Laxness var líka dónakarl

Þetta er svo sannarlega tímamótauppgötvun hjá Kress. Bæði Halldór Guðmundsson og Hannes Hólmsteinn misstu alveg af þessari perversjón Laxness. Hvað voru þeir eiginlega að hugsa drengirnir? Það verður að farga bókunum þeirra í bókabrennu.

Maður sem var kommúnisti og klæddi sig í munkakufl og skrifaði um barnanauðgun eins og ekkert væri - það er vitaskuld eitthvað gruggugt við slíkan mann. Eða hvað? Hann er að minnsta kosti dularfyllri en menn sem fyrst voru nasistagerpi uppi á Íslandi og svo kommúnistajöfrar í DDR. Slíkir sómamenn, sem mærðu dráp á milljónum manna, þar með talið barna og kvenna, já þeir komu hreint til dyra - en Laxness var laumupoki og dónakarl sem aldrei fór rétt með.

Laxness var með réttu ásakaður fyrir gyðingahatur í jólabókaflóðinu árið 2017 og nú þetta. Hann hefði með réttu átt að skila Nóbelsverðlaununum. En þið vitið. Hann var bara karl, ófullkominn og til einskis nýtur.

Verður maður nokkurn tíman laus við þessar kerlingabækur og Gróusögur misskilnings? Heimsljós var skáldsaga en ekki sagnfræði. Slöngusýn er greinilega einnig landlæg meðal sumra kvenna.

Og hvað með foreldrana sem keyptu latex, reimar og gadda fyrir börn sín til að klæðast í á öskudaginn til þess að þau líktust best litlu sendiherrasonunum? RÚV var ekkert að fárast yfir því enda sendiherrasynir ávallt góðar fyrirmyndir. Ætti ekki að raðflengja slíka foreldra?

Eru Íslendingar kinký þjóð? Vitaskuld! Sem betur fer. Ef ekki, þá hefðum við engan Jón eða séra Gunnar, svo ekki sé talað um dómkirkjuprestinn, biskupinn, lögfræðinginn, þjálfarann, kennarann, lebbuna etc. etc. etc. Það yrði fjári leiðinlegt í landi, þar allir hugsa eins og Kress.

Bless.

 

Nauðgun á barni rómantíseruð hjá Laxness

Athugasemdir

[Þjóðólfur í Frekjuskarði (IP-tala skráð) 9.3.2019 kl. 10:48]

Kannski Kress hafi ekki kíkt í Paradísarheimt og lesið um litlu heimasætuna...

[Vilhjálmur Örn Vilhjálmsson, 9.3.2019 kl. 11:31]

Mikið rétt Þjóðólfur. Þegar hún varð léttari sagði hún:

"Hvurnin á ég að vita það? sagði stúlkan. Á dauða mínum átti ég

von en ekki því arna."

"Þú líklega veist hvar þú hefur verið telpa litla,
sagði læknirinn.

Ég hef hvergi verið nema hérna, sagði stúlkan."

[Jón Steinar Ragnarsson, 9.3.2019 kl. 16:51]

Þær sveiflast hratt Savonórólurnar þessa dagana. 

[Halldór Egill Guðnason, 9.3.2019 kl. 22:47]

 Það er ekki létt verk að karl. Sennilega best að láta ekkert hafa eftir sér og enn síður hafa skoðun. 

 Góðar stundir, með kveðju að sunnan.

[Halldór Egill Guðnason, 9.3.2019 kl. 22:48]

Að vera karl átti þetta nú að vera.