Moska Inshallah !

Mosku ber að fagna, en það er nokkuð einkennilegt, finnst mér, að veitt sé lóð til byggingar, þegar ekki er ljóst hverjir greiða fyrir það hús. Er það ekki mjög óvenjulegt?

Það er satt hjá íslenskum talsmanni moskunnar, Sverri Agnarssyni, formanni Félags múslima á Íslandi, að það hafi verið lítill klassi yfir þeirri gagnrýni sem hefur verið á moskuna. Úthelling svínablóðs og aðrar frumstæðar saurganir lýsa best því fólki sem slíkt vill stunda. Það er fólk á lágu, andlegu stigi. Það er einnig litill klassi yfir þeim múslímum sem nota moskur til að úthella hatri sínu á öðrum trúarbrögðum, sér í lagi á gyðingum. En slíkt hatur er staðreynd um allan heim. Verður það landlægt meðal múslíma á Íslandi, eða er það það þegar? Það kemur í ljós.

Ég stakk fyrstur, opinberlega, upp á því að byggð skyldi moska á Íslandi og synagóga (leiðrétti þeir mig sem geta). Tel ég mig þó ekki bera ábyrgð á neinu sem valdið geti því að ég fái svínsblóð og grísahaus í pósti, enda tel ég trúfrelsi, og þar með réttinn til trúariðkana í tilheyrandi kirkjum, musterum eða hverju sem er, grundvallarmannréttindi. Vantrúarmenn og sumir kristnir menn virðast ekki vilja virða þau mannréttindi.

En, ef svo mikið sem einu sinni verður predikuð andgyðingleg yfirlýsing sem varðar við hegningarlög í moskunni ógreiddu, eða andkristileg (sem er ólíklegt), þá er þessi moska orðin ágætur minnisvarði um gyðingahatur Íslendinga, múslíma sem og um þá kristnu menn sem leyfðu byggingu þessa trúarhúss.

Reyndar grunar mig að margur sérleyfishafinn á réttar skoðanir og heilbrigðar hugsanir (lesist: Vinstri menn á Íslandi) fagni mosku, því þeir vilji fá gyðingahatur til Íslands til að réttlæta sínar eigin, mjög frumstæðu kenndir í þeim efnum.

Það hvílir mikið ábyrgð á herðum múslíma á Íslandi og sér í lagi á þeim Íslendingum sem tekið hafa þessa trú. Vilji þeir stunda hatursáróður eins og þann sem við sjáum og heyrum um allan heim, eru til lög á Íslandi sem nýtast í að banna starfssemina sem boðar hatur á öðrum trúarbrögðum eða þjóðum. Íslenskir múslímar eru opinberlega farnir að lýsa slíku snælduóðu hatri sínu (sjá hér). Reyndar hafa íslenskar kirkjur í aldaraðir boðað gyðingahatur, sér í lagi með Passíusálmunum.

Nú eru það kristnir menn á Íslandi sem brjóta lögin í hatri sínu á mosku og múslímum, en ég er hræddur um að það sér margt líkt með skyldum.

Við sjáum til, og þangað til óska ég íslenskum múslímum til hamingju og vona að þeir finni fjármagn til byggingar moskunnar. Auðnum er mjög misjafnlega skipt í löndum múslíma, en sumir þeirra hafa notið velvilja æðri máttarvalda er þeir hafa fæðst ofan á stærstu olíulindum heimsins. Þeir berast mikið á og lítið mál væri fyrir þá að setja aur í byggingu mosku í Reykjavíkurborg.

En ef hatrið fylgir með fjármagninu, ber íslenskum yfirvöldum að beita þeim landslögum sem við höfum til að stöðva slíkt, einnig meðal vinstrisinnaðra gyðingahatara á Íslandi - og kristinna.

Bygging moskunnar taki þrjú ár

Athugasemdir

[V.Jóhannsson (IP-tala skráð) 20.9.2013 kl. 12:11]

VÖV. - Þú veist það sjálfur, að það fylgja kvaðir með öllum fjárstyrkjum frá múslimskum löndum og þá sérstaklega frá Sudi-Arabíu, við byggingar á moskum á vesturlöndum. Það er hatursáróður á gyðinga og aðra ekki-trúandi. Þannig hefur það alltaf verið og breytist ekki. Að sjálfsögðu verður andkristilegt tal í íslenskum moskum, ekkert síður en annarsstaðar.

Upptökur á föstudagsbænum mulla í moskum á vesturlöndum, í gegn um árin, haf margsýnt að múslimum er ekki treystandi, hvorki í orði né á borði. Þú veist að múslimar mega ljúga (taqiya), þegar þeir réttlæta Islam við vantrúaða. Mulla Krekar í Noregi er sennilega ein þekktast púðurtunna múslima á norðurlöndum og nóg er af þeim um öll vesturlönd.

Þetta er ekki hatursskrif, aðeins ber sannleikurinn. Því miður.

Hver á að fylgjast með því, að andgyðingleg og kristileg yfirlýsing verði ekki á dagskrá t.d. hjá gesta mullunum á fötudagsbæninni. Það eru margir fúlir fiskar í þeirra röðum.

[Hjalti Rúnar Ómarsson, 20.9.2013 kl. 14:51]

"...enda tel ég trúfrelsi, og þar með réttinn til trúariðkana í tilheyrandi kirkjum, musterum eða hverju sem er, grundvallarmannréttindi. Vantrúarmenn og sumir kristnir menn virðast ekki vilja virða þau mannréttindi."

Ef "Vantrúarmenn" er vísun í félagið Vantrú, þá er þetta lygi.

[Vilhjálmur Örn Vilhjálmsson, 20.9.2013 kl. 15:10]

Félagið Vantrú á ekki einkarétt á orðinu vantrú, Halti Rúnar. Orðið er alltaf með stórum staf í upphafi setninga.

Er félagið Vantrú kannski fylgjandi Íslam fremur en öðrum trúarbrögðum, því félagið hefur greinilega Kristni á hornum sér? Kannski eru hugafarsbreytingar og fagna ég því þá að þið Vantrúarmenn séuð glaðir yfir byggingu allra kirkna, hofa og mustera. En frekar vantrúaður er ég á það. Er það ekki mest kristnin sem leikur ykkur grátt vantrúarmennina í Vantrú?

[Hjalti Rúnar Ómarsson, 20.9.2013 kl. 15:42]

Vilhjálmur: Ég geri mér vel grein fyrir því að orð eru með stórum staf í upphafi setninga, þess vegna setti ég fyrirvara, því að þetta var tvírætt. En annars er merkilegt að þú setur ekki sama fyrirvara við "vantrúarmenn" og "kristnir".

"Er Vantrú fylgjandi íslam?" Í alvöru? Svona rugl er ekki svaravert.

[V.Jóhannsson (IP-tala skráð) 20.9.2013 kl. 15:52]

Hjalti Rúnar - Hér er ekki spurning um trúfrelsi.

Við erum að tala um niðurlæingu múslima á "ekki trúandi", sem er fastur liður í föstudagsbænum í mögum moskum. Upptökur af slíkum áróðri múslima í moskum á Bretlandeyjum eru margar. Það stendur í Kóraninum að múslimar eigi að elta uppi "ekki trúandi" og drepa þá. Eru þetta grunvallarmannréttindi?

Leiðréttu mig ef ég fer með rangt mál.

[Vilhjálmur Örn Vilhjálmsson, 20.9.2013 kl. 23:51]

Hvað sem öllu líður er moska á Íslandi mannréttindi, sama hvað fólki sem felur hatur sitt i garð trúarbragða og fólks sem því líkar ekki eða vantrúarmönnum með stóru eða litlu V sýnist. Mannréttindi ber að virða, og á það líka við um múslíma.  Þeir sem gangrýna Íslam og múslíma eiga hins vegar oft auðvelt uppdráttar, því mikið ljótt er sagt í nafni þessara trúarbragða. En það er samt auðvelt að sjá hatur í gagnrýni og viðhorfum sumra gagnrýnenda.  

Við höfum lög sem eiga að koma í veg fyrir mannréttindabrot og kynþáttafordóma sem og fordóma gagnvart minnihlutahópum. En minnihlutar geta líka verið kynþáttahatarar. Það er þó oftast svo, að meirihlutinn er dæmdur af verkum lítils minnihluta.

[Helgi (IP-tala skráð) 21.9.2013 kl. 06:59]

Sæll.

Er moska mannréttindi? Spurning er hvort íslam sé eins og hver önnur trúarbrögð? Þó Vilhjálmur sé vel að sér virðist mér hann hér vera nokkuð bláeygur.

Þeir sem til þekkja vita að trúin er einungis ein hlið íslam. Vandinn er einfaldlega sá að vestræn gildi og íslam fara ekki saman. Málfrelsi er ekki til í íslam eins og við þekkjum það á vesturlöndum. Spyrjið bara dönsku skopmyndateiknarana.

Svo er það þetta hatur sem fylgir íslam - sem menn reyna þó stöðugt að þræta fyrir. Ég veit ekki um nein trúarrit þar sem fylgjendum er beinlínis sagt að beita ofbeldi gegn þeim sem gerast fráhverfir trúarbrögðunum eða aðhyllast þau ekki - það má þó sjá í súru 4:89, 9:123 og 8:39 svo nokkur dæmi séu tekin. Þessi vers skýra vel afstöðu múslima gagnvart gyðingum og Vesturlöndum. Í súru 5:51 er múslimum meinað að vingast við gyðinga og kristna.

Múslimar hafa reynt að slá ryki í augu fólks (eða ljúga beinlínis) með því að vitna í önnur vers en skilja ekki að hugtakið "naskh" gerir versin sem voru opinberuð Múhameð seinna rétthærri en þau sem voru opinberuð honum fyrr. Vel má vera að sumir múslimar skilji ekki þetta hugtak (sem má raunar finna í kóraninum og hadith).

Svo er það nú afstaða íslam til kvenna sem vinstri sinnar og femínistar vilja ekki vita af - einhverra hluta vegna. Í súru 4:34 stendur sem svo að maður megi lemja konu sína ef hún neitar að hafa við hann samræði þar til hún samþykkir samræðið. Í hadith má líka sjá að Múhameð sló konu sína og lét sér fátt um finnast þegar aðrir beittu konur sínar ofbeldi. Í súru 4:3 er gefið grænt ljós á fjölkvæni (allt að 4 konur). Hvar eru nú femínistar - sá málefnalegi hópur?!

Við getum ekki mismunað eftir trúarbrögðum - það eftirlátum við íslömskum ríkjum en viljum við virkilega fá þessa trú inn á gafl hjá okkur? Halda menn virkilega að staðan í hinum íslamska heimi sé tilviljun? Halda menn virkilega að eftir því sem múslimum fjölgar hér að það muni ekki skapa vandamál? Vita menn virkilega ekki hvernig staðan er víða í Evrópu?

Menn geta kallað mína afstöðu til íslam hatur - ég kannast ekki við það. Það skiptir miklu máli að segja hlutina eins og þeir eru en vera ekki með sjálfsblekkingar. Það skiptir miklu máli að hafa augu og eyru opin og átta sig á því að ekki eru öll trúarbrögð eins. Það er flónska af okkur að læra ekki af biturri reynslu Evrópuþjóða.

Hvað við getum gert til að sporna gegn útbreiðslu íslam er hins vegar flóknara. Fyrsta skrefið hlýtur þó að vera að fræða fólk og benda á tvískinnung múslima. Ég vil taka það skýrt fram að ég hef ekkert á móti múslimum - þeir eru ábyggilega margir hverjir mjög almennilegir. Vandinn er hins vegar alræðishyggjan íslam.

Vandinn við íslam er sá að þeir múslimar sem fremja alls kyns grimmdarverk eru að fara eftir því sem í kóraninum segir. Sjáum við í dag gyðinga fara til Þýskalands og sprengja sig og saklausa Þjóðverja í loft upp til að hefna fyrir helförina? Hvers konar trúarbrögð eru það sem fá foreldra til að finna til stolts þegar barn þeirra sprengir sig í loft upp og drepur aðra sem eru annarrar trúar?

[Vilhjálmur Örn Vilhjálmsson, 21.9.2013 kl. 09:18]

Helförin eru ekki trúarbrögð, Helgi. Útbreiðslu Íslam er ekki hægt að sporna gegn, frekar en Kristni. Það er von mín að misnotkun Íslam og þeim ljótu verkum sem unnin eru í nafni Íslam fækki líkt og voðaverkum kirkjunnar fækkaði þegar fram liðu tímar. Mannréttindi eru brotin í löndum múslíma, og mjög gróflega eins og allur heimurinn verður vitni að. Það voru þau í meirihluta Evrópuríkja fyrri minna en einni öld síðan.

Vandinn skapast að mínu mati, þegar trú eða ismar verður það eina sem stjórnar samfélögum. Ef það fallega í hugsjónum manna og trú er haft að leiðarljósi, er hins vegar engin hætta á því að trúarbrögð verði að stjórnmálum, þar sem forn og ótímabær lagabókstafur er notaður til að drepa og útrýma.

Ef þú hatar ekki Íslam, þá eru meiri líkur á því að múslímar hati ekki þig. En hatrinu var ekki eytt á jörðinni með Íslam, og það hljóta flestir heilvita múslímar að sjá. Trúarbrögð eru eins og þú veist flest nokkuð góð til að hatast með út í önnur trúarbrögð eða þjóðir og til að fordæma. Skrýtið, þegar tekið er tilliti til þess hve mikil áhersla er lögð á kærleika. Guðirnir sem fólk trúir á hafa líklega látið fólki það eftir að skilja og höndla kærleikann. Það hefur ekki alltaf tekist nógu vel.

[V.Jóhannsson (IP-tala skráð) 21.9.2013 kl. 12:30]

Helgi hefur 100 % rétt fyrir sér, því miður.

Þegar fólk flytur á milla landa, þá tekur það sína trú með sér og hefur ekki í huga að taka upp siði heimamanna. Það kallast fjölmenning, sem skilar sér í stýrjöldum með tíð og tíma. Þetta er gott og blessað á meðan trúin boðar kærleik og gæsku til allra manna, en svo er ekki með Islam.

Það er rétt sem þú segir, Vilhjálmur, að mikið ljótt tal og ég tala nú ekki um gjörðir í nafni Islam fer fram daglega og því miður fer það versnandi.

Ef gott fólk gerir ekker, sem það og ekki gerir, þá vinnur hið illa fyrir rest.

[Vilhjálmur Eyþórsson, 21.9.2013 kl. 15:10]

Allt það sem Helgi segir hér, er rétt. Allt sem nafni minn segir, er hins vegar rangt og alveg einstaklega barnalega sagt af annars sæmilega skynsömum manni að vera.

[Sleggjan og Hvellurinn, 22.9.2013 kl. 07:25]

Byggjum Synagogu á Íslandi!

sl