Er sumarið búið á Sýrlandi?

Sýrlendingar eru meðal fremstu stuðningsmanna hryðjuverka í heiminum. Hafið þið nokkurn tíma velt fyrir ykkur hvernig mannréttindum er háttað á Sýrlandi?

Fræðist hér: http://www.shrc.org.uk/default.aspx

Sjá sömuleiðis: http://www.postdoc.blog.is/blog/postdoc/entry/126190/

 

Sýrlenski herinn styrktur og færður nær landamærunum við Ísrael

Athugasemdir

[Guðmundur Jónas Kristjánsson, 22.2.2007 kl. 13:15]

Geri engan mun á öfgafullum Zíonistum eða öfgafullum múslimum.
Mannréttindi eru jú afar takmörkuð í Sýrlandi. En þau eru líka
ekki síður afar takmörkuð í Ísrael.  Og hernaðar-og stríðshyggjan er sú
sama í báðum þessum löndum.  Því miður! 

[Vilhjálmur Örn Vilhjálmsson, 22.2.2007 kl. 15:34]

Sæll Guðmundur og þakka þér fyrir skoðun þína, sem ég verð þó seint sammála. Er ekki svo að múslimir eru trúarhópur en Zíonistar ekki? Zíonistar þurfa ekki að vera gyðingar, og maður getur verið Zíonisti án þess að vera gyðingur eða Ísraeli. 99% gyðinga er þó náttúrulega Zíonistar og hópur Zíonista er fjölmennari en þessi 99% gyðinga, því aðrir hafa líka séð brýna nauðsyn Ísraelríkis.

Mikill fjöldi múslima eru alls ekki öfgafullur, en ég hef persónulega hitt mjög fáa múslimi, sem þrátt fyrir lýðræðislegan hugsunarhátt eru vinveittir gyðingum. Hvernig stendur á þessu?  Zíonistar stunda ekki hryðjuverk um gjörvallan heim eins og öfgamúslimir. Samt sem áður eru þeir sakaði fyrir allt illt hér á jörð, bæði gagnvart Palestínumönnum og öðrum. Það er svo sem ekkert nýtt í því. Þannig var það líka á miðöldum. Á Íslandi býr t.d. fólk, sem trúir því að gyðingar hafi staðið á bak við hryðjuverkin á World Trade Center. Zíonistar eru sem sagt hættulegt fólk. Ég er Zíonisti!. Hve hættulegur er ég?  

Ég held því fram við þig, að í viðbröðgum þínum hafi komið ágætt dæmi um notkun orða og hugtaka. Múslimi er hlutlaust orð, ef maður tengir það ekki öfgum. Við erum öll fylgjandi trúfrelsi. En Zíonisti er alltaf skammaryrði hjá flestu fólki á Vesturlöndum. Líkt og orðið íhald, sem hefur neikvæðan blæ, meðan jafnaðarmenn eru dásemdardrengir. Við vitum auðvitað, að það er blekking.

Þekking á hlutunum getur oft breytt skoðun manna. Virðing fyrir skoðunum annarra er þó afar lítil í heimi öfgafullra múslima. En það þarf ekki barn að fá nema horgrön á Vesturbakkanum, þá eru velmeinandi fólk á Vesturlöndum farið að væla um vondu Zíonistana.

– En við leysum vart vandann, tveir Íslendingar sem bloggum í stað þess að prjóna. En skoðaðu þessa heimasíðu www.idf.il og berðu hana saman við heimasíðu Sýrlenska hersins – þ.e.a.s ef þú finnur hana. Þar liggur hundurinn nefnilega grafinn. Frelsi til að hafa skoðun er ekki fyrir hendi á Sýrlandi og hernaður þeirra er ekki sjálsvörn eða svör við heiftarlegum árásum annarra eins og hernaður Ísraelsríkis.