Furðulega fréttamennska

In Memoriam

Blaðamanni Moggans yfirsást líklega, að tveimur klukkustundum áður en hann skrifaði um málið hafði Fornleifur greint frá því á Moggablogginu.

Hvergi stendur í fræðigreinum um efnið, að formæður Íslendinga hafi verið "fornnorrænar" líkt og fréttin hermir, og enginn hefur mér vitanlega haldið því fram að þeim hafi verið nauðgað, þó einhverjir héldu vegna niðurstaðna vísindamanna deCODE (Íslenskrar Erfðagreiningar), að landnámskonur hefðu mestmegnis verið frá Bretlandseyjum.

Nú er ljóst, að þær voru mestmegnis norskar alveg eins og karlarnir. Og þó þær hefðu verið rauðhærðar gellur frá Orkneyjum, trúi ég því ekki að Hallgrímur eða Þorvarður hafi verið að nauðga þeim til vistar á Íslandi. Slík söguskoðun lýsir ef til vill frekar ástandinu á Íslandi í dag.

Hér má lesa vandaða frásögn Fornleifs, þar sem er að finna hlekk í grein Eriku Hagelbergs prófessors í Ósló.

Norrænar konur sigldu líka

Athugasemdir

[Vilhjálmur Örn Vilhjálmsson, 5.1.2015 kl. 12:31]

Það mikilvæga fyrir Íslendinga í tengslum við grein Eriku Hagelberg, er líklega fyrst of fremst að íslenskar niðurstöður ÍE voru vegnar og fundnar léttvægar.

[FORNLEIFUR, 5.1.2015 kl. 14:08]

Blaðamenn ættu að snúa sér að Agnari Helgasyni og spyrja hann um hvað hafi gerst þegar hann hélt því fram að formæður sínar hefðu verið frá Bretlandseyjum, meðan að forfeður hans komu frá Noregi. Það er alltaf gaman að sjá vísindamenn skýra úr fyrir mann fræðilegar meinlokur.

[Már Elíson, 5.1.2015 kl. 18:47]

Einhvernveginn hefur mér fundist í gegnum tíðina að "FORNLEIFUR" sé hliðarsjálf Vilhjálms...eru menn að tala við sjálfan sig, mæra og/eða benda í kross ?

Er semsagt "Vilhjálmur" að benda á "frábæra" grein / pælingar eftir sjálfan sig ?

Ekki það að allt er mjög fróðlegt, vel orðað, þó að smá-skætingur í "rauðhausa" sé innan seilingar, að þá finnst mér svona ritgerðir harla broslegar...þ.e.a.s. ef rétt er.

Frábært nöldrið á síðu "FORNLEIFS" - Hvert ruglið á fætur öðu. Mæli með því ! - "FORNLEIFUR" hefur alltaf verið frekar svekktur þegar menn slökkva á honum fræðilega. - Hvað finnst þér "Vilhjálmur" ?

[Vilhjálmur Örn Vilhjálmsson, 5.1.2015 kl. 19:24]

Ómálefnalegt skítkast og átístísk vöntun á íróníu eru leiðinlegt persónueinkenni Már. Þú kemur ekki sjaldan hér með illskulegar og ómálefnalegar athugasemdir. Langar mig því að biðja þig að halda þig í burtu. Þegar þú heldur því fram, að niðurstöður Eriku Hagelberg, sem ég segi frá, séu rugl og vitleysa, dæmir þú sjálfan þig úr leik. Ég þakka þér fyrir þessa allra síðustu athugasemd þína hér bloggi mínu.