Hættur að blogga

 

Nú áðan náði ég loks, eftir margra ára streð og fleiri þúsund málvillur, takmarkinu: 1000.000 flettingum á Moggablogginu án nokkurra bellibragða.

Ég hafði auðvitað búist við upphringingu frá Davíð Oddssyni og ferð fyrir okkur tvo til Lundúna. Ég hef skrifað hlutfallslega minna og sjaldnar en Páll Vilhjálmsson með sína metflettingu og aldrei um landvernd og fossa eins og Ómar Ragnarsson. Nei, á Íslandi eru kjör bloggara ein þau verstu í heiminum.

Ég ætla að hætta og fara til Noregs með læknunum, og þá munu menn sjá hve mikilvægt þetta skrafl var þegar pólskir bloggarar koma í staðinn. Það er ekkert þakklæti fyrir það sem maður gerir á þessu volaða landi.

Athugasemdir

[Brynjólfur Þorvarðsson, 9.10.2013 kl. 13:26]

Vilhjálmur, ég vona að þú hættir ekki með Fornleif - eða er það misskilningur hjá mér að þið séuð einn og sami maðurinn? Eða kannski bara alnafnar?

[Ragnhildur Kolka, 9.10.2013 kl. 16:02]

Nei, Vilhjálmur þú hættir ekki neitt. Í það minnsta ekki meðan geðheilbrigðisþjónurstan hérna er eins og hún er.

[Vilhjálmur Eyþórsson, 9.10.2013 kl. 17:03]

Til hamingju, nafni. Það er oft stórgaman að færslunum hjá þér þegar þú missir þig ekki í gyðinga- þráhyggju.

[Jón Steinar Ragnarsson, 9.10.2013 kl. 17:51]

Ég treysti því að Fornleifur haldi áfram í það minnsta að sama takmarki. Eitt alskemmtilegasta bloggið á MBL.

Ég er sjálfur hættur að blogga fyrir þó nokkru, en ríf kjaft þegar mér hentar öllum til mikillar skemmtunar og fræðslu. ;)

[Rauða Ljónið, 9.10.2013 kl. 18:06]

Tek undir með hinum en ekki hætta.
Kv. Sigurjón Vigfússon

[Gunnar Rögnvaldsson, 9.10.2013 kl. 18:16]

Bannað að hætta, Vilhjálmur

[Hörður Þórðarson, 9.10.2013 kl. 19:03]

Bæ bæ

[Helga Kristjánsdóttir, 10.10.2013 kl. 01:25]

Hætta að blogga; vegna flutnings til Noregs- með læknunum,,á að sprauta honum,,?

[Bjarni Gunnlaugur (IP-tala skráð) 10.10.2013 kl. 09:03]

Nei, það væri skaði ef þessi stundum illyrti en oft bráðskemmtilegi bloggari hætti. Ég sé á athugasemd Jóns Steinars hér að ofan að við erum ýmsir í sömu misskildu "missjóninni".

Með leiðindum ég lífið bæti

og  lýg í kærleiks anda sönnum

því umtal gott og oflofsblæti

eiga til að spilla mönnum

Svo er bara hvort athugasemdin frá mér úthýstum,  kemst í gegn  ;-)

[Vilhjálmur Örn Vilhjálmsson, 10.10.2013 kl. 09:14]

Þakka fyrir hrós og bæ, bæ, en óþarfi er að sprauta mig þó ég kenni í brjósti um aumingja læknana.

Ég tek þessa miklu lesningu sl. sólarhring í kjölfar "uppsagnar" minnar af blogginu sem traustyfirlýsingu og hef snögglega endurskoðað afstöðu mína. Ég tók reyndar þessa mikilvægu ákvörðun áður en ég sofnaði undir ísbjarnarfeldinum við arininn á bókasafninu mínu í gær.

Meðan að þörf er fyrir bloggvitleysing eins og mig í landi, þar sem geðheilbrigðisþjónustan er í lamasessi, þá held ég ótrauður áfram lækningum mínum, handlækningum sem og geislameðferð. Vilhjálmur Eyþórsson, ég lofa þér að minnka ekkert "gyðingaþráhyggjuna". Hún er bráðnauðsynleg á ýmis mein og andlega gigt, líkt og prednisólonið.

Að gefnu tilefni langar mig að taka það fram, eitt skipti fyrir öll, að Fornleifur hefur ekkert með þetta blogg að gera (þó hann borgi fyrir auglýsingu á því) og Brynjólfur, Fornleifur er ekki alnafni minn, svo það sé nú  bara klárt. Mér er næst að halda að hann sé einhvers konar nasisti á sauðskinnskóm, eins vel og hann talar íslenska menningu og langspil. Ef hann heldur því áfram er viðbúið að hann komist á fjárlög hjá Sigmundi Davíð.

[Vilhjálmur Örn Vilhjálmsson, 10.10.2013 kl. 09:21]

Bjarni Gunnlaugur,

"illyrti", hvað djöfulsins rugl er í þér manngarmur. Ég er ekkert að hætta. Ef einhver fífl halda það, þá eru þau meiri mongóar en þeir gerðu sér grein fyrir.

Ég þakka stuðninginn, en nú verð ég að fara að skrifa grein fyrir hollenskt tímarit sem ég er búinn að lofa fyrir löngu. Þetta blogghelvíti tekur allt of mikinn tíma.

[FORNLEIFUR, 10.10.2013 kl. 09:23]

Þú heyrir frá lögmönnum mínu, frændi!

[Jens Guð, 13.10.2013 kl. 01:37]

  Milljón er ekkert til að hampa.  Mitt blogg er að detta í 3 millur.  Grín.  Við erum við ekkert að skipta um gír eftir því hvernig vindar blása.  Auðvitað heldur þú þínu striki og ég mínu.  Þetta er allt saman á léttum nótum og bara til að skemmta okkur og í leiðinni samferðarmönnum.  Já,  eða til að ganga fram af þeim.  Okkur til skemmtunar eftir sem áður. 

[Vilhjálmur Örn Vilhjálmsson, 13.10.2013 kl. 11:29]

Þú ert guð Jens, og svo tvílesa allir Færeyingar bloggið þitt eftir að Dimmalætting lagði upp laupana. Það er eina leiðin til að vita hvað er að gerast í oyunum.

[Sleggjan og Hvellurinn, 18.10.2013 kl. 19:27]

Flottur maður. ég er mað hálfa milljón, ætli maður stefni ekki á milluna. Ég hef bloggað síðan 2006 með hleum, hvað með þig?

sl