Marco litaði bloggið mitt

Marco Evaristti hellti rauðum matarlit á bloggið mitt, áður en hann hélt af landi brott.

Menn hafa spurt mig, hvort ég ætli ekki í mál. Nei, ég ætla ekki í mál við Evaristti. Á þessu bloggi hefur fjöldi manna úthellt eldi og brennisteini, látið illa og slett skyri og verið með óþvegið gyðingahatur. Sumir hafa reynt að hella lút og sápu, svo ég gjósi.

Smá ávaxtasafi á PostDoc.blog.is gerir miklu minni skaða en svínsleg framkoma sumra Íslendinga. Menn hafa skilið hér eftir verri leðju í athugasemdum en rauðrófusafann sem Evaristti hellti hér inn á síðuna. 

Fornleifur frændi er hins vegar ekki glaður þessa stundina, því Marco sletti líka ávaxtalit á gleraugun hans (sjá hér).

„Ég borgaði ekki“

Athugasemdir

[Hrólfur Þ Hraundal, 26.4.2015 kl. 21:50]

Lít  þekki ég þennan vin þin nefndan Marko Hr.Fornleifur. En mitt álit er að snjallast sé að sómakærir hafi sinn sóðaskap heima hjá sér og skeini sig þar með sínum eigin puttum, mér að meina lausu.

[Vilhjálmur Örn Vilhjálmsson, 27.4.2015 kl. 04:39]

Ef hann hefði skitið væri annar litur á þessari síðu. Kannski er vandamálið að Marco á hvergi heima og sagaði framan af þremur fingrum hægri handar þegar hann var ungur. Hr. Fornleifur býr ekki hér.

[Vilhjálmur Örn Vilhjálmsson, 27.4.2015 kl. 07:14]

Bleiki liturinn er að hverfa. Marco hefur ekki unnið nein spjöll að því mér virðist. Ég óttast bara viðbrögð Gylfa Ægissonar.

[Stebbi (IP-tala skráð) 27.4.2015 kl. 12:16]

Þegar ég fæ mér eplasafa úti í guðsgrænni náttúrunni, ætla ég að passa vel, að ekki hellist dropi niður. Ég gæti fengið 100 þúsund króna sekt. Íslenzkir fjölmiðlar gera sér fréttir úr alls kyns smámálum, svo sem ávaxtasafa Ítalans, skoðunum Gylfa Ægissonar á samkynhneigð og brjóstabyltingunni, en fjalla lítt um það sem snertir meiri hluta Íslendinga, eins og ólöglegu myntkörfulánin, sem bankarnir eru að innheimta. Engum finnst neitt athugavert við að bankarnir fengu sjálfir að endurreikna lánin, sem enginn getur í raun reiknað út, því þau eru íslenzkt rugl og ættu að vera afskrifuð. Enginn ætti að greiða af ólöglegu láni.Ítalinn skemmdi ekkert og skattgreiðendur munu á endanum þurfa að greiða honum miskabætur.

[Vilhjálmur Örn Vilhjálmsson, 27.4.2015 kl. 16:56]

Ítali, Stebbi, hver var að tala um Ítala. Sástu ekki að einhverjir voru að skrifa um krossfestingu mitt í í öllu fökktalinu og kjaftæði um íslenska náttúru sem móðgaðist. Ítalinn er gyðingur frá "Síle", svo ég noti nú hreina íslensku fyrir hið langa land Chile.