Styðjum Guðbjörn Jónsson

 

Guðbjörn Jónsson fer í dag í Heilbrigðisráðuneytið til að leita sér aðstoðar. Hann er með Parkinsonveiki og hefur ekki ráð á lyfjum þeim sem eru honum lífsnauðsynleg - vegna nýrra lyfjalaga sem "velferðarríkisstjórnin" fyrrverandi kom á, sem eru gölluð.

Lesið um baráttu Guðbjarnar hér.

Ég hvet fólk, sem ekki þarf að sinna vinnu, og jafnvel það sem er í vinnu, sem hefur snefil af samkennd og sem er í sömu stöðu og Guðbjörn, að mæta með Guðbirni, honum til stuðnings í ráðuneytinu. Hann ætlar að mæta þar við opnun í dag á Vegmúla 3 í Reykjavík. Þeir sem komast ekki geta einnig ritað stuðningsyfirlýsingar hér eða á blogg Guðbjarts.

Ég kemst ekki frá Kaupmannahöfn, en verð með í anda, og geng út frá því að nýr ráðherra velti vitleysu fyrri ríkisstjórnar, eða geri tilheyrilegar breytingar svo þeir sem minnst mega sín þurfi ekki að líða undir ófullnægjandi og ómannsæmandi lögum.

Athugasemdir

[Jósef Smári Ásmundsson, 31.5.2013 kl. 10:13]

Ég kemst heldur ekki en verð bara að læka þetta á Facebook og vera svo með í andanum eins og þú.

[Guðjón E. Hreinberg, 31.5.2013 kl. 14:26]

Ég á sjálfur ekki ferðafært í dag en kæmi ef ég gæti. Ég styð þig heilshugar í baráttu þinni sem og alla þá sem berjast fyrir raunlýðræði svo sem ljóst má vera þeim sem lesið hafa umfjöllun mína um Endurreist Þjóðveldi.

[Vilhjálmur Örn Vilhjálmsson, 31.5.2013 kl. 15:12]

Þið eruð góðir herramenn, en menn hafa kannski almennt meiri áhuga á að hjálpa fólki með gjaldeyrisverðtryggðu bílalánin. Ég vona að Guðbjörn hafi komist í ráðuneytið.