Til varnar vondum Dönum

Ég dáist af góðsemi Íslendinga og yfirlýsingum þeirra um að vilja hjálpa og bjarga heiminum. Stjórnmálaflokkar sem á síðustu öld gerðu allt til að halda Íslandi "Judenrein", eru nú uppfullir af miskunnsömum Samverjum fyrir utan einstaka siðlausar blómasöludræsur sem vilja í staðinn taka réttinn af ríkisstarfsmönnum. Samtímis eru svo frændur vorir Danir ítrekað sakaðir um grimmd af íslenskum fjölmiðlum. Margt af því sem hefur verið sagt á Íslandi um afstöðu Dana til flóttamannastraumsins er þó illilega upplogið og skrumskælt og sýnir mér að dönskukunnátta og almenn málakunnátta  fréttamanna ríkisfjölmiðilsins er af afar skornum skammti, og siðferðið örugglega rotið líka.

Tökum sem dæmi fréttatíma Sjónvarpsins þann 10. september. Þulurinn, sem enga sök á hér á,  byrjaði á því að halda fram að Þjóðverjar hefðu þegar tekið á móti 500.000 flóttamönnum á þessu ári (kemur fram 1,25 mínútu inn í þáttinn) Þetta er hrein bábilja. Það er mér óskiljanlegt hvað veldur þessari ófyrirleitnu Þjóðverjadýrkun ESB-sveitarinnar á fréttastofu RÚV. En svo sá ég að hver stóð fyrir fréttinni, Gunnar Hrafn Jónsson. Þá er ekki að spyrja að því. Það eru siðlausir fréttafalsarar sem ekki getur lesið alheimsfréttir sér til gagns sem hnýtir slíkum lygum inn í fréttir handa auðtrúa Íslendingum. Lesið hér, hér og hér til að fá réttar upplýsingar um fjölda flóttamanna í Þýskalandi í ár. Hvernig Gunnar Hrafn Jónsson getur skáldað, að það séu þegar komnir 500.000 sýrlendingar í ár til Þýskalands, er vandamál RÚV. Menn sem ljúga að þjóð sinni í starfi ættu að leita sér að annarri vinnu, og er ég sammála blómasölukonunni um það.

Það rétta er að Móðir Merkel hefur sagt að Þýskaland geti tekið 500.000 flóttamenn á ári og jafnvel 800.000 í ár - en það hefur hún enn ekki gert. Íbúar og yfirvöld stórborga eins og München eru farin að örvænta. Þar eru um 60.000 flóttamenn, en margir þeirra voru þegar komnir árið 2010. Aðrar heimildir segja að fjöldinn sé miklu minni. Ýkjufréttamennska er nefnilega ekki aðeins vandamál á Íslandi. Fréttamönnum og blaðamönnum sem búa til fréttir fjölgar álíka hratt og flóttamönnum.

Það rétta er að Merkel býður fólk velkomið til að fylla þennan 500.000 manna kvóta drauma sinna. Þar fyrir utan lætur hún stóran hóp þessa verðmæta vinnuafls streyma að landamærum Danmerkur, þar sem fólk vill halda rakleiðis til draumaríkisins Svíþjóðar. Og hún gleymir líka öllum þeim þýsku ungmennum sem eru atvinnulausir. Halda mætti að konan væri komin með Alzheimer.

En skoðum Danmörku. Frá 1. janúar 2012 til og með 1. september 2014 tóku Danir á móti 5395 sýrlenskum flóttamönnum, fyrir utan alla hina sem fengu tímabundið hæli. Hvað gerði litla, góða Ísland á þeim tíma? Íslendingar töluðu um manngæsku sína? Þessir 5395 flóttamenn eru vitaskuld dropi í hafið miðað við þá sem banka á dyr Evrópu nú, en Danmörk tók samt fleiri flóttamenn en 15 þjóðir ESB samanlagt á fyrrnefndu tímabili. Minnumst svo þess að Danir eru 5.614.000. en Þjóðverjar 80.200.000. - og þeir síðastnefndu eru enn með vonda samvisku út af því þeir gerðu við þið vitið hverja... Það er billegt hreðjaspark hjá sjálfsheilögum Íslendingum að hnýta í Dani að mínu mati.

Vitaskuld eru ekki allir flóttamennirnir sem koma á Dannevang frá átakasvæðum í Sýrlandi. Erítreumaður einn sem danska sjónvarpsstöðin TV2 ræddi við sagði alveg blátt áfram, að hann væri staddur í Danmörku á leið til Noregs, því þar væri honum sagt að  best væri að vera. Hann vildi annað líf en í landi sínu, sem lengi var átakasvæði. En hann hafði eytt því sem nemur um 10.700 Bandaríkjadölum til að ná til Danmerkur. Hvers konar maður á slíka peninga í Erítreu, einu fátækasta landi heims?  Sjónvarpsstöðin sýndi einnig ungan mann sem hljóp frá járnbrautarstöð beint í danskan bíl sem beið hans. Menn hafa velt fyrir sér hvort hann hafi verið að koma heim úr stríðinu fyrir ISIS. 

Merkel og hin góðhjartaða íslenska þjóð, sem vill banna umskurn og halalslátrun en bjóða múslímum heim til sín í svínafilet og SS-pulsur, verða að gera sér grein fyrir því að það er fyrsta farrými sem nú kemur til Evrópu. Menntað fólk, og vel í álnum, jafnvel fólk sem ber ábyrgð á glundroðanum. Merkel veit að hún getur notað slíkt fólk á atvinnumarkaðinn sem ódýrt vinnuafl til að þjónka undir æ stærri hópa öldunga á elliheimilum í  Þýskalandi, þar sem ekki er nóg af ungu þýsku fólki til að sinna slíkri þjónustu (sem er vitaskuld lygi).

En getur þjóð eins og Íslendingar, sem brýtur allar reglur á erlendu vinnuafli sem hægt er að brjóta, boðið betri kjör en Móðir Merkel? Heldur íslenska þjóðin að fólk komi til Íslands til að láta brjóta á sér lög? Í fréttum gærdagsins kom í ljós að svo virðist vera.

Danir eru þegar búnir að taka yfir 9000 flóttamenn frá Sýrlandi árið 2014 og á fyrri hluta 2015. Danskir sérfræðingar eru hins vegar ekki eins vongóðir og Merkel. Ef við tökum þann fjölda og deilum honum í heildarfjölda Dana er útkoman ekki dónaleg fyrir Dana. Danir hafa gert betur en flestir og hlutfallslega miða við þá tölu, 160.000 sem ESB tala um að taka í ár. Merkel má vel yfirfylla kvótann sinn með framtíðarvinnuafli Þýskalands, jafnvel 800.000 einstaklingi í ár. Fréttir berast þó líka af því að sumum Sýrlendingum líki ekki að hýrast í gömlum herbúðum í Þýskalandi, meðan maður getur að sögn farið til Svíþjóðar og fengið íbúð í Malmö. En það er auðvitað ekki satt. Sælulífið í Svíþjóð, t.d. Malmö kemur víst sjaldan nema að menn gerist eiturlyfjasalar fyrir hryðjuverkaöfl í Bekaa-dalnum í Líbanon. Slíkt framtaksfólk kostar dönsk yfirvöld og danskt þjóðfélag mikið á hverju ári. Fyrrnefndur fréttafalsari RÚV reyndi fyrir nokkrum árum að tala máli glæpagengja á Örebro-svæðinu og gera lítið úr glæpum þeirra, líkt og Gunnar var talsmaður glæpamanns og morðingja á Íslandi Redouane Naoui sem hann taldi beittan kynþáttaofsóknum og hatursglæpum. Ég efa ekki að þessi fréttamaður telji dómgreind sína á háu stigi að hjarta sitt sé fullt af manngæsku og ást til lítilmagnans líkt og þegar hann heldur því fram gegn betri vitund, að Merkel hafi þegar í ár tekið á móti 500.000 flóttamenn frá Sýrlandi. En Merkel þarf á þeim að halda frekar en þýskum atvinnuleysingjum. Grikkir hafa eins og við vitum líka eyðilagt svo mikið fyrir Þjóðverjum. Allt kostar það.

Ég skil ekki gæsku Merkel, en best þykir mér samt, að gæska Íslendinga sé orðin meiri en fyrir tveimur árum þegar meirihluti þjóðarinnar vildi láta banna umskurn drengja (sjá hér og hér). "Mikill léttir, mikill léttir", hugsaði ég þegar ég heyrði af góðvilja þúsunda Íslendinga nú. Nú fara umskurnirnar sem íslenskir læknar vildu ekki taka að sér í gang aftur. Nú fara Íslenskir súperlæknar að gera gagn í aðstoð við nauðstadda með forhúðina á drengbörnum þeirra í stað þess að gera tilraunir á barka Erítreumanns með Signore Coltello (herra Kuta) í Svíþjóð. Batnandi fólki er best að lifa.

Ekki veit ég þó, hvort Íslendingum batni nokkru sinni versta sótt sín, sem er einföld heimska með háum hita, sem sýnir sig best í vinnubrögðum eins og þeim sem maður sér á RÚV!

Athugasemdir

[Elín Sigurðardóttir (IP-tala skráð) 13.9.2015 kl. 13:02]

Þeim batnar líklega aldrei ef þeir eru kallaðir siðlausar dræsur sem vilja einhverjar breytingar.  Líklega drepast þeir bara úr heimskunni.

[Vilhjálmur Örn Vilhjálmsson, 13.9.2015 kl. 14:00]

 Ja... eða frekju.

[Guðmundur Jónsson, 14.9.2015 kl. 12:53]

Það er eingin munur á kúk og skít Vilhjálmur. Danir og Þjóðverjara eru kynstofn hinna Germönsku Aría, að upplagi siðblindir drullusokkar og ófærir um að finna til samúðar eða sýna náungakærleik. Ef þeir taka eða taka ekki á móti flóttamönnum þá er það vegna þess að þeir hafa ávinning af því.