Charlie og ískaldur, íslenskur veruleiki

Enn er hann þarna. Hinn ískaldi, íslenski veruleiki. Hryðjuverkin í París bara yfirstaðin og það komin helgi og huggulegheit. Mikill hluti siðapostulanna og hinna sjálfskipuðu sérleyfishafa á hreinar og sannar skoðanir eru orðnir að Charlie Hebdo. Þeir hvíla sig sælir með bumbuna út í loftið og pússa gloríuna. Aftur eru þeir farnir að kalla aðra öfgamenn. Dauði "kolleganna" í París gat ekki komið á betri tíma. Þeir eyðilögðu ekki frídagana fyrir neinum. Meira segja Egill Helgason sem grimmt ritskoðar og bannar fólk án raka er orðinn að englum Charlies.

Eftir að teiknararnir á Charilie Hebdo hafa verið nefndir í öllum heimsins ritum hins nýja heilaga Hebdos, er óhætt að hvíla sig og gleyma fórnarlömbunum fjórum í versluninni í París. Nöfn þeirra hafa ekki verið nefnd nema í örfáum fjölmiðlum um heim allan. Gyðingar verða að hreinsa upp sjálfir og syrgja.

Gyðingar eru greinilega ekki eins mikils virði og teiknarar á Charlie Hebdo. Það er greinilega líkt gildismatið hjá sjálfsútnefndum Charlieum og hjá hryðjuverkamönnum múslíma.

Engir fjölmiðlar nefna heldur að 30 mans hafi bjargað lífi sínu í Hyper Cachers, lítilli kjörbúð gyðinga, með því að fela sig í kæliklefa verslunarinnar, læsa honum innanfrá og hjúfra sig saman til að halda á sér hita. Sá sem hjálpaði til við það var múslími frá Malí, Lassana Bathily, sem vann í versluninni. Egill Charlie Helgason er ekki að greina frá hetjunni, hinum sanna Charlie, eða nöfnum gyðinganna sem myrtir voru af andlegum bræðrum hans. Egill Helgason er ekki Charlie Hebdo og verður aldrei:

Yoav Hattab,

Philippe Braham,

Yohan Cohen

Francois-Michel Saada.

Gleymum heldur ekki að

Georgre Wolinski,

  teiknari Charlie Hebdo, var einnig gyðingur

Blessuð sé minning þeirra

Athugasemdir

[Predikarinn - Cacoethes scribendi , 10.1.2015 kl. 20:10]

Góður pistill kæri dr. Vilhjálmur Örn.

Skinhelgi Egils er mikil og hræsni hans yfirgengileg eins og endalaus dlmin sanna.

Ást hans á frelsi til orðs er ekki jafn mikil og hann vill nú láta menn halda - það sannast á að þeir sem eru honum ekki fyllilega sammála eru bannaðir á bloggsíðum hans.

Sama var og er í gildi á kommentasíðum dv.is sem og visir.is - þar eru menn útilokaðir sem ekki eru sammála ritstjórnum þeirra snepla.

[Rauða Ljónið, 10.1.2015 kl. 20:59]

Sæll. Dr. Vilhjálmur Örn góður pistill, ég lenti líka í ritskoðun hjá Agli á sínum tíma, fyrir FB, Ingibjörg sem var á DV lokaði á mig og er en lokaður þar, hún þoldi það ekki þegar ég benti henni að hún færi með rangar staðreyndir um frétt sem hún skrifaða í DV.
Kv. Sigurjón Vigfússon

[Heimir Lárusson Fjeldsted, 11.1.2015 kl. 08:42]

Þakka góðan pistil, Vilhjálmur.

Egill Helgason er viðkvæmur fyrir gagnrýni....

[Valdimar H Jóhannesson, 11.1.2015 kl. 10:54]

Egill Helgason, Mörður Árnason og fleiri slíkir eiga að segja sannleikann með því að segja á sinni bestu frönsku. "Je ne suis pas Charlie".

Góður pistill.

[Ómar Ragnarsson, 11.1.2015 kl. 11:35]

Þetta er það nýjasta: Að menn að fordæma Charlie Hebdo og taka afstöðu gegn þeim.

[Valdimar H Jóhannesson, 11.1.2015 kl. 12:21]

Ómar

þú verður að slaka þíg niður. Það er svo mikil fart á þér að þú nærð ekki því sem ég er í raun að segja. Reyndu á lesa það standandi á haus. Þá næru því kannski rétt!

[Elfar Aðalsteinn Ingvarsson (IP-tala skráð) 11.1.2015 kl. 12:31]

Valdimar, ég held að Ómar sé frekar að minnast á orð síðuhafa í síðustu pistlum sínum sem hafa verið dálítið neikvæðir í garð Charlie.

[Valdimar H Jóhannesson, 11.1.2015 kl. 13:02]

Elfar

þú vilt Ómari vel eins og raunar ég sjálfur en Ómar á það til að vera hálfgerður kálfur. Hann hefur komið inn á blggið hjá mér með ótrúlega einfeldnislegum athugasemdum um íslam. Þegar það er annars vegar hverfur honum öll rökhugsun.

[Vilhjálmur Örn Vilhjálmsson, 12.1.2015 kl. 07:02]

A PALESTINIAN IN PARIS:
The only man smiling, has a reason to smile! After he completed his Ph.d. at the university of Moscow denying the Holocaust, he has mostly been engaged in killing Jews. Jews were killed in the attack on Charlie Hebdo, Jews were killed in the Hyper Cacher shop. One of the terrorist had a map with the marked locations of Jewish schools in a car he stole. Abbas collaborates with Hamas, a terrorist organizations which specializes in the killing of Jews. What the heck is this person doing in Paris. Was he rejoicing or what? And by the way, all the cartoons in Palestine are about killing Jews and there is no free press!

[Vilhjálmur Örn Vilhjálmsson, 12.1.2015 kl. 07:32]

Ómar Ragnarsson, sagan og rannsóknir munu sýna okkur að teiknarar Charlie Hebdo voru mjög "sélective" í því, hvernig þeir gagnrýndu múslíma og Íslam. Palestínumálið, sem er nær oftast átylla múslímskra hryðjuverkamanna til morða, sama hvaðan þeir koma, hefur ávallt verið "grínað" af Charlie Hebdo mönnum með mjög mikilli slagsíðu á gyðinga Ísraels.

Ég hef hvergi fordæmt Charlie Hedbo, aðeins sýnt fólki, að tvískinnungurinn var "honum" líka meðfæddur eins og mörgum á vinstri vængnum (þar sem ég var einu sinni).

Mér er miklu skyldara að minnast annarra fórnarlamba hryðjuverkanna en teiknaranna á grínblaðinu. Gyðingar eru fólk, sem öfgamenn um allan heim hafa efst á morðlistum sínum. Nasistar, öfgamúslímar, vinstri menn og jafnvel nokkrir Sjálfstæðismenn hata allir gyðinga. Með mörgum teikningum sínum ýttu Charlie Hebdo menn undir gyðingahatur og teiknuðu þeir fórnarlömb öfgaíslam í sleik við nasista og aðra drápsmenn þeirra. Við sáum hvernig fór. Gyðingar þola allt, enda hafa þeir yfir 2000 ára reynslu. Gyðingar hafa aldrei kippt sér upp við að Guði þeirra og trúarbrögðum hafi verið stolið og þau skrumskæld til að drepa þá.

Hvað haldið þið að margir gyðingar hafi verið myrtir vegna Kristni og Íslam?

[Predikarinn - Cacoethes scribendi , 12.1.2015 kl. 07:51]

Hér er merkilegur listi um hryðjuverk múslima síðan 11. september árásirnar á tvíburaturnana :

http://www.thereligionofpeace.com/pages/christianattacks.htm