Daníel í ljónagryfju skussanna

Kæra ber atvinnuvegaráðuneytið fyrir brot á lögum í þessu máli Daníels Jónssonar bónda á Ingunnarstöðum. Öll ráðuneyti undir stjórn Samfylkingar og VG eru greinilega óstarfhæf, án þess að neysluvatnið sé mengað. Þau eru líklega of upptekinn í vinnu við að koma Íslandi inn í ESB.

Ráðuneytisstarfsmenn eru hins vegar örugglega mengaðir af öðru. Þessi skussaháttur er með ólíkindum. Veljast alltaf fífl og amlóðar í íslensk ráðuneyti?

Landsbankinn er hér fljótari gegn lítilmagnanum en þegar bankinn lætur ræningja innan veggja bankans sleppa með því að segja af sér.

Þegar maður heyrir af svona máli, er maður er mjög í vafa um að íslenskt þjóðfélag muni nokkru sinni komast upp úr þeirri lægð sem hún náði þegar Mammonsveislan stóð sem hæst og allt hrundi.

Á að bera Daníel af jörðinni svo einhver ríkisbubbinn geti sest þar að með hesta og þyrlu til að ná í pulsur og kók?

Ég skora á sveitunga Daníels að hjálpa honum og sýna náungakærleikann ómengaðan. Það gerir gott fólk. 750 lítrar af mjólk í niðurfallið á degi hverjum er mengunarvandamál sem atvinnuvegaráðuneytið og Landsbankinn valda. Kærið kerfið og sýnið náungakærleikann í verki.

Krafa um að Daníel verði borinn út

Athugasemdir

[Bjarni Gunnlaugur (IP-tala skráð) 18.4.2013 kl. 11:32]

Held að þessir fínu pappírar í ráðuneytunum yrðu aðeins toginleitir í framan ef þeir væru sviftir launum ótímabundið og yrðu svo að bíða á meðan kærur þeirra þar um snigluðust í gegnum kerfið.

Ef rétt er frá skýrt að saurgerlamengun sé orsök lokunarinnar og sú bilun hafi verið sannanlega lagfærð, þá eru þetta galnar aðgerðir af hálfu matvælastofnunar.

Mögulega tengist þetta baráttu innan embættiskerfisins þar sem ný stofnun er að hasla sér völl (fulltrúi ESB reglugerðarbatterísins) og ætlar að láta þessa helv. bændur skjálfa á beinunum með því að hengja nokkra hinum til viðvörunnar.