Samlíkingar biskups eru ógeðfelldar

Biskup Íslands lýsir því yfir, að saklaust fólk hafi verið sakfellt í Guðmundar og Geirfinnsmálinu, og að það hafi verið vegna þess að lýðurinn hrópaði eins og lýðurinn forðum í Jerúsalem. En hvað hrópaði þá lýðurinn í Jerúsalem forðum, frú biskup?

Vafalaust hefur guð biskupsins sagt henni allt af létta um örlög Guðmundar og Geirfinns, fyrst hún getur básúnað þennan sannleika sinn út á Páskadag. Væri því vel við hæfi að hún upplýsti ríkissaksóknara um endalok tvímenninganna fyrst þeir sem dæmdir voru fyrir morðin eru allir saklausir og upp risnir.

Lengi þarf að leita til að finna annað eins auvirðilegt lýðskrum. Tími syndaaflausna kirkjunnar er greinilega ekki liðinn og nú gerir biskup lítið úr lögum og rétti á Íslandi. Fær hún þetta vald sitt hjá Guði?

Biskupinn segir: „Minnihlutahópar hafa þurft að berjast fyrir réttindum sínum og því að fá að vera eins og þau eru". Agnes biskup Sigurðardóttir telur hins vegar, að enn megi segja hvað sem er um minnihlutahóp þann sem kirkjan hefur i aldaraðir kennt um morðið á Jesú, og það án nokkurra sannanna, og ofsótt hana þar að auki. Þvílík ósvífni! Ættum við ekki að fá Ögmund Jónasson og Gísla H. Guðjónsson til að rannsaka það mál? 

Biskupinn telur sig aldeilis standa nær almættinu en aðrir, er hún getur dæmt heilu þjóðirnar eins og hún gerir.

En undrar þetta mann, þegar argasta hatur sem til er er þulið upp í kirkjum landsins ár hvert. Passíusálmarnir, uppfullir af hatri 17. aldar. Þeir voru sannindi lýðsins á 17. öld, þegar gyðingar höfðu engan rétt. En á Íslandi er gyðingum sem mótmæla dýrkun íslensku þjóðkirkjunnar á Passíusálmunum sagt að éta skít og að þeir skilji ekki hina miklu íslensku list.

Samlíking meintra morðingja tveggja manna við Jesúm, sem og viðbjóðsleg ásökun um að gyðingar hafi hrópað eftir dauða Jesús, er frumstæð ásökun og hatur, sem biskup þróaðs ríkis ætti að vera hafin yfir. En hún er greinilega biskup skrílsins.

Og hvað hrópaði svo lýðurinn forðum í Jerúsalem og hvað hrópaði lýðurinn á Íslandi í morðmálinu? Ég man nú ekki til þess að lýðurinn hafi hrópað mikið. Alvarleg mál um mannsdráp voru rannsökuð, þau fóru fyrir dómstóla og það er eðli réttarríkis, en ekki að biskup skríls gefi út billegar syndaaflausnir á hátíðum.

Biskupinum er velkomið að skýra mál sitt hér á blogginu.

„Vegna þess að lýðurinn hrópaði“

Athugasemdir

[Gunnar Th. Gunnarsson, 31.3.2013 kl. 16:12]

Já, synd að mestu glæpa og ofbeldishrottar landsins voru dæmdir til að eyða mörgum af sínum bestu árum bak við lás og slá.

[Vilhjálmur Örn Vilhjálmsson, 31.3.2013 kl. 17:23]

Það er eiginlega mikil synd að dýrlingar hafi verið teknir af í íslenskri lútersku. Nóg er núna til af efnilegum kandídötum og martýrum til að fylla allar kirkjur landsins.

[Jónatan Karlsson, 31.3.2013 kl. 18:35]

Venju samkvæmt auðnast þér að spúa eitri og hatri úr penna þínum og nú yfir páska prédikun biskupsins. Það er þó ánægjulegt að lesa að þar sem þú talar um hennar guð, þá undirstrikar þú kjarna málsins, nefnilega það að þú og þínir trúbræður hafa þá augljóslega einhvern allt annan guð. Þessu er vert að halda á lofti, sérstaklega fyrir þann hóp kristinna sem á síðustu árum hafa ruglað saman kristni og gyðingdómi, eins og sjá má á sionista miðlinum "Omega"

Að lokum aðeins ein forvitnis spurning: Ert þú sjálfur gyðingur?

[Jón Valur Jensson, 31.3.2013 kl. 19:51]

Jónatan, auðvitað hefur Vilhjámur sama Guð og kristnir menn á Íslandi hafa alltaf tignað og tilbeðið sem sinn Guð. Það sama á við um alla Gyðinga frá upphafi.

En á misskilningi byggir dr. VÖV það, að Passíusálmar kenni Gyðinghatur. Hallgrímur er þar einfaldlega að lifa sig inn í þá atburðarás, sem guðspjöllin segja frá, m.a. og ekki sízt það nákvæmasta um píslarsöguna, Jóhannesarguðspjall. Um píslarsöguna fjalla Passíusálmar, ekki seinni tíma beinlínis og aldrei um að Gyðingar seinni alda hafi reynzt mönnum illa.

Ef dr, Vilhjálmur vill sanna Gyðingahatur upp á Hallgrím eða aðra presta íslenzka, ætti hann að demba sér í rannsóknir á því máli, en hann finnur það ekki í Passíusálmum, aðeins greiningu þeirra á innihaldi guðspjallanna. Og þar er vitaskuld ekki um þjóðernishatur að ræða, enda var nánast öll frumkirkjan og höfundar Nýja testamentisins Gyðingar, rétt eins og sjálfur KRISTUR.

[Vilhjálmur Örn Vilhjálmsson, 31.3.2013 kl. 21:19]

J. K., ég er fornleifafræðingur sem ekki "diggar" upplifun Hallgríms Pé, annað kemur þér ekkert við. Trú er einkamál.

Jón Valur, það voru því gyðingar síðari alda sem dóu mest fyrir þessa upplifun manna á atburðum úr lífi J.Kr. Tími Hallgríms var tími gyðingahaturs. Ég komst eitt sinn að því að fyrst gyðingurinn sem sigldi til Íslands að við vitum, varð fyrst að láta skýra síg dómkirkju Kaupmannahafnar.

Sjá bréf Simon Wiesenthal Stofnunarinnar til RÚV árið 2012 hér .

Árið 1938 voru íslensk yfirvöld enn andvíg því að fá gyðinga til Íslands. Passíusálmarnir hafa ekki beint hreinsað hjörtu Íslendinga, sem margir hverjir standa í beljandi gyðinga- og útlendingahatri í dag, annað hvort vinstri-fasistar vegna ástar sinnar á málstað Palestínuaraba eða þeir sem vegna umburðalyndis síns telja landið of lítið og of fátækt til að aðstoða fólk í vanda.

Jón Valur, jafnvel þegar sýndar eru staðreyndir um nasistann Gunnar Gunnarsson, þá verð þú óþverrann sjá  http://fornleifur.blog.is/blog/fornleifur/entry/1253339/ og les meira her. http://fornleifur.blog.is/blog/fornleifur/entry/1257968/ 

Ást á gyðingahatri 17. aldar og varnir gegn ömurlegustu nasistaspíru Íslands er ekki beint vinátta í garð Ísraelsríkis.

[Jón Valur Jensson, 31.3.2013 kl. 22:04]

"Árið 1938 voru íslensk yfirvöld enn andvíg því að fá gyðinga til Íslands. Passíusálmarnir hafa ekki beint hreinsað hjörtu Íslendinga ..."

Non sequitur, doktor! - Post hoc, propter hoc? NEI !

Hvernig þykistu sanna, að Gunnar hafi verið nazisti? Aldrei myndi ég verja slíkt hjá honum, það veiztu vel.

[Jón Valur Jensson, 31.3.2013 kl. 22:09]

Nánar varðandi latínufrasana:

VÖV lætur sem orsakasamhengi sé milli Pass. Hallgríms og Gyðingaandúðar Hermanns Jónassonar eða annarra hér á landi. VÖV hefur ekki einu sinni REYNT að sanna þá gefnu forsendu sína.

Ég læt mér detta í hug, að Hermann hafi ekki viljað gefa nazistum átyllu til að líta á Ísland sem fjandsamlegt, Gyðingavænt land. Þeir urðu hins vegar að bíta í það súra epli, að hann stóð fastur og einarður á því að gefa Lufthansa* ekki lendingarleyfi hér. Hann hefur kannski ekki viljað "ögra" þeim með því að sýna í verki andúð á Gyðingahatri þeirra sjálfra.

*Lufthansa varð svo um tíma Luftwaffe eða rann inn í flugherinn þýzka.

[Jón Valur Jensson, 31.3.2013 kl. 22:10]

Annars er ég að horfa á Thatcher í sjónvarpinu, þætti gott að fá frið!

[Vilhjálmur Örn Vilhjálmsson, 31.3.2013 kl. 22:33]

Jón Valur, dönsk yfirvöld settu Hermanni reglurnar í Lufthansa-málinu, en Þór Whitehead hafði aldrei haft fyrir því að vera í dönskum skjalasöfnum til að sjá hvernig það mál þróaðist. de Fonteney og CAC Brun í sendiráði Dana fylgdust grannt með ferðum Íslendinga í Þýskalandi nasismans, sem og ferðum nasista á Íslandi, og Utanríkiráðuneyti Dana enn betur. Menn geta ekki skrifað söguna með því að nota aðeins Þjóðskalasafnið og skjöl State Dept. í National Archives i BNA, nema ef maður stendur í því að sýna fram á að Sjálfstæðismenn hefðu verið minni Þjóðverjasleikjur en Framsóknarmenn. Það hefur ritun sögu Síðara stríðs á Íslandi því miður farið út í - einhverja ömurlegustu lókalpólitíska söguritun sem sögur fara af. Framsóknarmenn og Íhaldið var jafnslæmt í útlendingahatrinu og gyðingaóbeitinni. Ekki er algalið að leyfa sér að halda að overdosis af Passíusálmum hafi valdið því.

Það er enginn að neyða þig til að fara inn á bloggið mitt með latínuárásir. Farðu nú og horfðu á hana Thatcher. Þegar hún kastaði þjóð sinni út í stríð við Argentínu, út af skeri, lýsti hún því yfir að Menachem Begin væri hættulegasti maður heims.

[Vilhjálmur Örn Vilhjálmsson, 31.3.2013 kl. 22:47]

Gunnar Gunnarsson gaf mönnum eins og Alfred Rosenberg og Hinrich Lohse réttlætingu. Hann starfaði með þeim, áður en hann fór heim og gætti sauða sinna en þeir fór áfram í fjöldamorðin á gyðingum.

ALDREI SÁ ÉG GUNNAR GUNNARSSON HARMA ATLOT SÍN AÐ NASISMANUM, FUND SINN HJÁ FORINGJANUM eða FRÆÐSLUFERÐALAG UM ÞÝSKALAND ÁRIÐ 1940, ÞAR SEM HANN LOFAÐI FRAMTÍÐ ÍSLANDS SEM NASISTALANDS. HANN FAGNAÐI INNLIMUM AUSTURRÍKIS INNILEGA.

Hvernig getur þú "Ísraelsvinurinn" varið slíkan slúbbert? 

Mér kemur eitt orð í hug: hræsni.

[Jón Valur Jensson, 31.3.2013 kl. 23:47]

Æ, vesalings þú, endar alltaf öðru hverju í vitlausum ályktunum

---fyrir nú utan gefnu forsendurnar eða þína túlkun á þeim!

Fyrra innleggið, kl. 22:33, var áhugaverðara. Ég gef því ekki öllu credit, heldur eyra og er vel reiðubúinn að skoða þau mál; get fátt um þau sagt að lítt athuguðu máli, og vitaskuld er danska þjóðskjalasafnið þín sterka hlið í þessu efni, geri ég ráð fyrir.

En það er jafn-fráleitt og fyrri daginn, að Hermann & Co. hafði verið að leggja frá sér Passíusálmana þegar þeir ákváðu að tálma Gyðingum hingaðkomu fyrir stríð. En skrifaði einhver (Tíma-Tóti eða Andrés Krjs.?) ævisögu hans?

Thatcher-þátturinn var fínn. Konan komst nærri því að vera mikilmenni. En ég (þá við nám í Cambridge) var gersamlega andvígur henni um Falklandseyja-herförina og skrifaði m.a.s. bréf þess efnis til hennar í 10 Downing St. og beitti mér víðar. Þar sérðu mína afstöðu, væni, raunar harkalega gagnrýni, sem varð mér kannski ekki til framdráttar í Bretaveldi!

[Jón Steinar Ragnarsson, 1.4.2013 kl. 04:58]

Hér sé stuð.

Ég verð nu að játa að ég er algerlega sammála Villa um Hallgrim. Víða má finna erindi stoppfull af samansúrruðu gyðingahatri, fyrir það verður einfaldlega ekki þrætt. Það leynist engum að hann álasar þeim fyrir dauða krists og hugsar þeim þegjandi þörfina, sem er svolítið merkilegt, þegar litið er til þess að án fórnardauðans og fordæði Júdasar (nafnið meira að segja með hentugum táknum og vísunum) hefði kristnin aldrei náð flugi né verið neitt neitt.

Segir talseert um greind hinna geistlegu höfðingja að sjá ekki það jákvæða samhengi, en maður getur jú ekki rekið trúarbrögð án haturs, fordæminga og ofsókna, svo það er kannski skiljanlegt að þeir hafi snúíð blinda auganu að þeirri reynd.

Passíusálmarnir eru svo að megninu skelfilegthnoð og svo hundleiðinlegir að kirjurnar nota plastpaskaliljur til skrauts því annað dræpist úr leiðindum.

Í grunninn eru sálmarnir líka dauða og þjáningardýrkun, sem gerir allt það ömurlegasta í mannlegri tilvist að upphafinni dyggð. Sjálfsréttlætingin, sjálfsvorkunin, sjálfshelgunin og þunglyndið vellur svo yfir alla barma hjá dramadrottningunni á Saurbæ.

Ekki myndi ég gráta það ef þessi ósiður að lesa þetta yrði lagður af. Það er ofbeldi og marsukismi eitt og sér að sitja undir þessu.

[Brynjólfur Þorvarðsson, 1.4.2013 kl. 08:35]

Algjörlega sammála Vilhljálmi og Jóni Steinari. Jón Valur þjáist af guðstrú sinni sem birtist m.a. í hatri gagnvart hinum og þessum. Vonandi að hann frelsist einhvern daginn.

Annars er skemmtilegt að skoða hvað "lýðurinn" hrópaði í Jerúsalem forðum. Jú þeir vildu láta frelsa Jesú Barabbas en ekki Jesú Jósefsson. En kannski var um einfaldan nafnarugling að ræða? Jesú Barabbas útleggst "Jesú sonur föður síns" eða "Guðs frelsari sonur föður síns."

[Vilhjálmur Örn Vilhjálmsson, 1.4.2013 kl. 09:40]

Jón Valur, bréf þín til Thatcher og co er óforbetranleg. Þú ert örugglega enn á  lista MI5 og ein meginástæðan til þess að auðvelt var að setja Íslendinga á terroristalistann í bankahruninu. Þeir hafa bara litið í spjaldskrána og séð bréf þín og hugsað: "þetta er hættulegt fólk." Þú hefur lent á sama áhættulistanum og Begin, sem sagði kerlingunni einnig til syndanna. En illt er nú í efni, ef fólk þarf að horfa á þætti um Thatcher á páskum í stað almennilegrar biblíumyndar með fyrrverandi formanni riffilsambandsins í BNA, Ben Hur.

Brynjólfur fyrir utan að hebreska frekar en arameíska var daglegt mál í Jerúsalem á þessum tíma, þá er þessi tilgáta þín dálítið skondin! Rómverjarnir hafa greinilega misskilið þetta allt. Þeir lærðu aldrei tungumál þeirra sem þeir skattpíndu. Páll Postuli, sem talaði eintóma grísku, hefur svo heyrt þetta og misskilið allt. Þetta er gott nafn á bar í Jerúsalem.

Jón Steinar, þegar yfirlýstir trúleysingjar úr Samflykkingunni og Vinstri mygluflokknum flokkast í kirkjur til að lesa þetta hatur, er víst borin von að halda að ósiðurinn leggist af.

[Jón Valur Jensson, 1.4.2013 kl. 10:24]

Trúlausir eru þeir báðir, Brynjólfur og hinn ágæti landvarnarmaður Jón Steinar, og kunna því ekki Hallgrím að meta. Hafa það hingað til ekki verið neinir mannfantar né bögubósar sem dáðst hafa að Pasíusálmum, og er nóg þar með sagt, en ég minni t.d. á aðdáanda þeirra Matthías Jochumsson, og komast þessir tveir ekki með tærnar þar sem sá skáldsnillingur hefur hælana í eldlegri andagift.

Barabasarrugli Brynjólfs nenni ég ekki að sinna, og ómerk eru orð hans þar sem hann ber upp á mig hatur, jafn-ómerk og þau eru ómerkileg.

Og fráleitt er af VÖV að telja Pál einungis hafa talað grísku.

[Sigurður Þór Guðjónsson, 7.4.2013 kl. 13:24]

Setti ég ekki brilljant athugasemd hér?! Hvað varð um hana?

[Vilhjálmur Örn Vilhjálmsson, 5.6.2013 kl. 06:09]

Nú er ég búinn að leita og leita og finn ekki neina færslu frá þér Sigurður. Ég hef engu eytt. Kannski hefur þig dreymt þetta.

Reyndu að hafa samband við stjórn Moggabloggsins og spyrja þá hvernig stendur á því að athugasemdin frá þér hefur horfið.