Ekkert venjulegt Band á leiðinni

 

í boði Ólafs Ragnars Grímssonar, svo greinilega er að það hlýtur að vera eitthvað Hard Rock band sem er að koma. Nei, aldeilis ekki, það er bara hryðjuverkalagasönglarinn David Miliband sem treður upp á morgun í Háskóla Íslands. Miliband var bjartasta von krata á Bretlandseyjum þangað til hann tapaði fyrir bróður sínum Ed. Báðir leika á loftgítar í Punk-hljómsveitinni New Labour. 

Vonast margir þá til þess að David segi okkur frá fundi sínum með Ingibjörgu Sólrúnu Gísladóttur (Imbu) í desember 2008. Aldrei hefur birst skýrsla Ingibjörgu Sólrúnu fyrrverandi utanríkisráðherra um fundinn með Miliband um hryðjuverkalögin sem Brown og Darling hans settu á okkur. Sjá hér,

Nú er einsýnt að Imba afhendi aldrei neina skýrslu um þennan fund frekar en um svo margt annað, en hugsanlegt er að Miliband hafi hripað eitthvað bitastætt niður.

Er ekki einhver sem nennir að fara á fundinn og stilla inn á BBC á Millibandinu og láta hann segja okkur opinskátt hvað var að frétta af þessum merka fundi sem hann átti með Imbu, og sem við lúsalýðurinn máttum ekki heyra um? Kannski að gestgjafinn, ÓRG, spyrji bara sjálfur Miliband?

Þessi piltur, sem hefði að mínu mati alveg eins geta lagt fyrir sig uppistands-kómedíu í Appollo-bíói í heimaúthverfi sínu Hammersmith, var með í ríkisstjórn Breta sem setti á Íslendinga hryðjuverkalögin.

Svo talað sé um ættir. Afi hans var í Rauða Hernum, þar sem hann barðist dyggilega, en Pútan í Kremlarvirki gróf eitthvað ljótt upp um afann, þegar David skaut á Pútuna hér um árið, og var það líklegast það merkilegasta sem gerðist á stuttum ferli Milibands sem utanríkisráðherra.

Ralph (Adolphe) Miliband, faðir þeirra Milibandsbræðra, Davids og Eds, var að mínu mati miklu merkilegri en synir hans, sem eru bara lýðskrumarar. Ralph var atvinnumarxisti með akademískan trefil um hálsinn. Hann skrifaði nokkrar merkilegar bækur um hvernig pólitíkusar, og sér í lagi þessir á vinstri vængnum, rotna og verða Mammon og gráðugum mellum að bráð. Ef íslenskir kratar hefðu lesið bækur hans, hefði kannski ekki farið hér á Íslandi eins og fór, og David litli hefði ekki þurft að rífast við Imbu okkar um hryðjuverkalögin sem sett voru á Íslendinga.

Kannski mætir Imba á morgun og rífst aftur við Miliband. Ég myndi borga fyrir að sjá það.

Athugasemdir

[Sigurður Þór Guðjónsson, 25.9.2012 kl. 18:10]

Nú held ég að þú sért orðinn alveg bandóður!

[Vilhjálmur Örn Vilhjálmsson, 25.9.2012 kl. 20:24]

Ég er ekki í neinu bandalagi en mér þykir einfaldlega ósköp lítið hægt að græða á því að fá bandorm eins og Miliband í heimsókn. Hvað hefur hann fram að færa? Kannski sjóarasögur af síðustu hafráðstefnunni sem hann sat með Ólafi Ragnari Grímssyni?

En söguna af fundinum með Imbu verður að spyrja hann um, og veit ég að tveir einstaklingar vilja alveg ólmir gera það.