Íslendingar í Mannréttindaráð SÞ - með stuðningi Hamas?

 

 

Valgerður Sverrisdóttir, utanríkisráðherra Íslands, hefur upp á síðkastið lagt mikla áherslu á tvennt í utanríkispólitík sinni (Framsóknarflokksins). Hún vill "eðlilegt samband" við Palestínumenn, þ.e.a.s. við Hamas samtökin, og hún vill að Ísland fái sæti í Mannréttindaráði SÞ.

Það síðastnefnda gæti örugglega valdið einhverjum smávandræðum, ef það fyrrnefnda verður að veruleika. Náið samband við Hamas, eins og Norðmenn hafa flækt sér í, gæti reynst dýrkeypt. Hinn Hermannski armur Framsóknarflokksins, sem ekki styður tilvist gyðinga og Ísraelsríkis, yrði þó ef til vill góð viðbót við hlægilegan bægslagang Mannréttindaráðsins, sem starfar að fullum krafti við að gagnrýna Ísraelsríki, en er hins vegar alfarið óstarfhæft þegar rædd eru þjóðarmorð, mannréttindarbrot og glæpir annars staðar í heiminum.

Forseti palestínska löggjafaþingsins, Sheik dr. Ahmad Bahar, talsmaður þeirra afla sem Valgerður vill hafa nánari sambönd við, sagði þetta hér á dögunum:

"Það er Íslam, sem var á undan tímanum hvað varðar mannréttindi við meðferð fanga, en þjóð okkar smitaðist af krabbameinskýli, þ.e.a.s. gyðingunum, i hjarta hinnar arabísku þjóðar..... Verið fullviss um að Ameríka er um það bil að hverfa, Ameríka veltir sér [í blóði] í Írak og Afganistan, Ameríka hefur verið sigruð og Ísrael er sigruð, og var sigruð í Líbanon og Palestínu... Gerðu okkur [Allah] sigursæl yfir hinum vantrúuðu...Allah, taktu gyðingana og bandamenn þeirra, Allah, taktu Ameríkanana og bandamenn þeirra ... Allah, teldu þá og dreptu þá allt til hins síðasta og skildu ekki einu sinni einn eftir".

Hlustaðu, Valgerður, og horfðu á bandamann þinn dr. Bahar, fara með dauðaþuluna. Eiga Íslendingar að vera talsmenn þessa mannréttindafrömuðs hjá SÞ?

Athugasemdir

[Vilhjálmur Örn Vilhjálmsson, 3.5.2007 kl. 16:38]

Já, það er furðulegur andskoti hvernig fólk kennir í brósti um þjóðir sem hafa valið öfgar sem lausn á sínum vanda. Ég er ekki í vafa um að Valgerður er hin besta kona, en máttur áróðursins hefur borið hana ofuliði í þetta sinn.