Þörf áminning

Á tímum samsæriskenninga og heimsendahyggju, sem ekki hefur sést í eins miklum mæli síðan á svörtustu miðöldum, er hollt að horfa á þennan þátt.

Ban Ki-Moon lýsti því yfir um daginn, að brátt væri ísinn horfinn á Íslandi. Ban Ki-Moon og koltvísýringspostulinn Al Gore geispa líklega fyrr golunni en jöklar Íslands.

Er óendanlega hægt að misnota SÞ til alls kyns hópæsinga?

Athugasemdir

[Sigurður Þór Guðjónsson, 21.11.2013 kl. 20:42]

Heimsendirinn mun koma kall minn hvað svo sem þú segir.

[FORNLEIFUR, 21.11.2013 kl. 21:34]

Heimsendingar eru bannaðar í þessari tilvist!

[Jón Steinar Ragnarsson, 22.11.2013 kl. 00:35]

Allt er þetta jú byggt á "vísindalegum" niðurstöðum frá einum háskóla. University of east Anglia. Þar er einn maður sem vomir yfir niðurstöðunum og hefur hingað til neitað að opinbera forsendurnar fyrir því hvernig hann reiknar allt fjandans til. Hann svarar því til að hann kæri sig ekkert um að opinbera þetta til þess eins að einhverjir efasemdarmenn geti rifið það niður.

Þessi ároður allur miðar að því einu að auka skattlagningu á próletaríið og hækka orkuverð. Allar efasemdir eru sagðar kostaðar af múturfé olíurisanna þegar svo merkilega vill till að allt plottið getur ekki leitt til neins annars en að hækka verð og auka gróða þeirra.

Heinzbaunamillinn Gore, tekur ekki mikið mark á ragnarrakaspám sínum þegar hann kaupir risavillu niður við sjávarborð sem hann telur eiga eftir að hækka um meter innan nokkurra ára.

Svo segja menn að visindi séu mótvægi og andhverfa trúarbragða þegar menn eru bannfærðir opinberlega fyrir það eitt að biðja um forsendur spádómanna.

[Vilhjálmur Eyþórsson, 23.11.2013 kl. 23:19]

Svo vill til, að ég skrifaði fyri nokkrum árum all ítarlega um þetta undarlega má í greininni „Að flýta ísöldinni“ http://vey.blog.is/blog/vey/entry/1325765/#comments

Í niðurlagi greinarinnar segi ég m.a.: „Þegar þeir eigast við skilmingameistarinn með korða sinn, og þursinn með kylfu sína, er það ávallt sá með kylfuna, sem sigrar. Meistarinn með alla sína þekkingu á hinum ýmsustu fettum og brettum, stöðum og sporum skilmingamanna á ekki séns gegn kylfumanni, sem ekki tekur hið minnsta mark á reglunum og rotar hann. Sumar kenningar eru þess eðlis, að þær verðskulda enga umræðu. Þær eru tóm endaleysa í sjálfum grundvelli sínum. Svo var t.d. um gyðinga- steypu „vísindamanna” nasista og svo er einnig um marxismann. Það er út í hött, ef ekki beinlínis mannskemmandi að rökræða við þungbúna, hálærða, sannfærða marxista, nýaldarsinna, feminsita, stjörnuspámenn eða aðra sem aðhyllast kenningar sem í sjálfum grundvelli sínum eru tóm vitleysa. Á slíkar kenningar, eins og á gróðurhúsasteypuna á að beita kylfunni. Blása á ruglið.

Gróðurhúsamenn, Sameinuðu þjóðirnar, þeir „vísindamenn” sem lögðu nafn sitt við IPCC og ekki síst stjórnmálamenn, safnast saman öðru hvoru til að „bjarga plánetunni”. Raunverulegur tilgangur þeirra er að þenja út eigin völd, leggja á nýja skatta og allra helst leggja drög að einhvers konar alheimsstjórn þar sem þeir sjálfir hafi völdin. Um þessar samkundur er best að hafa orð Ólafs pá í Laxdælu: „Það vil eg að þeir ráði sem hyggnari eru. Því verr þykir mér sem oss muni duga heimskra manna ráð er þeir koma fleiri saman”

H.C. Andersen misskildi almenning gjörsamlega þegar hann segir að fólkið hafi farið lúpulegt heim eftir að barnið hrópaði. Þetta er rangt. Fólkið hefði ráðist að barninu, skammað það og svívirt. Síðan hefði drengurinn hlaupið grátandi heim meðan fólkið hélt áfram að hylla keisarann berrassaða.

Þannig var a.m.k. um okkur sem reyndum að benda fólki á í kalda stríðinu, hvers kyns föt það voru sem vefararnir Marx og Lenín höfðu saumað á keisarana í Kreml. Það kostaði einungis fasistastimpil. Ástandið nú er ekki ósvipað. Það stríðir gegn „pólitískri rétthugsun” að malda í móinn gegn gróðurhúsablaðri „umhverfisverndarsinna” og er raunar álíka viðsjárvert og að hallmæla konum, hommum, svertingjum, dvergum, feitu fólki eða öðrum, sem eiga undir högg að sækja í lífsbaráttunni. En í þessu máli eins og þá mun tíminn leiða í ljós hver hefur á réttu að standa.

Þótt ótrúlegt kunni að virðast er helsta takmark gróðurhúsamanna að flýta fyrir hægri kólnun og þornun jarðarinnar. Þeir vilja m.ö.o. flýta ísöldinni. Það er draumur þeirra og æðsta takmark. Hugsið um það!

Ótrúlegt, en þó satt.“

[Vilhjálmur Eyþórsson, 24.11.2013 kl. 00:01]

Því má bæta við að þessi aldeilis frábæra mynd ætti að vera skylduáhorf. En í þessu sannast enn einu sinni hið fornkveðna, að það er miklu auðveldara að blekkja fólk en að koma því í skilning um að það hafi verið blekkt.