Þýskur hvalur með bægslalæti

 

Ég er ekki mikið gefinn fyrir hvalveiðar Hvals hf. Ég tel þær ekki vera þjóðhagslega iðju eins og málin standa nú. Hvalveiðar þær sem Kristján í Hval stundar eru ekki íslenskar. Þetta eru iðnaðarhvalveiðar eins og margar Evrópuþjóðir stunduðu, og voru þær nærri því búnar að útrýma hvölum á fyrri hluta 20. aldar. Ég er ekki einu sinni viss um, að Kristján í Hvalnum hafi kaupanda að þeim hvalaafurðum sem hann er að senda úr landi nú.

En þegar maður sér aðferðir Peter Altmeiers umhverfisráðherra í Þýskalandi og sér tvískinnung þýska ríkisins blöskrar manni. Þýskaland er ESB-ríki sem hefur selt tæknibúnað til Íran. Frá höfnum Þýskalands er auðveldara að senda vopn til öfgaríkja eins og Írans en hvalkjöt. Til Þýskalands má flytja 4 sinnum meira af eiturúrgangi en Þjóðverjar flytja sjálfir út. Til skamms tíma var einnig auðvelt að flytja ólöglega líffæri fátæklinga í þriðja heiminum til Þýskalands. Mér sýnist svona á útlitinu, að hinn einmanna piparsveinn, Altmaier þurfi brátt á nýju hjarta að halda og vonandi verður það nýja betra en það sem nú er í Altmaier. Loforð hans um að vernda hnísuna, sem kallast Schweinswal á þýsku, eru grunsamleg. Altmaier hefur lýst því yfir, að  "Der Schutz der Schweinswale liegt mir besonders am Herzen". Þetta grunaði mig.

En eins og menn geta séð í því rugli sem Altmaier hefur sent frá sér (sjá hér), er hvalkjötsflutningur Hvals hf. löglegur. Altmeier segir í bréfi sínu, að hann hafa haft samband við önnur ríki í ESB til að stöðva útflutning á hvalaafurðum frá Íslandi og Noregi. Þetta er ekki útflutningur Íslendinga, heldur Kristjáns Loftssonar. Ef útflutningur Kristjáns um þýskar hafnir er löglegur, liggur beinast við að Kristján Lofsson kæri Þýskaland fyrir ólöglegar aðgerðir í sinn garð. Líklegt er að íslensk yfirvöld geti stutt við bakið á einfaranum í þeim efnum.

Altmaier tínir til CITES-reglur og ESB-reglur og segir að langreiðar séu í útrýmingarhættu. Það er hvalategundin vissulega á Suðurhveli, en ekki á Norðurhveli. Hverjum er Altmaier að reyna að ljúga að. Þetta er eins og þegar þýskir diplómatar upplýstu árið 1949 fólk í öðrum löndum um að Adolf Eichmann væri látinn, að hann hefði skotið sig, þó svo að þýsk yfirvöld hefðu árið áður skuldbundið sig til að finna hann lifandi, því vitað var að hann var á lífi. Þýskur tvískinnungur.

Mikið hefði heimurinn verið betri ef Þjóðverjar hefðu sýnt eins mikla manngæsku á 20. öldinni eins og þeir sýna hvölum nú.

Ég endurtek: Ég sé enga ástæðu fyrir Íslendinga til að veiða stórhveli. Ef menn vilja hrefnukjöt fyrir heimamarkað þá veiða menn hrefnu. Ég hef meiri áhyggjur á þýskri heimsvaldastefnu og ESB-aðgerðum en hvalveiðum.

Athugasemdir

[Halldór Egill Guðnason, 13.7.2013 kl. 04:08]

Altmaier er holdgervingur ESB skaðræðisins og fær greitt fyrir sem slíkur. Óskapnaðaur sem þvælir hvað sem er gegn greiðslu. Undirstaða og upphaf öfga, sem ávallt hafa leitt til hörmunga. Megi allar góðar vættir forða okkur frá svona kjánum og öllu sem þeir standa fyrir, hvort sem þeim líkar betur eða ver að menn bjargi sér um kjöt, úr stórum eða smáum hvölum, sunnan eða norðan Miðbaugs. Bjálfi, með öðrum orðum og sennilega kominn tími á gangráð í þessu fyrirbæri.

[Vilhjálmur Örn Vilhjálmsson, 13.7.2013 kl. 23:31]

Halldór, ég ætla að vera diplómatískur, og segi bara: Það undrar mig að umhverfismálaráðherra lifi ekki eftir mottóinu "Líkami minn er musteri mitt". Hvað er þetta umhverfisslys sem umlykur tennur mannsins?