palestínumanna gegn hernámsliðinu hefur ekkert með trúarbrögð að gera heldur baráttu hernumdar þjóðar gegn grimmu hernámsliði. Hvað heldur þú að við Íslendingar myndum gera ef einhverjir færu með okkur eins og Ísraelar hafa farið með Palestínumenn? Myndir þú bara beygja þig og kyssa á vöndin?

Sigurður M Grétarsson, 4.6.2007 kl. 23:05

6 Smámynd: Vilhjálmur Örn Vilhjálmsson

Sæll Sigurður 

Dauðarefsing er til í ísraelskri löggjöf en hefur aðeins verið beitt á stríðsglæpamenn eins og Eichmann sem t.d. hitti stofnanda Hamas. Hann var þó ekki dæmdur fyrir það.

Menn sem hafa skipulagt sjálfsmorðárásir sitja í Ísraelskum fangelsum. Þeir eru fjöldamorðingjar/hryðjuverkamenn, ekki hermenn, og leggja yfirleitt mikla áherslu á að þeir hafi ráðist á saklausa borgara í Ísrael "vegna þess að allir Ísraelar séu hermenn".

Aðrir sem sitja í ísraelskum fangelsum fá lagalega aðstoð! og mál þeirra eru tekin fyrir við dómstóla sem hafa lög, sem eru ekki svo ósvipuð íslenskum lögum. Þeir sem dæmdir eru hafa framið glæpi. Þeir eru ekki myrtir á götum úti og lík þeirra óvirt af brjáluðum múg. Þeir taka út sinn dóm.

Engar sannanir eru fyrir því að maðurinn á myndinni, sem ég sýndi þér, hafi njósnað fyrir Ísrael. Líkast til var hann fórnarlamb innbyrðis átaka óbótamanna í Hamas. Hann fékk ekki réttlát réttarhöld og það er ekki Ísrael að kenna.

Ýmsar velmeinandi Norðurlandaþjóðir hafa reynt að kenna Palestínumönnum lög og reglu til að koma í veg fyrir svona villimennsku, en það virðist sem ekki sé hlustað mikið fólkið úr norðri. Allt starf danskra lögreglumanna er unnið fyrir gíg. Það sama gildir að sjálfsögðu um "siðferðilegan" stuðning þinn við öfgamenn meðal Palestínumanna. Hann getur í versta lagi orðið til að ástandið verði enn ægilegra. Stuðningur við Hamas er stuðningur við það sem þú sérð á myndinni, hvaða nafni sem þú vilt kalla það. Mér finnst það sorglegt, því ég tel að Palestínumenn geti enn fengið góða niðurstöðu í samvinnu við Ísrael.

Mundu líka Sigurður, ef að Ísrael hefði ekki unnið 6 daga stríðið, sem þeir urðu að  há, vegna yfirvofandi hættu á arabískum árásum, þá væru Palestínumenn að semja við Jórdaníu og Egyptaland um yfirráð yfir Vesturbakkanum og Gaza..... og hvernig heldur þú að það hefði gengið fyrir Palestínuþjóðina?

Ég ráðlegg þér að hætta að nota orðin grimmd og grimmdarlegt um Ísraelsmenn, meðan að þú lýsir Palestínumönnum sem fórnarlömbum. Málið er ekki eins einfalt og þú heldur. Við Norðurlandabúar sjáum grimmd, en við þekkjum hana ekki .... það eru þó aðeins 60 ár síðan að ættmenn Íslendinga suður í Þýskalandi myrtu milljónir manna af mikilli grimmd. Stofnandi Hamas var þá bandamaður Hitlers!

Vilhjálmur Örn Vilhjálmsson, 5.6.2007 kl. 10:17

7 Smámynd: Sigurður M Grétarsson

Ég hef aldrei haldið öðru fram en að þeir, sem beina árásum sínum sérstaklega á óbreytta borgara eru morðingjar/hryðjuverkamenn. Gleymum því ekki að Ísraelar hafa gert milku meira af því en Palestínumenn þó þeir reyni að telja fólki trú um annað. Þeir hafa myrt nokkur hundruð börn síðastliðin sjö ár. Það eina, sem ég hef sagt er að þessar árásri eru afleiðing af ólöglegu hernámi Ísraela og grimmilegri kúgun þeirra á Palestínumönnum.

Það er rétt hjá þér að engar sannanir eru fyrir því á myndinni að viðkomandi hafi njólsnað og það er rétt að hann fékk ekki réttlát réttarhöld. Hvað varðar hlutdeild Ísraela í því máli skulum við ekki gleyma því að Ísraelar hafa eyðilagt allan infastrúktúr Pelestínumanna. Þeir hafa sprengt flestar lögrelustöðvar þeirra í loft upp. Drepið lögreglumenn í hundraðatali. Rústað fjárhag heimastjórnarinnar með aðstoð vesturlanda meðal annars með því að stela skattpeningum þeirra í langan tíma og hafa oft á undanförnum árum ráðist á stjórnarbggingar, sem hafa að geyma upplýsingar um það hverjir eru búnir að borga skattana sína og hverjir ekki. Við þessar aðstæður er útilokað að halda uppi eðlilegri löggæslu, sama hvað ráðleggingum frá Norðurlandaþjóðum líður. Þegar engin handtekur þá, sem fremja morð verður ástandið eins og fram kemur á myndinni. Við þekkjum þetta af fornsögum okkar Íslendinga.

Ég hef aldrei skrifað neitt, sem getur flokkast, sem stuðningur við Hamas. Þó ég styðji sama málstað og Hamas liðar eru að berjast fyrir merkir það ekki að ég styðji Hamas eða hryðjuverk þeirra. Ég er þó á því að lýðræðislega kjörin stjórnvöld eigi að fá að stjórna ríki sínu og koma fram fyrir hönd þess. Engin setti Ísrael í samskiptabann þegar Ísraelar kusu stríðsglæpamanninn Ariel Sharon, sem forsætisráðherra. Samanborið við hann eru verstu Hamas liðar eins og sunnudagaskóladrengir.  

Palestínumenn geta ekki fengið góða niðurstöðu í samningum við Ísreala meðan alþjóðasamfélagið er ekki tilbúið til að bakka upp þær sanngjörnu kröfur þeirra að Ísraelar fari að alþjóðalögum. Ísraelar hafa margoft lýst því yfir að þeir muni aldrei skila öllum hernundum svæðum aftur, þar með talið Austur Jerúsalem og að þeir muni aldrei hleypa Palestínskum flóttamönnum aftur heim. Þeir hafa þar með margoft lýst því yfir að þeir muni aldrei samþykkja neitt, sem getur byrjað að teljast til sanngjarnra friðarsamninga.

Það er ágætist punktur hjá þér að hugsanlega stæðuu Palestínumenn ekki í neitt betri stöðu með að semja við Jórdani eða Egypta um land sitt. Það er þó aldrei að vita. Það afsakar hins vegar ekki landrán Ísraaela. Við skulum heldur ekki gleyma því að nærri tuttugu árum fyrir sex daga stríðið rændu Ísaelar helming þess lands, sem ætlað var Palestínumönnum með samþykkt Sameinuðu þjóðanna árið1947. Það var það landrán og þau hryðjuverk og fjöldamorð, sem framin voru til að framkvæma það, sem olli þeirri styrjöld árið 1948, sem endaði með hernámi Jórdana og Egypta á þessu landi. Það var tilraun arabaþjóða til að hrekja hernámslið frá ólöglega hernumdu landi rétt eins og þegar Írakar voru hraktir frá Kuweit á sínum tíma. Því miður tókst það ekki eins vel og í Kuweit og því er ástandið eins og það er í Miðausturlöndum.

Orðið grimmd og grimmdarlegt eru orð, sem fyllilega eiga við um framferði Ísraela gagnvart Palestínumönnum og er síst of sterkt til orða tekið. Ég er sammála þér með það að stuðningur við palestínska hryðjuverkamenn eykru á ofbeldi og blóðstúthellingar. Það sama á voð um stuðning við stríðsglæpi og kúgun Ísraela. Gleymum því ekki að Palestínumenn þyrftu ekki að standa í frelsisbaráttu ef þeir væru ekki sviftir frelsi sínu og landi af Ísraelum. Ég tel að eina leiðin til að stöðva blóðsúthellingarnar þarna séu þær að alþjóðasamfélagið framfylgi alþjóðalögum á þessum slóðum og þvingi Ísraela til að fara eftir þei. Þvingi þá til að skila landi, sem ekki tilheyrir þeim og að hleypa flóttamönnum aftur heim til sín. Með öðrum orðum að koma á sanngjarnri lausn á málinu.

Sigurður M Grétarsson, 5.6.2007 kl. 20:34

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Vilhjálmur Örn Vilhjálmsson
Vilhjálmur Örn Vilhjálmsson

vilhjalmur@mailme.dk

Bækur

Kynning á nokkrum færslum, greinum og bókum PostDocs


Innskráning

Ath. Vinsamlegast kveikið á Javascript til að hefja innskráningu.

Hafðu samband