Valgerður Sverrisdóttir verður sendiherra í Palestínu

Sendiráð Noregs og Íslands í Palestínu?

Valgerður Sverrisdóttir gæti í ljósi kosningarspánna hæglega orðið fyrsti sendiherra Íslands í Palestínu og haft skrifstofu í fyrirhuguðu sendiráði Norðmanna (rætt hefur verið um húsið hér að ofan). Mæli ég með því að hún fái sér lífvörð, sem þekkir inn á allar hreyfingar á Gaza og Vesturbakkanum (að neðan).

Sveinn Rúnar Hauksson formaður Félagsins Ísland-Palestína, segir að "það sé fagnaðarefni ef Ísland fylgir fordæmi Noregs og taki upp eðlileg samskipti við þjóðstjórn Palestínumanna. Bendir hann á að það sé í samræmi við yfirlýsta stefnu Alþingis um að viðurkenna bæri sjálfsákvörðunarrétt palestínsku þjóðarinnar og tilvistarrét Ísraelsríkis". Þetta má lesa á Vísir.is.

En Sveinki hefur líklega ekki fylgst með í tímanum. Palestínumenn virða ekki tilvistarrétt Ísraealsríkis. Ber Íslendingum að viðurkenna sjálfsákvörðunarrétt Palestínuríkis, sem stjórnað er af hryðjuverkamönnum sem m.a. afneita Helför gyðinga í Evrópu í viðleitni sinni að afneita Ísrael? Ég leyfi mér að vitna í grein Sveins Haukssonar, sem að því leyti virðist alveg með á nótunum. Hann kallar grein sína "Israel, Israel über alles" http://www.palestina.is/greinar/archive/gr021.htm.

Sveinn Rúnar gæti örugglega líka fengið starf í sendiráðinu. Góða ferð!

Lífvörður Valgerðar?

Athugasemdir

[Linda, 27.4.2007 kl. 02:31]

Vá enn æði að sjá einhvern annan sem sér fáránleikann í þessu öllu samann.  Fólk getur verið svo blint hvað þá óupplýst varðandi þetta allt saman.  Á síðu minni er að finna tengil á grein um rétt Islams til Jerúsalems (nota bene Israel) þetta er algjör fróðleiksmoli sem ekki má missa af.

Ég bið þér blessunar ef svo má að orðið komast með fullri virðingu fyrir þinni trú eða ótrú  þar sem ég hef ekki hugmynd etc etc hehe.

[Sigurður Þór Guðjónsson, 1.5.2007 kl. 21:15]

Hvernig ætli sé að vera asni í Palestínu? 

[Vilhjálmur Örn Vilhjálmsson, 2.5.2007 kl. 12:43]

Ég hef ekki verið þar nýlega, en þegar ég villtist út á Vestubakkann síðast (2000) var horft illilega á mig, konu mína og dóttur, enda við í ísraelskum bíl og intífadan í gangi.

Ég held að asnar alls staðar séu í bráðri hættu. Þess vegna eru þeir svo önugir. Þessi á myndinni hér að ofan virðst hafa sloppið við kúlur.

Eitt er víst, að þegar Messías kemur aftur, þ.e.a.s. ef hann kemur yfirleitt (ég hef nefnilega grun um að hann hafi rifist við Föðurinn um kvimyndaréttindin), þá ríður hann ekki á asna, heldur tekur hann hvítan leigubíl niður að Jaffa-hliði og fær sér tyrkneskt kaffi og halva, sem han margfaldar og dreifir á meðal þjóðanna áður en hann frelsar okkur öll.