Verndarar íslenska tittlingsins

 

Gróf lygasaga RÚV um 16 ára strák með áhyggjur af umskurn, sem ég greindi nýlega frá (sjá hér), hefur nú borist til útlanda.  RÚV laug því í þjóðina, að fyrirspurn frá 16 ára umskornum dreng hefði orðið tilefnið að ályktun norrænna umboðsmanna barna gegn umskurn. Hvergi kom fram í fyrirspurn drengsins að hann væri umskorinn, eða hvað þá gyðingur eða múslími. RÚV kryddaði söguna.

Æsingurinn út af umskurn í trúarlegum tilgangi sameinar öfgaöflin á vinstri og hægri vængnum. Ekki er laust við að hægt sé að stofna typpabandalag upp úr hatursflórunni. 

Ætli berist ekki brátt boð um að Reðursafnið neiti að taka á móti umskornum limum. 

Hvað er eiginlega að íslensku þjóðinni. Ef hún er ekki á fullu í gyðingahatrinu í Passíusálmunum, þá er hún að atast á móti trúarvenjum múslíma. Verstir eru þeir sem í skinheilagleika sínum styðja moskur. Sumir þeirra sem eðlilega hafa ekkert á móti moskum vilja ólmir láta banna hluta af þeim trúarbrögðum sem heiðruð eru í moskum. 

Halda mætti að margir Íslendingar vilji einvörðungu fá moskur vegna starfa sem kynnu að skapast við framkvæmdir, frekar en af virðingu við trúfrelsið. Það eru engar undantekningar fyrir Íslendinga í þessum  málum frekar en í öðru. Það er ekki hægt að fá sér-Íslam og sér-Gyðingdóm á Íslandi.

Annaðhvort er trúfrelsi á Íslandi eða ekki

Leggst gegn banni við umskurði drengja

Athugasemdir

[Sigurður Þór Guðjónsson, 6.11.2013 kl. 20:06]

Það er aldeilis uppi á þér typpið í dag!

[Guðjón Sigþór Jensson, 7.11.2013 kl. 14:41]

Umskurður er arfur frá fornöld sem ætti þegar að heyra sögunni til.

Hvers vegna að halda í eldgamlar sennilega 3.500 ára venjur ef unnt er að samsvara sig betur nútímanum.

Þannig hafa Ísraelar fyrir löngu lagt frá sér boga og örvar, spjót og sverð sem og valslöngur sem minnst er oft á í biflíunni sérstaklega Gamla testamentinu hinni gömlu trúarbók Gyðinga sem einnig er grundvöllur kristninnar. Engum dettur í hug að nota þessi fornu vopn enda dygðu þau skammt í samskiptum við aðra.

Nú hefur þú eitthvað til að ígrunda, umskurður er engin vörn gegn sjúkdómum eða meinsemdum sem heilbrigðisþjónusta nútímans getur ekki sinnt.