Ekki eru allir sáttir við endalok Rögnu Estherar Sigurðardóttur

Þótt íslenskir og bandarískir ættingjar Rögnu Estherar Sigurðardóttir (Gavin), sem andaðist sem Radna Esther Isholm Vickers árið 2002, hafi nú friðað sálina og fengið meiri vitneskju um örlög hennar, eru ekki allir sáttir við þau málalok. Þau má fyrst og fremst má þakka áhuga og samkennd Lillý Valgerðar Oddsdóttur, þótt henni hafi ekki verið þakkað það sem skyldi.

RÚV greinir vísvitandi rangt frá, og það þótt fréttamenn Ríkisfjölmiðilsins hafi fengið bréf frá dóttur Rögnu , Ann Lou LeMaster. Það bréf er hægt að lesa í hér fyrir neðan. T.d. hefur RÚV tekist að segja frá nýrri þróun í málinu þannig að ættarnafn manns Rögnu, Vicker, er sagt vera Wickens og Wickers.

Eins sómasamlega og Stöð 2 greindi frá málinu í gær, var fréttaflutningur RÚV einfaldlega ámælisverður. Ekki var sagt frá því hvernig fréttastofa RÚV fór á flug í fantasíum þegar málið kom upp árið 2011. Fyrst voru vangaveltur um að Emerson Lawrence (Larry) Gavin hefði bæði drepið konu sína og börn. Síðan kom annað á daginn þökk sé rannsóknarvinnu Lillý Valgerðar Oddsdóttur. Þá var fljótlega farið að greina frá því að Melissa Gavin, dóttir Larry Gavins af 2. hjónabandi ætti heiðurinn af því að hafa haft upp á örlögum tveggja fyrstu barna Rögnu, þó svo að sá heiður væri algjörlega Lillý Valgerðar Oddsdóttur. Kanadískir fjölmiðlar gerðu einnig Melissu Gavin að aðalpersónu og um tíma morðkenningu hennar að aðalviðfangsefni sínu. Melissa Gavin var allt í einu orðin, eða réttara sagt, búin að gera sjálfa sig að „stjörnu" í málinu. Hún taldi sig vita allt um örlög Rögnu.

Hér sést Melissa Gavin segja frá. Hún vill vita það versta um föður sinn og gera hann að morðingja. Hann var auðvitað enginn engill og örugglega hinn versti heimilistýranna og ofbeldisseggur. En þessu "morði" trúðu fréttamenn RÚV eins og nýrri tuggu, og einhverjir þeirra hafa á tímabili, að því er mér skilst, haft áform um að gera sjónvarpsmynd um þessi hræðilegu (en ímynduðu) örlög. 

Vegna áhuga míns á málinu var ég skammaður af konu nokkurri, Herdísi, sem kom inn á bloggið mitt í fyrra, sjá hér, en hún var í slagtogi við þessa Melissu. Herdís reit:

"Vilhjálmur Örn Vilhálmsson nú veit ég ekki alveg hvað þér gengur til með þessum skrifum þínum á bloggi þínu.  Í fyrsta lagi þá kynnir maður sér staðreyndir áður en byrjað er að fullyrða um mál sem viðkomandi hefur greinilega ekki hundsvit á. Í frétt RÚV sem er jú sá fréttamiðill sem flestir Íslendingar treysta þá kemur fram að fjölskylda Esterar hafi ítrekað reynt að hafa upp á henni og börnum hennar. Það segir allt sem segja þarf. Þótt að þetta sé fyrst núna að koma í fréttunum þýðir það ekki að ekkert hafi verið gert í þessu máli. Don’t play stupid. [Sic. Þetta eru athyglieverð orð, ef tekið er til þess að ég hafði aldrei áður heyrt frá þessari konu. Það eru fyrirframgefnir fordómar í garð móttakandans í þessari makalausu orðræðu] Margar kynslóðir hafa nú reynt að hafa upp á Esther og börnum hennar og því algjör vitleysa að segja að nú 56 árum síðar hafi ættingjar fyrst ætlað að reyna að hafa upp á henni. " 

Einn ættingi Rögnu sem hafði samband við mig vildi greinilega af einhverjum ástæðum ekki að Lillý Valgerður kæmi að málinu. Allir höfðu greinilega keypt söguna um að Larry Gavin væri óður morðingi, sem kálaði íslensku stríðsbrúðinni sinni. Ættingjarnir hennar höfðu reyndar gleymt að í minningargreinum um föður hennar og bróður í íslenskum dagblöðum hafði hún verið talin af - þar stóð að hún væri látin löngu áður en hún lést. Reynir fjölskylda ítrekað í 56 ár að hafa samband við einhvern sem fjölskyldan hefur lýst látna í minningargreinum? 

Ég sá svo, að í október 2011 var ýmislegt í gerjun, því Melissa Gavin hafði allranáðugast samband við mig og svaraði þá loks erindi mínu til hennar frá því í apríl 2011. Ég mátti greinilega ekki halda opinberlega, að engin ástæða væri, á grundvelli fyrirliggjandi gagna, að telja Larry Gavin hefði myrt Rögnu. Melissa vildi vita hvort ég hefði frekari gögn í málinu. Hún var orðin sjálfskipaður rannsóknaaðili fyrir fjölskylduna, sem hafði leyft henni að svara mér, og það þótt ég hefði ekki spurt fjölskylduna um eitt eða neitt.  

Bók um málið?

Melissa Gavin hafði fyrst og fremst samband við mig til að fá efni í fyrirhugaða bók sína um „morðið" á Rögnu Esther Gavin. Bókin hefur nú  líklega verið prentuð og átti að væntanlega að verða metsölubók í jólabókaflóðinu. En nú hefur dóttir Rögnu (Rödnu) haft samband við Melissu og beðið hana að láta það eiga sig að gefa út bók þar sem nafn móður hennar er nefnt. Auðvitað á bók með hugarórum og getgátum um dauða Rögnu ekki að koma út.

Melissa Gavin hefur ekki haft fyrir því að svara Lou Ann LeMaster. Ekki vildi ég vera í sporum bókaútgefanda þessarar væntanlegu bókar. En svona er þetta. Ef menn hefðu fylgt almennri skynsemi við rannsókn þessa máls og stundað eðlilega blaðamennsku, þá hefðu gróusögur og kerlingabálkar ekki farið á kreik.

Bréf Lou Ann LeMasters til Melissu Gavin

Hér er svo bréf Lou Ann Masters til Lillý Valgerðar Oddsdóttur sem ég hef fengið að birta. Fjölmiðlar hafa fengið þetta bréf, en fréttmenn RÚV gátu greinilega ekki haft fyrir því að segja allan sannleikann og greina frá öllu sem í þessu bréfi stóð.

Sannleikurinn í málinu hentar líklegast ekki pólitískri rétthugsun þeirra, þar sem konumorð og karlribbaldar smellpassa inn í  femínistaklisjuna um að allir karlar séu ofbeldismenn og ruddar.  En menn eru eigi morðingjar ef sannanir eru ekki fyrir hendi. Stundum mætti nú trúa okkur karlgörmunum meira en gert er. Við munum ekki ljúga meira en kvenmennirnir, nema síður sé.

En lesið nú bréf dóttur Rögnu, Lou Ann LeMasters hér.

Hvernig finnur maður svo látið fólk í BNA ?

Fyrir áhugasama sem vilja vita, hvernig hefði verið hægt að finna Rögnu miklu fyrr og koma í veg fyrir bækur um morð. Þá er þetta lausnin. Farið á þessa síðu: http://ssdmf.info/   Leitað er með fæðingardag Rögnu, 30. maí. Ekki breyta allir sem breyta nafni um fæðingardag. Svo er bara að fara í gegnum skrána yfir þá sem fæddir eru 31. maí árið 1927, og sem látnir eru á síðari árum. Þar fann ég Rödnu Esther Isholm Vickers sem dó árið 2002. Bingó

Lillý Velgerði Oddsdóttur tókst þetta og mér tókst það. Það er ekkert yfirnáttúrulegt við það. Telja má ótrúlegt að allir spæjararnir sem komu að málinu hafi ekki geta framkvæmt þessa leit. Ég skil ekki af hverju þeir gátu ekki leyst gátuna. En hafa ber í huga að sumt fólk í BNA lifir á því að leita að fólki með leitarvélum sem allir hafa aðgang að og fyrir minna fé en hjá einkaspæjara.

Athugasemdir

[Jóhann (IP-tala skráð) 2.9.2012 kl. 21:32]

"Have you no sense of decency, sir?"

[Vilhjálmur Örn Vilhjálmsson, 2.9.2012 kl. 21:48]

Eins og alþjóð veit nú, þá er þessi makalausa bók sem ég ræði um hér í færslu minni komin út og hefur fengið ríflega auglýsingu hjá RÚV, lygavef Íslendinga, þar sem fréttir eru orðrómur og gróusögur.

Dóttir konunnar, sem bókin fjallar um hefur beðið höfund hennar að gefa hana ekki út, og það er hunsað. Fréttastofa RÚV, opinberrar stofnunar, tekur að sér að kynna bókina, þrátt fyrir að vita að starfsmenn þar viti hug aðstandenda sögupersóna og hafi fengið bréf það sem birt var hér í færslunni. Hvar stoppar ósvífnin og ólögmæti Samfylkingarfréttastofunnar?

Dóttir morðingjans í bókinni hefur framið siðferðislegt morð, með hjálp opinberrar fréttastofu á Íslandi. Þetta þvílíkum er með ólíkindum, að mann vantar orð yfir það. 

Hvaða bókafélag tekur þátt í að gefa þessa skruddu Melissu Gavins út ? Það væri gaman að vita.

Bókinni hefur verið dreift til fjölmiðla. Bók sem enginn vildi gefa út í BNA. En á Íslandi er hún liðtæk, því Íslendinga er greinilega hægt að mata á rugli og lygum um ævi Rögnu Estherar.

[Vilhjálmur Örn Vilhjálmsson, 2.9.2012 kl. 22:04]

Kristín H. Sigurðardóttir fréttamaður á RÚV birti í kvöldfréttum RúV viðtal við Melissu Gavin um bók sem innheldur vangaveltur um líf Rögnu Estherar Sigurðardóttur/Rödnu Esther Isholm Vickers.

Kristín H. Sigurðardóttir veit að bókin hefur verið gefin út í óþökk erfingja Rögnu, Lou Ann LeMaster, en segir ekki frá því í fréttatíma RÚV. Velur að gefa bókinni auglýsingu í stað þess að greina frá glæp dóttur Larry Gavins. Sjá hér.

Er enginn, ég meina ENGINN, gæðastaðall fyrir fréttamenn RÚV. Eru svona vinnubrögð ásættanleg?

Best er að beina þeirri spurningu til Útvarpsráðs. Þarf ekki að þynna meira út í röðum fréttamanna RÚV sem æ ofan í æ búa til fréttir, sem verða til í hugarheimum þeirra.

[Gunnar Jón (IP-tala skráð) 2.9.2012 kl. 22:36]

Þessi fréttaflutningur RUV er algerlega makalaust og forkastanlegur. Það er einhliða níðst á minningu manns sem er látinn og getur ekki varið sig. Við vitum ekkert hvað er satt og rétt við fáum bara að heyra eina hlið. Það er augljóst að konan sem viðtalið var við í kvöld er vart í andlegu jafnvægi. Á þetta bara að vera í lagi? Það er búið að sýna fram á að Ragna lifði og varð gömul kona. Hún var ekki í sambandi við fjölskyldu sína á Íslandi í marga áratugi áður en hún lést og fyrir því geta verið ótal ástæður. Það eru komnar fram nýjar upplýsingar í þessu máli sem sýna að fréttastofa RUV er búin að fara með staðlausa stafi í hverri fréttinni á fætur annarri, ásaka saklausan mann um morð og hvaðeina. Hvað vitum við hvað er satt og rétt í öllu þessu máli eftir allt sem á undan er gengið? Af hverju er verið að draga einkamál fólks upp með þessum hætti í fréttamiðli þjóðarinnar? Þetta er sorpblaðamennska, götublaðamennska og ekki sæmandi. Klám og ekkert annað. Er engin stjórn á þessari fréttastofu?

[Vilhjálmur Örn Vilhjálmsson, 2.9.2012 kl. 22:51]

Sammála sérhverju orði Gunnar Jón.

[Eyjólfur Jónsson, 2.9.2012 kl. 23:05]

Hættur að horfa og hlusta á RUV fyrir löööööööngu síðan.

[Vilhjálmur Örn Vilhjálmsson, 2.9.2012 kl. 23:41]

En þeir rukka þig örugglega enn, nema þú sért landflótta.

[Gunnar Jón (IP-tala skráð) 2.9.2012 kl. 23:51]

Þetta er bara spuni til að selja bók sem útgáfan kallar nú "heimildaskáldsögu" í örvæntingu því þeir vita að þeir hafa gert upp á bak og geta átt yfir höfði sér málaferli. Þetta er verulega ljótt mál, hneyksli og til vansa. Fréttastofa RUV er misnotuð í þessum leiðangri:

http://sogurutgafa.is/grimmdarlif.html

[Sigurður Þórðarson, 3.9.2012 kl. 09:19]

 Ég er orðinn of gamall til að verða hissa á óvandaðri fréttamennsku. Takk fyrir þennan fróðleik Vilhjálmur.

[Heather LeMaster Bawcom (IP-tala skráð) 3.9.2012 kl. 18:05]

My name is Heather Elizabeth, and I am a Granddaughter of Esther. I would like to thank Lilly for her friendship, hard work and help in discovering the truth. Our family is overjoyed to learn that Our Beloved Esther has family that is alive and has been faithfully searching for her over the last 60 years. We are looking forward to talking to, and bonding with, our newfound family, and sharing stories of my Beloved Grandmother. This would have never been possible without the help of Lilly, and for that we are eternally grateful.

[Lou Ann Vickers LeMaster (IP-tala skráð) 3.9.2012 kl. 18:32]

Thank you for your article.  I had it translated and do appreciate your insight.  My Mother, survived the Gavin family and went on to have a wonderful life.  She was a gentle and kind woman full of love for all people.  I know she would be so happy to know, thanks to her families love and Lilly's perseverance, we now are connected with her beautiful family.  We are so grateful to Lilly for her help is getting us together. We are all so happy to know our beloved Mother and Grandmother has family and we can not wait to make good memories with them all. ;-))