LÍN

Þó ég sé atvinnulaus og hafi ekki lengur neinar tekjur og bætur sem atvinnuleysingi, hef ég skyldur við sjómenn, smiði og jafnvel bankamenn þá sem unnu fulla vinnu á fullum en mislélegum launum , meðan ég var í námi sem þeir greiddu fyrir með skattgreiðslum sínum - sumir hverjir.

Ég reyni í ár að greiða svokallaða fasta afborgun af námslánum mínu, sem er vísitölutryggð greiðsla, en hef beðið um greiðsludreifingu.

Ég hef heyrt af tannlækni í Flórída, Steingrími N. Hermannsyni að nafni, af fínni og fjöllyndri heldri manna ætt á Íslandi, sem neitar að greiða af lánum sínum, þó að tekjur af hálfri tönn myndu væntanlega borga árlegar greiðslur hans til LÍN og íslensku alþýðunnar sem vann meðan að hann menntaði sig á þeirra kostnað.

Ég segi bara eins og farísearnir. Þannig er ég ekki. Ég gæti aldrei greitt fyrir þjónustu þá sem Dr. Hermannsson veitir í Flórida. Tennurnar rotna í mér, því ég reyni að greiða af námslánum, en hann hlær alla leið i bankann.

Enn... LÍN verður að taka sig saman. Í langan árafjölda hef ég jafnan fengið greiðsluseðla of seint frá þessari stofnun. Líka núna.

Síðasti greiðsluseðilinn frá LÍN var sendur mér 20. febrúar samkvæmt stimpli á umslagi. Hann barst mér fyrst í dag 26, febrúar. Útgáfa hans er ekki dagssett. Gjalddagi er 01.03.2015. Mönnum er, eins og þið sjáið, ekki gefinn mikill tími, og líklegast berst slíkur greiðsluseðill enn síðar til tannlæknis í Flórída, þar sem póstburðarmenn taka víst póstinn með sér heim, því launin eru svo lág.

Það fyndna er, að þegar þ. 4. febrúar 2015 hefur LÍN sett á heimasíðu sína upplýsingar um "Umsóknir um undanþágu frá gjalddaganum 1. mars", sem "hefur nú verið opnuð á Mínu svæði hjá LÍN". Ég get farið að sækja um undanþágu áður en ég fæ rukkun. Þetta er nú meira ruglið.

Svona er tilveran nú á Íslandi í ESB og Flórída. Á Íslandi kunna menn ekki stjórnsýslu, í Danmörku búa fleiri fátæklingar en á Íslandi, þó menn vilji ekki trúa því, og í Flórída eru framdir margir glæpir. Líklega er hvergi gott að búa - og ekki verður íslensku námskuldamönnum léttur róðurinn eins og sumum þeim sem fengu skuldaniðurfellingu á kúlulánin sín. Ísland, rotið niður í kjölinn að vanda.

 

Athugasemdir

[Húsari. (IP-tala skráð) 26.2.2015 kl. 14:41]

Sæll Vilhjálmur.

Satt segir þú hinn frómi, að í Florida eru framdir margir glæpir og til sanninda um það hef ég orð andatrúarkerlingar í Houston, Texas, Florida, USA, að menn geri sér það til skemmtunar að skjóta hverjir aðra á matmálstímum ef þeir gerast heldur dauflegir.

Umræðan spratt uppúr þeim farvegi er einn af óforgengilegum sonum íslenskrar þjóðar hugðist krossleggja fætur og
reykja friðarpípu á þessum slóðum eftir stórafrek sín
í þágu vanþakklátrar og úrkynjaðrar þjóðar. (wankers)

Kvað spíritistakerling þessi aðrar leiðir færar til
að stytta sér stundir.

Í framhaldi af þessu tók hún fram úr safni sínu kjúkur nokkrar veltilhafðar og kastaði þeim afturfyrir sig.

Sagði síðan mann þennan ævinlega og alltaf leika fábjána einhvern þó hann væri öllum Íslendingum snjallari í slóttugheitum og klókindum og stæði þeim framar um flesta hluti.

Kvað hún manninn mundi leita eftir stuðningi við framboð þar sem hann gæti samið bækur í friði og prjónað lopapeysur
á síðkvöldum til handa þjóð sinni.

Kvað hún tækifærissinna þegar hafa stokkið á vagn þennan
og þættust koma honum til varnar þá er honum þóknaðist að lýsa sig með öllu óábyrgan af gjörðum Guðs föður, Guðs sonar og Heilags anda.

Það lægi í augum uppi að hann mundi að fyrirmynd annarra
snúa snældunni þegar það hentaði og vonandi endaði þetta allt vel í ísaldar-lopapeysumunstri eða pólar-prjóni
þá fram liðu stundir.

[Grímur (IP-tala skráð) 26.2.2015 kl. 19:25]

Vinur minn sagði í hádeginu í dag að Svíar hættu að innheimta eftir að ákveðnum aldri væri náð?

Það væri góð lausn og betri en að breyta lögunum svo synir forsætisráðherra slyppu við að deila arfinum