Leita í fréttum mbl.is

Ljót smekkleysa frá Ríó á gamlársdag

rio-de-janeiro--666610-14

Sólveig Anna Jónsdóttir formaður Eflingar var valin maður ársins af fréttastofu Stöðvar 2, Vísis og Bylgjunnar. Ekki þekki ég Sólveigu vel og leyfir mér því ekki að dæma hana. Ég veit hins vegar að það er ekki glæpsamlegt að vera sósíalisti.

Þegar Hannes Hólmsteinn Gissurarson heyrði af kosningu Sólveigar, þar sem hann situr og lætur sólina sleikja sig í Ríó, lét hann þetta fara frá sér:

„Þetta segir meira um fólkið á fréttastofunni en þennan sósíalista, en rösklega 100 milljónir manns týndu lífi af völdum sósíalismans á 20. öld, í Kína, Rússlandi, Kambódíu og víðar. Hvenær yrði yfirlýstur nasisti maður ársins?“

Mér er næst að halda að Hannes hafi verið búinn að drekka fullmarga gin og tónik þegar hann skrifaði þetta rugl. En ég er ekki viss. Samlíking hans er úr öllu samhengi tekin. Ekki er fyrir neinn mun hægt að kenna verkalýðsleiðtoga á Íslandi nútímans, sem fædd er 1975, við illvirkja í Kína, Rússlandi, Kambódíu eða annars staðar. Það er einfaldlega of fjarstæðukennt.

Hannes, sem reyndar er prófessor við Háskóla Ísland, þar sem tveir rektorar áttu í sambandi við nasista, fer út fyrir öll velsæmismörk þegar hann klínir glæpum á formann Eflingar. Fjöldi íslenskra Sjálfstæðismanna, sem höfðu haft náið samband við nasista, var hyglt eftir síðara stríð (sjá t.d. hér). Það þótti aldrei skítt að vera nasisti í Sjálfstæðisflokknum. Flokkurinn hefur enn ekki gert upp við þann svarta blett á starfssemi sinni

Ef Bakkus er ekki ástæðan fyrir þessari meinloku hjá Hannesi, er hann orðinn gaggandi vitlaus.

Ef Hannes er með réttu ráði og les þetta er full ástæða til að minna hann á að hann er félagsmaður í samtökunum Platform of European Memory and Conscience sem er gælu verkefni hægrimanna í ESB, sem styður válega stefnu í Eystrasaltslöndunum og Úkraínu, þar sem gyðingamorðingjar á meðal skósveina Þjóðverja eru á seinni árum í hrönnum gerðir að þjóðhetjum, um leið og lítið er gert úr helförinni. Sjá Vilhjálmur Örn Vilhjálmsson, “Holocaust Obfuscation and Double Genocide: The Show Goes On, Defending History (Website), June 13, 2014.

Það er nú eins gott að Hannes komi ekki til tals sem maður ársins... Hann hefur með orðum sínum og gjörðum dæmt sig úr leik um allar slíkar nafnbætur.

Það sem vall upp úr HHG í Ríó er náttúrulega ekki gangrýni, heldur ósómi. Starf Sólveigar er vitaskuld þess eðlis að hún má búast við gagnrýni. Enn þetta er ekki gagnrýni hjá HHG. Hann ætti að biðja fórnarlamb sitt afsökunar. Ef ekki, er vitaskuld ekki óhugsandi að Sólveig Anna fari í mál við þennan starfsmann HÍ, sem ekki getur haft á sér hömlur.

Sjá einnig:

Hannes á hálum Ís


« Síðasta færsla | Næsta færsla »

Athugasemdir

1 Smámynd: Jón Valur Jensson

Ugglaust er Sólveig Anna enginn Stalínisti, þótt hinn vinsæli pabbi hennar hafi opinskátt verið það.

Hún kom glæsilega fram sem málsvari verkalýðs á gamlársdag, þegar hún hafði tekið við þeim heiðri að vera útnefnd maður ársins (og þá betur að því komin en Bára Klausturkona, sem hefði ekki orðið til góðs, hefði fordæmi hennar verið gert að góðri og gildri reglu hér).

Ávarp Sólveigar til formanna stjórnmálaflokka yfir kryddsíldinni virtist kannski óundirbúið, en var það ekki, og hún kann sannarlega að halda vel á spöðunum. Engu að síður ber að hafa þann bakgrunn hennar í huga, að hún kemur af yzta vinstra jaðri stjórnmálanna, eins og sést af því, að haustið 2016 var hún í 4. sæti á framboðslista Alþýðufylkiingarinnar (hans Þorvaldar trésmiðs og Vésteins sósíalista Valgarðssonar) í Reykjavík suður. Þau eru öll Marxistar. 

Sólveig Anna má því alveg upplýsa þjóðina um afstöðu sína til þess sósíalisma sem reyndur hefur verið í verki í fjórum af fimm álfum jarðar.

Jón Valur Jensson, 2.1.2019 kl. 15:20

2 Smámynd: Vilhjálmur Örn Vilhjálmsson

Afstaða hennar Sólveigar kemur því ekkert við að hún er dóttir Jóns Múla. Enn síður að hún hafi verið á framboðslista Vésteins. Síst af öllu ber hún ábyrgð á því sem Stalín og Maó gerðu. Hún þarf ekkert að upplýsa þjóð sína um eitt eða neitt nema hve launin eru léleg hjá sumu fólki. Ef ekki má segja það, er nú heldur betur unnið eftir aðferðum sálufélaganna Hitlers og Stalíns.

Eiginlega er mest skammarlegt að maður sem hefur prófessorsstöðu sé að standa í svona væningum. Hefur hann ekkert annað að gera?

Vilhjálmur Örn Vilhjálmsson, 2.1.2019 kl. 18:43

3 Smámynd: Vilhjálmur Eyþórsson

Það ert þú, sem bullar, nafni. Hún er (eins og faðir hennar) yfirlýstur stuðningsmaður stefnu, sem kúgaði, svelti og myrt 100 milljonir, enn fleiri en nasistar.

Hvað yrði sagt ef yfirlýstur stuðningsmaður nasista, sem myrtu þó nokkuð færri, mundi bjóða sig fram?

Væri það allt í lagi?

Vilhjálmur Eyþórsson, 2.1.2019 kl. 19:54

4 Smámynd: Vilhjálmur Örn Vilhjálmsson

 Davíð Ólafsson bauð sig fram - og sat á þingi - og var gerður að seðlabankastjóra án þess að hafa til þess menntun. Steingrímur Hermannsson var ráðherra, pabbi hans bolaði gyðingum burt frá Íslandi. Er ekki rangt feðruð dóttir Agnars Kofoeds i pólitík?

Ekki má heldur gleyma því að þú er líklega alvanhæfur í þessari umræðu. Þú ert bróðir manns sem giftur var móður Sólveigar, áður en Jón Múli kom inn í myndina. Ásökun þín í garð Sólveigar er fádæma vitlaus. Syndir feðranna erfast kannski að þínu mati?

Vilhjálmur Örn Vilhjálmsson, 3.1.2019 kl. 07:32

5 Smámynd: Þorsteinn Siglaugsson

Sólveig styður stefnu sem hefur orðið fleirum að fjörtjóni en nokkur önnur stjórnmálastefna. Hannes bendir á tvískinnunginn sem í því er fólginn að horfa framhjá slíku þegar um stuðningsmann sósíalista er að ræða en ekki ef um væri að ræða stuðningsmann nasista.

Þorsteinn Siglaugsson, 3.1.2019 kl. 08:20

6 Smámynd: Vilhjálmur Örn Vilhjálmsson

 Þorsteinn, stefnan hefur ekki orðið fólki að fjörtjóni. Þeir sem misnotuðu stefnuna myrtu fólk. Reyndar hefði fólk drepist í hrönnum úr hungri í Rússlandi, þó svo að byltingin hefði ekki orðið að veruleika. Nasisminn, sem svo margir Íslendingar heilluðust af, var hins vegar stefna sem innihélt doktrínur um að útrýma þyrfti ákveðnu fólki. Ég efast þó um að marxismi í höndum morðóðra hunda hafi kálað eins mörgum og kapítalismi. Offita sem drepur flesta á Vesturlöndum í dag er afleiðing græðgi kapítalismans. Og enn minni ég á: Íslendingar hafa gert nasista að alþingismönnum og íslenskir kratar, sjálfstæðismenn og framsóknarmenn hafa haldið verndarhendi yfir morðingjanum Eðvaldi Hinrikssyni; Töldu enga ástæðu til að rannsaka mál hans. 

Vilhjálmur Örn Vilhjálmsson, 3.1.2019 kl. 09:43

7 Smámynd: Guðmundur Jónsson

"" stefnan hefur ekki orðið fólki að fjörtjóni""

Það tók Hugo Chaverz minna en 20 ár að breyta Venezuela í helvít á jörð. Hann ver góðmenni inn við beinið.

Ef það var ekki stefnan sem var vandamálið hvað var það þá ?

Guðmundur Jónsson, 3.1.2019 kl. 12:26

8 Smámynd: Jón Steinar Ragnarsson

Algerlega sammála þér Villi. Þetta er í besta falli vanþroskað og ómálefnalegt. 

Það má finna langsóttar sögulegar tengingar til að smíða sér strámenn og ad hominem. Spurning hvor nafni minn Valur myndi kyngja því að truarsannfæring hans gerði hann jafgildan verstu illmennum í kaþólsku og kristinni trú sem frömdu ódæði í nafni trúarinnar. Já, héldu heiminum í svarta myrkri vanþekkingar og ótta í 1500 ár með tilheyrandi hörmungum og blóðsúthellingum. Skuld þeirra sennilega stærri við mannkynið en nokkur önnur öfgastefna hefur gefið.

Er Jón Valur þar með ígildi fjöldamorðingja og kúgara?

Hver hugsandi maður sér hversu víðáttubrjáluð sú tenging er.

Jón Steinar Ragnarsson, 3.1.2019 kl. 14:02

9 Smámynd: Jón Steinar Ragnarsson

Það er að mínu mati jafn fáránlegt að dæma menn í retróspekti fyrir að hafa lofað hugsjónir sem urðu til ógæfu og hryllings fyrir rest. Menn hafa oft látið óskhyggjuna leiða sig þar í von um að nýjasta ídeologían og cure all hugmyndafræðin hefur vakið baralegar vonir um betri og friðsamari heim.

Það að slík hugmyndafræði hafi snúist í andhverfu sína síðar gerir ekki bláeyga fylgjendur að glæpamönnum og morðingjum. Jafnvel ekki þá sem gengu gæsaganginn í forinni niðri í Kvos forðum. 

Málflutningur Hannesar er einmitt dæmi slíkrar fordæmingar og haturs sem gerir þann sem dæmir, síst betri en þann sem dæmdur er.

Jón Steinar Ragnarsson, 3.1.2019 kl. 14:09

10 Smámynd: Hörður Þormar

Blessuð sé minning Jóns Múla, hann var frábær. En aðdáun hans á Sovétinu var svo mikil að það gekk háði næst.

Ég held að það síðasta sem ég heyrði Jón Múla segja hafi verið þessi orð: "Lengi lifi Kommúnistaflokkur Sovétríkjanna". Nokkrum mánuðum síðar voru Sovétríkin og kommúnistaflokkur þeirra ekki lengur tilsmile.

Hörður Þormar, 3.1.2019 kl. 14:15

11 Smámynd: Ragnhildur Kolka

Það er óþarfi að festa sig við fortíðina; hver trúði hverju og hver gerði hvað. Við höfum sprelllifandi dæmi um afleiðingar kommúnismans. Guðmundur Jónsson, hér að ofan, leggur til að rætt sé um það og ég tek undir það. 

Ragnhildur Kolka, 3.1.2019 kl. 14:56

12 Smámynd: Jón Valur Jensson

Jón Steinar Ragnarsson, það kemur mér á óvart, hversu innilega fáfróður þú ert um sögu kaþólsku kirkjunnar. Ofurmæli þín eiga sér enga stoð, enda nefnir þú engar tölur og engar heimildir fyrir fullyrðingum þínum. Hér var hákaþólsk menning á 12. til 16. aldar, og prófaðu að skoða okkar íslenzku sögu, hvort sú kirkja hafi reynzt okkur og menningu okkar og andlegu frelsi illa.

Það er meira vit í innleggi Guðmundar Jónssonar hér kl.12.26 í dag heldur en þessu svartnættisrausi þínu. Það er sjálft skipulag ríkissósíalismans sem hefur hvarvettna brugðizt, mörgum þjóðum til langvinnrar ógæfu, en þér ætlar naumast að endast ævin til að skilja það.

Þorsteinn Siglaugsson á hér líka afar glöggt innlegg kl.8.20 í morgun, sem og Hörður Þormar kl.14.15 í dag.

Jafnvel ögrandi innlegg Vilhjálms Eyþórssonar í gær geymir í sér meira sannleikskorn en þú kemst yfir, karl minn, þótt góður hafir þú áður reynzt í baráttu fyrir fullveldi Íslands.

Jón Valur Jensson, 3.1.2019 kl. 23:19

13 Smámynd: Þorsteinn Siglaugsson

Stefna sem snýst um það að það sé söguleg nauðsyn að mannfólkið taki stakkaskiptum á tilteknum tímapunkti, og þeir sem ekki gera það séu réttdræpir, sú stefna verður fólki að fjörtjóni og hefur vissulega orðið það - í milljónatugatali. Það r í raun fáránlegt að fólk skuli enn fylgja slíkri þvælu.

Þorsteinn Siglaugsson, 3.1.2019 kl. 23:21

14 Smámynd: Jón Valur Jensson

Tek hjartanlega undir þau orð þín, Þorsteinn.

Jón Valur Jensson, 3.1.2019 kl. 23:34

15 Smámynd: Vilhjálmur Örn Vilhjálmsson

Ég biðst afsökunar á því að hafa horfið úr umræðunni um tíma, en þarf hér að sjá að hún fjallar orðið um allt annað en það sem ég rita um. Ég var í gær í Det Jødiske Hus, sem nokkrum árum síðan var byggt bak við samkunduhús Gyðinga í Kaupmannahöfn í stað elliheimilisn sem þar var. Ég stakk fyrir mörgum árum, þegar ég var ritsjóri tímaritsins RAMBAM, upp á því að Danmörk fengi Stolpersteine, litla steina með nöfnum gyðinga í Danmörku sem myrtir voru í stríðinu (síðar munu vonandi koma steinar fyrir aðra hópa). Þetta verður að veruleika í byrjun sumars, þegar fyrstu steinarnir verða lagðir. Við sem vorum á fundinum vorum vel varin af 8 hermönnum og lögreglumanni sem gætti okkar. Ekki fyrir kommúnistum eða nasistum, heldur afar litlum hópi múslíma sem vill drepa gyðinga. Að ákæra alla aðra múslíma fyrir sömu kenndir er eins kjánalegt og það sem HHG gerir gagnvart Sólveigu Önnu. Einn af dönsku hermönnunum á vakt í gær var múslími og greinilega liðsmaður í varðsveit Margrétar drottningar. 

Hér í umræðunni hefur verið skautað út og suður og frá efninu. Jón Múli sagði margt en hafði einnig gott skopskyn sem ég held að margir hafi misskilið. En hann er ekki til umræðu hér. Það sem ég ræddi voru orð HHG um Sólveigu Önnu, sem mér finnst ómakleg og ósæmandi menntamanni sem veit betur, en stundar áróður sem sína aðalfræðigrein. Kaþólska kirkjan á sitt syndaregistur og samt hafa þeir fengið menn á þing á Íslandi.

Kommúnisma og sósíalisma var ætlað að bæta hag almennings, en þegar upp var staðið reyndist ekkert breytast í þeim löndum sem þessum stefnum var komið á. Mannfyrirlitningin í Rússlandi sem reið öllu á tímum Zaranna og mannfyrirlitningin (lítið vægi einstaklingsins) víða í Asíu, hélt velli. Menn fengu nýja keisara en terrorveldið hélt velli. Þið, "öfgafólkið til hægri og sá kristni sem ekki sér aumur á nágranna sínum og getur ekki sýnt samúð samarítans, gagnrýnið öll ágæta stefnu sem í raun var aldrei framfylgt. 

Nasistar hafa komist til valda og metorða á Íslandi, menn sem á einu stigi aldarinnar höfðu talið að gyðingamorð væru lausn allra mála. Ákveðið fólk á Alþingi, með mismunandi ástæður og pólitískan bakgrun, varði einnig gyðingamorðingjann Eðvald Hinriksson. Enginn er að tæta börn þeirra í sig. En HHG vænir konu fædda árið 1975 um að vera í slagtogi við helstefnur. Hann ætti nú að líta sér aðeins nær. Lesið greinina um þau samtök sem hann starfar fyrir, sem lætur það gott heita að öfgafólk til hægri í Eystrasaltslöndunum minnist gyðingamorðingja sem þjóðhetja. Það er skömm af því fyrir Íslending að sitja í slíku starfi.

Vilhjálmur Örn Vilhjálmsson, 4.1.2019 kl. 07:23

16 Smámynd: FORNLEIFUR

Guðmundur Jónsson. Chavez var aldrei góðmenni. Hann var glæpon líkt og margir þjoðhöfðingjar í Rómönsku Ameríku hafa verið - og eru enn (t.d. kjáninn sem nú stjórnar Brasilíu fyrir utan gluggann hans HHG). Kommúnismi voru ekki hans ær og kýr, heldur sjálfstaka. Hann kallaði sig Trotskíista þó hann vissi ekki hvað það var. Honum tókst aldrei að ljúka prófi við háskóla - og þá er maður nú harla vitgrannur. Svo var hann líka gyðingahatari og kenndi þeim um hvernig farið hafði í Venezuelu. Margir gyðingar í Venezuela flýðu land á hans tímum. Kynntu þér hlutina betur, áður en þú blæst hér út rugli og þvælu sem aðeins getur flokkast undir áróður.

FORNLEIFUR, 4.1.2019 kl. 11:46

17 Smámynd: Guðmundur Jónsson

Er það þá rétt skilið hjá mér Vilhjálmur að kommúnistaríkið mundi vera himnaríki á jörð ef þú fengir á ráða hvernig það væri í framkvæmd ?

Guðmundur Jónsson, 4.1.2019 kl. 13:12

18 Smámynd: Guðmundur Jónsson

Georg Bjarnfreðarson mælir líka vit í háskólagraðum.  Mér finnst það ekki boðlegt í svona umræðu. Vit er mælt í IQ. Háskólar í dag útskrifa fólk með gráðaur sem er langt undir meðalgreind jafnvel undir 90.

Og Nasistar, af vrju ertu svona upptekin af þeim þeir voru lagðir niður 1945. Kommúnistar eru núna að stjórna milljörðum manna.

Guðmundur Jónsson, 4.1.2019 kl. 13:55

19 Smámynd: Jón Valur Jensson

Þessi lokasetning Guðmundar kl. 13.55 er laukrétt.

En gott hjá þér, Vilhjálmur, að minna hér á hið ljóta mál Gyðinga-ofsækjandans Eðvalds Hinrikssonar. Þar var einn áberandi ráðamaður íslenzkur með skelfilega afstöðu: að ekkert ætti að gera í máli hans! 

Þetta þætti mér forvitnilegt að þú kæmir nánar inn á: að kaþólskir hér hafi "fengið menn á þing á Íslandi." Hverja hefurðu þar í huga?

Jón Valur Jensson, 4.1.2019 kl. 18:52

20 Smámynd: Theódór Norðkvist

Alveg merkilegt, í hvert sinn sem bent er á hina sviðnu jörð sem gereyðingaraflið sósíalismi/kommúnismi skilur eftir sig, í hvert einasta skipti í mannkynssögunni sem hann er reyndur, þá kemur alltaf sama svarið, frá verjendum hans:

Kommúnisminn er göfugur og góður, það eru mennirnir sem kenna sig við hann, sem eru svo vondir!

Þá spyr ég:

Ef mannlegt eðli er svona vont, hver er þá tilgangurinn með því að reyna að hrinda kenningum sósíalismans í framkvæmd, ef mannlegt eðli verður alltaf ofan á, sama hvað dogmur sósíalismans eru kyrfilega niðurnegldar í lögum og reglugerðum möppudýranna? Ef það lagar ekki neitt og gerir bara illt verra, sem alls staðar hefur orðið reyndin, hver er eiginlega tilgangurinn með því að reyna sósíalismann? Er þá ekki best að henda honum endanlega í ruslafötuna?

Theódór Norðkvist, 4.1.2019 kl. 19:43

21 Smámynd: Vilhjálmur Örn Vilhjálmsson

 Eðli kapítalismans, sem þróaðist með þrælahaldi og alls kyns arðráni langt frá heimaslóðum ræningjanna, er þess eðlis að sósíalismans var þörf. Ég vildi óska þess að sólkonungar í Kóreu hefðu verið ónauðsynlegir, því þeir eru ekki kommúnistar, sósíalistar eða neitt í þeim klassa. Stalín var skítsama um kenningar gyðingsins Marx. Hann var stigamaður með guðfræðipróf. Þeir sem tóku völdin frá alþýðunni í ráðstjórnarríkjunum voru bófar líkt og margir súper-liberalistar í dag. Bófar í græðgikasti. Það er vandi heimsins; Gráðugt og siðlaust lið sem neitar því að Brasilía séu ein af lungum jarðarinnar og situr svo lungann úr árinu í Ríó og veður í konu sem fædd er 1975 og kennir henni um allar ófarir heimsins. Hvað heldur þú Norðkvist sögulausi að margir hafi verið drepnir í Afríku að völdum kapítalisma? Þessir stæla manna eins og HHG um hver hafi drepið flesta, Stalín eða Hitler og skósveinar hans á Íslandi, er gráðbroslegur. Að líka Holodomor við Holocaust er siðlaust. Það eru alls endis óskyld "fyrirbæri". HHG saknar greinilega sterka mannsins með svarta frímerkið á efri vörinni í Berlín. Það verður sífellt ljósara. "Glæpir" hans gegn H Laxness eru hjóm eitt miðað við hálfbrenglaðar skoðanir á helstu glæpaverkum síðustu aldar. Maður sem fær sig til að umgangast öfgamenn sem vilja mæra gyðingamorðingja í löndum sínum er ekki vinur gyðinga! En liðið í HÍ sem var á eftir HHG vegna þess að hann vitnaði rangt í HL, er sama um gyðinga. T.d. Helga Kress sem hér um árið var lokkuð til að skrifa undir plagg, falsað, til stuðnings Palestínu. Haldið var fram að Ísrael myndi framkvæma þjóðarmorð á Palestínumönnum í skugga Íraksstríðsins. Siðlaust fólk í háskólum er svo vandi háskólanna. Ef rektorinn er siðlaus og leyfir tannskoðanir á ungmennum á flótta með úreldum aðferðum, sem ættaðar eru frá tímum nasista, verður víst engin siðbót í bráð í ruslaháskólanum HÍ. Hann verður aldrei betri en fólkið sem ráðið er til hans, eða skipað af pólitískum samherjum.

Vilhjálmur Örn Vilhjálmsson, 5.1.2019 kl. 05:41

22 Smámynd: Vilhjálmur Örn Vilhjálmsson

"Heilög" Þorgerður Katrín Gunnarsdóttir. Svarar það spurningu þinni Jón Valur? Attríbútin eru væntanlega kúlulánin og merki ESB.

En kaþólikkar eru ekki versta fólkið, Jón. Agnar Kofoed var ætlað mikið hlutverk á skrifborðum suður í Berlín, og ekki var hann katólikki fyrir fimm aura.

Faðir fv. flokksleiðtoga Þorgerðar Katrínar dvaldi í Þýskalandi og borðaði með Hitler: https://fornleifur.blog.is/blog/fornleifur/entry/2205972/ (Þú hefur lesið það áður).

Vilhjálmur Örn Vilhjálmsson, 5.1.2019 kl. 06:02

23 Smámynd: Vilhjálmur Örn Vilhjálmsson

Guðmundur Jónsson, á hvaða eyðiey elur þú eiginlega manninn? Nasisminn hefur ekkert verið lagður niður. Nýnasistar út um öll "siðmenntuð" lönd Evrópu og herir næsta ESB-landsins Úkraínu líta svona út: Nei óværan lifi góðu lífi og kom Trump til valda.

Vilhjálmur Örn Vilhjálmsson, 5.1.2019 kl. 06:14

24 Smámynd: Vilhjálmur Örn Vilhjálmsson

Í Úkraínu, þar sem myndirnar hér að ofan eru frá, vilja þeir gera gyðingamorðingja að þjóðhetjum.

Vilhjálmur Örn Vilhjálmsson, 5.1.2019 kl. 06:16

25 Smámynd: Theódór Norðkvist

Vilhjálmur þú svaraðir mjög vel. Að vísu ekki mínum spurningum.

Theódór Norðkvist, 5.1.2019 kl. 15:07

26 Smámynd: Vilhjálmur Örn Vilhjálmsson

Myndirnar frá Úkraínu stoppuðu stutt við  og hurfu?

Vilhjálmur Örn Vilhjálmsson, 5.1.2019 kl. 18:19

27 Smámynd: FORNLEIFUR

Þær er í staðinn hægt að skoða hér: https://azov.org.ua/naviky-v-stroiu-polk-azov-vshanuvav-zahyblykh-biitsiv-pidrozdilu-misteriieiu/

FORNLEIFUR, 7.1.2019 kl. 04:06

28 Smámynd: Jón Valur Jensson

Ég vissi vel af Þorgerði Katrínu, Vilhjálmur, -- hèlt þú ættir við fleiri, sem ég vissi ekki hverjir ættu að vera. Reyndar beitir ÞKGd. sér alls ekki eins og kaþólikki á þingi, vill EKKI verja hina ófæddu með lögum!!

Um meint Gyðingahatur í Passíusálmum HP er ég jafnmikið ósammála fullyrðingum þínum, Vilhjálmur, eins og Vantrúarmanna. Punktur og basta.

Jón Valur Jensson, 9.1.2019 kl. 03:55

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Vilhjálmur Örn Vilhjálmsson
Vilhjálmur Örn Vilhjálmsson

vilhjalmur@mailme.dk

Bækur

Kynning á nokkrum færslum, greinum og bókum PostDocs


Innskráning

Ath. Vinsamlegast kveikið á Javascript til að hefja innskráningu.

Hafðu samband