Damon - aumingja barnið

 

Íslendingar eru dálítið skrýtnir þegar kemur að mannanöfnum. Sumir þeirra héldu áfram að kalla börnin sín Adolf eftir að svo að segja allur heimurinn hætti því eftir 1945.

Nú höfum við hins vegar Mannanafnanefnd til að koma í veg fyrir slys.

Þótt nokkrar Christur séu til á Íslandi, ætlar Mannanafnanefnd sér ekki fyrir nokkra muni að viðurkenna nafnið Christa.

En vegna þess að söngvari í einhverju Blur heiti Damon, þá má nú gefa börnum nafnið Damon. Damon er reyndar forngrískt nafn líkt og Sólon. Damon þýðir það sama og Spakur. Damon var að fornu þekktur sem nemandi heimsspekingsins og stærðfræðingsins Pýþagórasar.

Ætli nefndin leyfi líka Pýþagóras, ef einhver stærðfræðikennari vill kalla son sinn því nafni? Damon hét einnig tónmenntamaður sem talinn er hafa verið kennari Períklesar og Sókratesar á 5. öld f. Kr. Ætli maður megi heita Períkles eða Sókrates? Af hverju ekki?

Mannanafnanefnd ætti endilega að leyfa nafnið Anus í kvenkyni, því það tilvalið nafn á þessa nefnd, sem mætti hætta störfum þegar hún er búin að fá nafn með rentu.

Greinilegt er að Íslendingar vilja heita Damon og Anus og ýmislegt annað "alþjóðlegt". Slík nöfn henta greinilega betur í ESB, þar sem nöfn eins og  Þórður, Snorri, Ketill eða Hrafnkell ganga bara ekki upp. Þau eru svo púkó.

Ég sé þetta fyrir mér: Damon Jónsson útvíkkunarstjóri ESB árið 2059 og Kína íhugar að ganga í ESB og taka upp evruna.

Nafnið Damon samþykkt

Athugasemdir

[Anna Dóra Gunnarsdóttir, 4.5.2014 kl. 10:38]

Reikna má með því að blessað barnið sem fær nafnið Damon, verði kalla Deimon. Þar með er fyrir bí allt sem mannanafnanefnd ber fyrir sig þegar nafn skal falla að okkar ástkæra máli, því að við berum a ekki fram sem ei.

[Vilhjálmur Örn Vilhjálmsson, 4.5.2014 kl. 11:46]

Líklegra þykir mér að hrekkjusvínin muni uppnefna Damon litla. Daman verður nýja nafnið hans. Rétt, nefndin er ekki samkvæm sjálfri sér. Líklega er komið nýtt fólk með nýjar stefnur, og sem ekki er góð í íslenskum framburði.

[Pétur D. (IP-tala skráð) 4.5.2014 kl. 14:20]

Er ekki líklegra að hann verði uppnefndur Deamon, sem hægt er að útleggja "Drísildjöfull". Mannanafnanefnd ætti snarlega að samþykkja nafnið drengjanafnið Satan, sem beygist eins og Natan. Í Nýja testamentinu var það Judas Iskariot sem var kallaður "Satan" og stundum "Dýrið". Djöfullinn og Helvíti eru seinni tíma tilbúningur bókstafstrúarmanna.

.

Mannanafnanefnd var eflaust sett á laggirnar til að koma í veg fyrir að klikkaðir eða illgjarnir foreldrar fengju að nefna dætur sínar "Glyðra" eða "Almannagjá". Hins vegar eru margir á Íslandi sem bera nöfn sem ekki hafa verið samþykkt af nefndinni (sbr. lista). Þau börn hafa fæðzt í útlöndum og verið skírð (eða nafngefin) þar, svo að ekki er erfitt að fara í kringum þessi boð og bönn.

[Vilhjálmur Örn Vilhjálmsson, 4.5.2014 kl. 15:28]

Ég held að flestir Íslendingar geti borðið fram Damon á íslensku án þess að gera úr því Deimon eða Dímon. Kannski hefði foreldrarnir þá frekar átt að kalla barnið Damien, með tilvitnun í lítinn djöful í kvikmynd hér um árið. Damien er náskylt nafninu Damon og þýðir það sama.

Annars var Satan í gamla testamentinu ekki sama "persónan" og Satan í Kristni. Satan þýðir andstæðingurinn (kannski andskotinn) og var ein af þeim himnaverum sem reyna áttu fólk á jörðinni. Hann var einn af þjónum Guðs og ómikilvæg persóna. Seinna, fyrir áhrif frá Zaraþústríanisma varð hann and-Guð, hinn illi og það höfðaði til kristinna, því í þeim trúarbrögðum þarf hið illa til að réttlæta trúna. Hatrið þarf það illa. Það þarf ekki í Gyðingdómi, þar sem Herrann sér um sína ef einherjir beita þeim einhverju illu  - nema þá helst ekki í Helförinni. Þar gleymdi Herrann sér 666

Annars vona ég að einvherjir kalli börnin sín Elvis og Veslemö. Þau norsku nöfn eru í miklu uppáhaldi hjá mér.

[Pétur D. (IP-tala skráð) 4.5.2014 kl. 18:53]

Rétt er það, enda var það siður hjá frumkristnum í Judeu að uppnefna bæði fólk og staði eftir verum úr Gamla testamentinu.

T.d. var einn háttsettur prestur kallaður "Gabríel erkiengill". Og Jósef var uppnefndur "Heilagur andi" jafnt og nokkrir aðrir háttsettir. "Gabríel" var ráðgjafi Maríu og Jósefs í Jesú-málum. Þegar það stendur í Jóhannesarguðspjallinu að heilagur andi hafi komið yfir Maríu og gert hana ólétta og síðar hafi Gabríel erkiengill birzt, þá var um ósköp venjulega atburði að ræða.

.

Ég veit, að talan 666 er spennandi, en hún hefur ekkert með Satan að gera, heldur er hún summan af 600, 40, 20 og 6 sem tákna áfanga í uppfræðslu munka.

[Pétur D. (IP-tala skráð) 4.5.2014 kl. 18:57]

Eða réttara sagt í Lúkasarguðspjallinu.

[Vilhjálmur Örn Vilhjálmsson, 5.5.2014 kl. 02:02]

Nú ertu ekki munkur?

[Pétur D. (IP-tala skráð) 5.5.2014 kl. 14:09]

Nei, enda þekki ég ekki þessa áfanga á eigin skinni.

[Vilhjálmur Örn Vilhjálmsson, 7.5.2014 kl. 10:11]

Your'e dam right!