40 ár frá því að Palestínumenn sýndu hvað þeir vildu

 

Það var erfitt fyrir RÚV/Sjónvarp að minnast hryðjuverka Palestínumanna á Ólympíuleikunum í München árið 1972. Fréttin var send sem íþróttafrétt í lok kvöldfrétta Sjónvarpsins þann 5. september 2012.

Árið 1972 notuðu óþekku börn heimsins, sem Össur Skarphéðinsson og aðrir öfgaástarmenn hafa nú tekið ástfóstri við, vettvang friðar og helsta íþróttaviðburð jarðarbúa til að koma framfæri baráttumáli sínu: Útrýmingu Ísraelsríkis.

Fyrst í gærkvöldi, á 40 ára „afmæli" hryðjuverkanna, sá RÚV ástæðu til að minnast þeirra.

Fjölmiðlar um allan heim hafa minnst atburðanna og greint frá þeim í beinum tengslum við Ólympíuleikana í London. Á ríkisfjölmiðli Íslendinga er þessi frétt hins vega sett aftast í íþróttafréttum, meðan frændurnir Stuart Cornfeld og Ben Stiller fá að lýsa frábæru veðri og ágæti Íslendinga í heilar tvær mínútur. Þeir vita ekki hvaða skíthælar stjórna RÚV.

Á Íslandi vilja menn heyra það sem þeir vilja heyra.

Athugasemdir

[Jón Valur Jensson, 6.9.2012 kl. 20:59]

Það var líka Palestínumaður, Sirhan Sirhan, sem drap Robert F. Kennedy, ekki löngu eftir morð Johns bróður hans.

PS. Athygisverð myndin hjá þér, þar sem ísraelski fáninn og sá íslenzki eru hlið við hlið, dregnir í hálfa stöng - 1972?

[Gunnar Rögnvaldsson, 6.9.2012 kl. 22:16]

.

. 

DDRÚV er jú að endurskrifa fortíðina ofan í andaglasi sínu, svo ekki kemur neitt lengur á óvart frá þeirri strá-stofnun. Best er að kveikja aldrei DDRÚV-tímanum.

Kveðjur

[V.Jóhannsson (IP-tala skráð) 6.9.2012 kl. 22:39]

Þegar þú segir sannleikann, þá ert þú islamafobi, rasisti, fjölmenningarhatari , illa gerður, en ef þú ert PK (polutikst korekt) og lýgur nógu mikið í fjölmiðlum, þá ert þú þingmanns efni.

[Sigurður Haraldsson (IP-tala skráð) 7.9.2012 kl. 06:47]

Já Vilhjálmur það er mikið hatrið í heiminum  og þú hefðir kanski gott af að rifja upp aðferðir og manndráp fyrrverandi forsætisráðherra Ísrael Menakim Begin og hvernig mannvinurinn og friðmælandi BenGurion fóru að því að hrekja fólk frá heimilum sínum til að gyðingar þyrftu aldrei að verða fyrir barðinu á nasistum oftar.

Þar át byltingin börnin sín Vilhjálmur og Jón þú mátt líka uppfræðast svolítið um þessa tíma.

[Vilhjálmur Örn Vilhjálmsson, 7.9.2012 kl. 08:16]

Þakka ykkur fyrir herramenn, en hvernig í andsk. V. Jóhannesson fær það inn hjá sér að ég sé "íslamófobi", rasisti og fjölmenningahatari, fæ ég ekki skilið. Ég sem var fyrstur Íslendinga til að mæla með því að moska yrði byggð á Íslandi og hef starfað með fjölmenningu, unnið gegn kynþáttafordómum og skrifað bók um kynþáttahatur Dana. Hr. Jóhannesson er haldinn einhverju, ég -veit ekki hvað það er og vill ekki vita það. Skoðun mín á öfgaíslam og hryðjuverkum gerir mig ekki að múslímahatara, nema að þú haldir að allir múslímar séu öfgamenn og hryðjuverkafólk. En það passar auðvitað betur við öfga sumra vinstrimanna.

Sigurður Haraldsson,  Begin og Ben Gurion tóku ekki saklaua gísla á Ólympíuleikum. En þar sem Palestínumenn nota í miklum mæli áróðursefni nasista, þá er ljóst að baráttu Ben Gurions er ekki lokið.

[Gunnar Th. Gunnarsson, 7.9.2012 kl. 15:05]

Athyglisvert myndband hér; The truth about refugees

[Jónatan Karlsson, 7.9.2012 kl. 20:13]

66 ár frá því að Ísraelsmenn sýndu hvað þeir vildu.

Ég má til að vekja athygli sagnfræðingsins á annari og öllu mannskæðari hryðjuverka árás, en þá er ég að tala um þegar hryðjuverka samtökin IRGUN, undir stjórn hins illræmda Menachen Begin sprengdu í loft upp hótelið "King David" í Jerusalem, 22. júlí. 1946. Þessir atburðir koma við sögu í hinum ágætu, raunsæju sjónvarpsþáttunum: "Loforðið, The promise" sem nýlega voru sýndir á RÚV.

[Jón Valur Jensson, 7.9.2012 kl. 23:29]

Já, það voru sannarlega til öfgamenn meðal Ísraelsmanna, ég þarf hvorki Sigurð né Jónatan til að upplýsa mig um það, en ekki tel ég Ben Gurion meðal hryðjuverkamanna; Sigurður mætti líta annars vegar á hlut Arabaleiðtoga í Landinu helga að því að fylla Palestínumenn ótta við þá ísraelsku, og hins vegar mætti hann skoða hliðstæðuna við slíkan fjöldaflótta: það sem átti sér stað við innrás nazista í Belgíu og Frakkland: allir undankomuvegir voru fullir af flóttamönnum, og þetta spillti í sjálfu sér fyrir vörn landanna.

En þrátt fyrir hryðjuverk fárra um og fyrir 1948 er Ísrael og hefur verið lögmætt ríki.