Ja, vi elsker dette landet

Eitt ríkasta land í heimi hefur ekki ráð á því að bjarga ólánsömum þegn sínum!

Þetta er sama landið sem ætlaði sér að stinga fjármunum myrtra, norskra gyðinga í vasann (ríkiskassann) hér um árið. Eignir gyðinga, sem á stríðárunum létu lífið í útrýmingarbúðum nasista, þangað sem þeir voru sendir með dyggri hjálp fjölmargra Norðmanna, voru þó loks notaðir í málefni sem tengjast starfi gyðinga í Noregi og til að fræða fólk um helförina, en það var nú alls ekki ætlun norska ríkisins og ríkistjórnar landsins, þar sem Lútherstrú er þjóðtrú.

Forsætisráðherra Noregs tekur skakka hæð í pólinn, þegar hún heldur því fram að IS samtökin byggi ekki hugmyndafræði sína á trúarbrögðum. Þótt flestir sem sækja í þessar morðsveitir séu smákrimmar og margir með mikilmennskubrjálæði, líkt og þeir Norðmenn sem gengu í Waffen-SS, þá hefur IS trúarráðgjafa, lærða múslíma í fræðum Íslams, sem er undirstaða hugmyndafræði Ríkis Íslams. Trúin gefur þessum glæpalýð ástæðu og afsökun til að þeir geti framið ódæðisverk sín.

Þetta eru trúaðir hryðjuverkamenn og þeir eru líka "geðveikir" - ja - ekkert síður en Breivik, (sem reyndar er geðveikur þótt norsk yfirvöld afneiti því harðlega).  Þannig er nú hin norska firring.

Hámark mannfyrirlitningarinnar er þegar fólk er drepið vegna nísku og veruleikaflótta stjórnmálamanna í einu ríkasta landi heims til að friðþægja afneitun á meðal múslíma (og margra annarra). Afstaða Norðmanna til borgara sinna er til skammar. Sérhvert mannslíf er heilagt, sama hvað það kostar.

Á hverju halda hryðjuverkamenn IS, Hamas, Hisbullah, etc? Ekki er það síðasa heftið af Andrés Önd, svo mikið er víst.

Norðmaðurinn líklega látinn

Athugasemdir

[Gunnr (IP-tala skráð) 19.11.2015 kl. 17:48]

Það að fjármagna mannrán með himinháum lausnargjöldum mun einungis auka á mannrán og hryðjuverkastarfsemi og fleirri þjóðir hafa það sem "prinsipp" að borga aldrei og Noregur meðal þeirra. Þetta hefur ekkert með nísku að gera eins og sumir grunnhygnir einstaklingar virðast halda og í raun "common sense". Raunar hafa þeir ISIS menn og aðrir drepið fólk þrátt fyrir að fá borgað lausnargjald. Merkilegur málflutningur að blanda þessu við þegar Noregur var hertekinn í stríðinu og ofsóknir gegn gyðingum sem öðrum.
Láttu renna af þér áður en þú skrifar næst svona samhengislaust bull.

[Vilhjálmur Örn Vilhjálmsson, 19.11.2015 kl. 18:08]

Frábið mig skítkast frá nafnleysingjum. En meðan þú ert hér með yfirgang og dónaskap, líkt og værir þú á geðlyfjum blönduðum út í vínanda, gefðu okkur þá nokkur dæmi um að ISIS hafi drepið gísla eftir að hafa fengið greidd lausnargjöld.

Ríki geta vel greitt lausnargjöld til að bjarga þegnum sínum undan ógn hryðjuverka án þess að láta stöðva sig í að útrýma óþverranum. Þegn frjáls ríkis er meira virði en peningar og hryðjuverkalið.

Það er ekkert sem kallast getur "merkilegur máflutningur" (hvað sem það nú er?) að líkja þessu saman við síðari heimsstyrjöld. Nasistar, og þeir voru mjög margir i Noregi, hötuðust út í gyðinga og það gerir ISIS líka og ekki minnst gamlir kommúnufasistar sem eru líka á kafi í gyðingahatri eftir að Sovét-óskalandið hvarf með sínu gyðingahatri. Syndahafurinn er líkur hjá brjáluðu fólki, sama hvort það er trúarofstæki eða einhver ímyndunarveik hugsjón.

KOmdu nú, "Gunnr", með sönnunargögnin um greiðslur til ISIS sem samt hefur myrt gísla!!!

[Gunnr (IP-tala skráð) 19.11.2015 kl. 18:32]

Sannanir, ertu að grínast?

ISIS þetta furðufyrirbæri sem byggðist upp eftir upplausnina í Sýrlandi og Írak. Mannfyrirlitning, vafinn inn í trúarbrögð.
Þessi ISIS sekt á eftir að tapa fáránleg túlkun á trúarbröðgum en það er að sumu leiti auðveldara með kóraninn þar sem Múhameð spámaður var hermaður. Raunar má finna ótal marg kemur þar fram sem í Gamla testamentinu sem ekki stenst tímans tönn.  
Þegar horft er á liðsauka þeirra virðist þetta vera einangraðar sálir sem ekki hafa komist áfram í lífinu og stór hluti eru smáglæpamenn. Þeir njóta lítillar kvennhylli og eru að megninu lágkúrlegar sálir sem dreymir stóra drauma um að fá "kvennabúr" í lfandi lífi eða eftirá, upplifa spennu og fá fé. Breivík er dæmi um slíka sál og væri eflaust með ISIS ef hann hefði þann bakgrunn.  Raunar skilst mér að hann sé orðinn ásatrúar og lögsækir norska ríkið af því að hann fær ekki nýjustu Playstation tölvuna og getur ekki verið á internetinu.

Það að greiða ISIS fé til að halda áfram iðju sinni er nátturlega víðáttugalið. Ættingjar mannsins sem var píndur til dauða hafa þakkað ríkisstjórninni norsku fyrir stuðninginn við fjölskylduna. Niðurstaðan að það aldrei er greiddur grænn eyri fyrir norska ríkisborgara sem gerir þá lítið áhugaverða til mannrána.

[Vilhjálmur Örn Vilhjálmsson, 19.11.2015 kl. 18:44]

 Sem sagt,engin dæmi... Leitt að Norðmenn séu svo lítils virði. Verðlagið hríðféll reyndar eftir að Ísland var numið og dýra fólkið settist þar að.

Ef þetta hefði nú verð rétt hjá þér með gíslasvik ISIS, þá er ekkert sem bannar vestrænum ríkjum að bjarga þegnum sínum og bomba síðan ISIS og illa fengna peninga þeirra alla leið til Helvítis. Fjandinn yrði hæstánægður, enda lítur hann á ISIS liða sem viljuar jómfrúr og norskar krónur kæta hann líkt og þær og evrur gleðja suma Íslendinga.

Hann er afar leiðinlegur leirburður þinn um gyðingdóm, en þú veist greinilega heldur ekki að samtök gyðing og aðrir reyndu að kaupa gyðinga í fanga og útrýmingabúðum. Nasistar vildu versla en lönd eins og Svíþjóð og Sviss lokuðu landamærunum!!!

[Gunnr (IP-tala skráð) 19.11.2015 kl. 21:09]

"Leirburður um gyðingdóm" segir þú? Þú hefur greinilega ekki lesið Biblíuna sérstaklega vel. 

Hvað stendur um m.a. um þrælahald, sem vonandi flestum finnst siðferðilega rangt, í Gamla testamentinu?
Ég get bent þér á nokkra staði sem þú getur flett upp á ef þú ef þú þarft aðstoð. Síðan mætti fletta upp á öðru. Raunar réttlættu menn þrælahald út frá Biblíunn

[Vilhjálmur Örn Vilhjálmsson, 19.11.2015 kl. 21:57]

 Jújú, og þurfti ekki biblíuna til á Íslandi, áður en Kristni var tekin árið 1000. Síðan þá hafa sumir Íslendingar  glögglega sýnt þrælslund sína og haga sér enn eins og Norðmenn, sem sjá á eftir nokkrum krónum til að bjarga aumum meðbræðrum sínum frá illmennum. Aðrir missa sig fyrir evrur og ESB, sem er mikilvægara en allt hér í heimi. Mammonstrúarmenn ættu ekki að tala. Þeir eiga aðeins eina biblíu og það er bankabókin, og boðskapurinn í slíkum bókum er oftast stolinn og þeir sem dýrka slíkar bækur eru þrælar.

[FORNLEIFUR, 22.11.2015 kl. 00:29]

http://www.vg.no/nyheter/innenriks/nordmann-gisseltatt-av-is/eksperter-norske-myndigheter-maatte-skjoenne-at-grimsgaard-ofstad-ville-bli-drept/a/23563968/