Þessi kona skilur eftir sig velferðarparadís

 

Hin hvíthærða flugfreyja, sem kom, sá og fullvissaði alla sanna Samfylkingarmenn um að hennar tími væri kominn og að Samfylkingin í túninu heima ætti enga sök á bankakreppunni á Íslandi, er nú komin á leiðarenda. Maður neyðist til að þakka henni fyrir að hætta, áður en hún er alveg hætt að valda skaða.

En hvað skilur bifukollan og arfahirð hennar eftir sig áður en hún verður blásin burt? Jú, alls kyns bruðlverkefni, sem engu skila, útsvelt heilbrigðis- og skólakerfi, afdönkuð elli-og vistheimili, þar sem þarf að kalla til lögreglu þegar vistmaður fellur út úr rúminu að nóttu til. Það er kal í túnum þótt fíflar og arfi blómstri.

Jóhanna Sigurðardóttir og hennar pólitík féllu úr rúminu fyrir löngu síðan með Samfylkingunni eins og hún leggur sig. Vinstri græna vantar höfuð, hendur og fætur og geta því ekki hjálpað til að koma stjórninni upp í rúmið aftur. Þess vegna vonast þessir langlegusjúklingar eftir því að ESB læknirinn komi og gefi þeim stóran skammt af Evru og stingi velferðarhitamælinum beint í gyllinæðina. Evrulæknirinn er gráðugur og borðar nefnilega fisk, ódýran fisk og borgar vel fyrir að illgresi sái sér í tún.

Hins vegar ber nú á síðustu metrunum mikið á því að blóminn í kalatúninu á Samfylkingsstöðum á Nýja Íslandi sé aftur kominn með heilaDabba.

Nú eru það greininga annað hvort Sjálfstæðisflokkurinn eða einhverjir ljóðelskir Kínverjar sem geta bjargað Íslendingum. Ég tek nú rímur íhaldsins fram yfir ríspungavæl spældra Heimsvaldakínverja sem traðka á sínum eigin löndum til persónulegs ávinnings. Sjálfstæðismenn eru ekki allir eins kræfir og kapítalistískir meðlimir kínverska kommúnistaflokksins.

Hver veit nema að íhaldið og náhirð Samfylkingarinnar gangi í einu og sömu sjúkrasængina eftir næstu kosningar? Það er ýmislegt að ótta. Sagan á það til að endurtaka sig eins og Marx bræður sögðu um árið.

Takk fyrir árin "góðu", Jóhanna Sigurðardóttir! Ég man ýmsan fífil fegurri en þig.

Athugasemdir

[Hjálmtýr V Heiðdal, 28.10.2012 kl. 12:31]

Þú ert dáli´tið lyginn hér Villi: „að Samfylkingin í túninu heima ætti enga sök á bankakreppunni á Íslandi“.

Samfylkingin, undir forystu Jóhönnu, er eini stjórnmálaflokkurinn sem hefur birt sjálfsgagnrýni vegna þátttöku sinnar í málum fyrir Hrun. Ég veit að þú samþykkir ekki þess orð mín - en það skiptir ekki máli.

[Andrés Björgvin Böðvarsson (IP-tala skráð) 28.10.2012 kl. 15:56]

Og Sjálfstæðisflokkurinn stakk sinni sjálfsgagnrýni undir stól og hyllir nú gamla foringjann sem kom öllu af stað. Þó Samfylkingin sé ekki fullkomin — það er hún langt í frá — þá þarf meira en lítið gullfiskaminni og afar brenglaða sýn á veruleikann að halda að Sjálfstæðisflokkurinn muni laga á einu bretti allt sem hrunið færði úr skorðum, hvað þá að hann hefði gert það nú þegar sæti hann við stjórnvölinn í dag. Raunar er ótrúlegt hversu fólk er tilbúið að fyrirgefa flokki sem talar um svokallað hrun í sömu andrá og það úthúðar Samfylkingunni fyrir sinn þátt í hruninu.

[Vilhjálmur Örn Vilhjálmsson, 28.10.2012 kl. 17:03]

Nú, þá var það bara tálsýn þegar ég sá ISG á fundum með Sigurði Einarssyni og öður bófum í Kaupmannahöfn eða Össur Skarp með Al Thani og íslenskum bófum þegar hlutabréf voru seld í Kaupþingi.

Vandamálið með þig Týri, að þú varst heilaþveginn einum of mikið þegar þú varst hallur undir Pol Pot og heimssýn hans.

Við sem gönum með gleraugu sjáum betur en þú heldur.

[Vilhjálmur Örn Vilhjálmsson, 28.10.2012 kl. 17:05]

Jóhanna var bara ekki með bófunum í Samfylkingunni, því hún kann ekkert tungumál nema íslensku. Það ger svo slæma mynd af hlutunum.

[Sigurður Þór Guðjónsson, 29.10.2012 kl. 00:25]

Er ekki Pol Pott frægur amatör óperusöngvari. Sá hefur víst tekið arírurnar.

[Vilhjálmur Örn Vilhjálmsson, 29.10.2012 kl. 05:24]

Sigurður, nú tekur þú Jóhönnu með þér á námsskeið í ensku í öldungadeildinni.