Lömbin í mónum, leika þau sér

Treystið mér, nýsjálenska kindin kemst vart með klaufirnar, þar sem íslensku rollurnar fella spörðin.

Ég hef étið þennan andfætluóþverra, og stundum borið fram. Oftast er ekki annað að hafa á dönskum stórmörkuðum.

Ef ég fæ ekki íslenskt lambakjöt í Danmörku, kaupi ég frekar skoskt, danskt eða sænskt lambakjöt, sem er slátrað upp á gamla mátann. Það fæst í verslunum gyðinga eða múslima, og er það miklu betra en það sem hefur verið flutt yfir hálfan hnöttinn sem "ferskt" kjöt. Hugsið ykkur CO2 útleiðsluna við að koma 1 kg af rollu frá Nýja Sjálandi á markað á Íslandi. Það er hreinlega út í hött.

Ef Móa fuglinn stóri er enn til á Nýja Sjálandi, eins og sumir halda, ættu Aðföng og Ferskt kjöt hiklaust að flytja hann inn ferskann. Það vantar greinilega kjöt. Meira kjöt.... grilla, grilla ....meiri sósu - já sósu líka, og helst innflutta.

 

Prófessor með "Móa kjúkling"

Ráðuneytið hafnaði innflutningi kindakjöts

Athugasemdir

[Vilhjálmur Örn Vilhjálmsson, 17.5.2007 kl. 16:12]

Bíddu nú hægur. Fyrrverandi alþingismaður í heimsókn. Hann vill ekki að ég geri athugasemdir við skrif hans um Wolfowitz. http://kristinnp.blog.is/blog/kristinnp/entry/212968/ Nú lýst mér ekki á það. Eru bæði Wolfowitz og nýsjálenska lambinu allar bjargir bannaðar?

Eftirfarandi og annað innlegg hefur verið fjarlægt af háttvirtum fyrrverandi alþingismanni á bloggi hans sem kallast "ég bara spyr". Ég bara spyr, er það eitthvað launungamál að sjálfstæðismenn hafi stundað útstrikanir á heiðursmönnum og að Wolfowitz sé ekki velkominn eins og nýjsálenska kjötið?

Athugasemdir1

Kristinn, af hverju fjarlægðir þú athugasemd mína?!. Ertu ekki tilbúinn að ræða málin? Kannski er þetta ekki réttur vettvangur fyrir þig?

Wolfowitz er aðeins að biðja um uppreyst æru, sem t.d. er gefin helluþjófum á Íslandi, þegar þeir eru búnir að sitja  dóm sinn. En það virðist oft ekki vera nóg á Íslandi, þar sem menn með uppreysta æru eru enn strikaður út í kosningum. Mál Wolfowitz hefur ekki einu sinni komið fyrir dómstóla og þú ert að fárast.

Vilhjálmur Örn Vilhjálmsson, 17.5.2007 kl. 16:12

[Vilhjálmur Örn Vilhjálmsson, 17.5.2007 kl. 16:34]

Bölvað raus, það heytir výst "uppreist æru". En mér þykir alltaf leitt að vera að dæma ódæmda menn eða þá sem búnir eru að taka út refsingu!

[Vilhjálmur Örn Vilhjálmsson, 21.5.2007 kl. 19:21]

Æji, nei Skúli, þetta þykir mér fúl og frumstæð síða. Menn eiga ekki að kasta vatni sínu á heilagar bækur annarra trúarbragða. Ekkert vinnst með svona hellisbúahegðun. Afsakið hellisbúar, mig vantaði orð!