Aldrei aftur Sigmund Davíð!

Þessi moðsuða Moggamannsins Stefáns E. Stefánssonar er fyrir neðan allar hellur.

Thorvaldsensfélagið hvað...? Hún amma mín var einnig í Torvaldsensfélaginu og "stóð vaktina" þar árum saman. En hvað kemur það gamla góðgerðarfélag málinu við, þegar maður þessarar konu, sem var forsætisráðherra, sagði öllum að velja íslenskt því krónan væri góð, meðan þau hjónin földu evrurnar sínar og annan gjaldeyri á pálmaeyju?

Svo kenndi maðurinn hennar gyðingnum Soros um allt heila klabbið hér um daginn. Af hverju dregur hún Thorvaldsensfélagið, stofnað í nafni frænda míns Thorvaldsens, hið gamla góða félag hennar ömmu minnar og Thorvaldsensbazarinn inn í þennan skítabisness sinn ?

Eru Framsóknarburstar á Morgunblaðinu að reyna að hreinsa Sigmund Davíð með vítissóta fyrir kosningar? ER ÞAÐ YFIRLEITT HÆGT? Viljum við mann sem kennir gyðingum um fjármálaóreiðu sína í embætti forsætisráðherra Íslands????  Vitaskuld ekki. Það er örugglega nóg til af góðu fólki í Framsókn sem ekki þarf að skera í tilfallandi gyðinga til að ná athygli flokksmanna sinna.

Guð hjálpi okkur ef allur flokkurinn er á sömu skoðun. Þá hefur ekki mikið breyst síðan á 4. áratug síðustu aldar. Flokkurinn verður að losa sig við meinið.

Staðreyndirnar virtust litlu skipta

Athugasemdir

[halkatla, 27.8.2016 kl. 19:51]

Það kviknaði í buxum grey konunnar fyrir mörgum mánuðum síðan og það logar enn!

Það ætti einhver í þessu góðgerðafélagi úr fréttinni að tala við hyskið um að vera ekki að básúna svona tengsl sín við það útum allt... Ég myndi ekki treysta þessu félagi sem stendur, nema Anna Sigurlaug sé algjör "starfsmaður á plani".

[Erla Magna Alexandersdóttir, 27.8.2016 kl. 19:54]

MESTU hagsmunapotarar og stórræningjar sögunnar eru framsóknarforystumenn sem hafa náð ofurvaldi á almannaeign gegnum árin. Sigmundur er ekki í raun í þeirra hópi sem voru að taka eignir almennings traustataki- fyrir sig og ættingja- hann hefur ekki stolið eigum annara- en óafsakanlegt að borga ekki skatta.

 Samt burtseð frá hans persónulegu málum- var gjörsamlega mikil lágkúra yfir aðkomu sjónvarps/frettamanna að yfirheyrslum yfir manninum- þeir taka ser DÓMARAVALD   !