Ragna var "myrt" árið 1955, en dó árið 2002 sem Radna Esther Isholm Vickers í Alabama

Nú er komið í ljós að Ragna Esther Sigurðardóttir, sem hvarf í Oregon á 6. áratug 20. aldar var alls ekki myrt af hrottafengnum eiginmanni eins og kjaftakerlingar, fjölmiðlar og auðtrúa lýður ætluðu. Með afburðalélega blaðamenn RÚV í fararbroddi löptu Íslendingar það upp, að vondur Kani, Emerson Lawrence Gavin hefði myrt íslenska konu sína.

Úlfaldi var gerður úr mýflugu, fjöður varð að hænu. Hænur nokkrar á Íslandi og í Vesturheimi hafa nú þróað hugaróra sína svo mikið að væntanleg er bók um „morðið" á Rögnu Esther Sigurðardóttur. Morð sem aldrei átti sér stað. Á Facebook-síðu hjálparkokka þess er ritar bókina er því haldið fram að Ragna hafi beðið aðra konu Emersons Gavins um að taka börn sín í fóstur árið 1955. Þetta er ómögulegt, þar sem börnin höfðu verið sett á barnaheimili árið 1951 og ættleitt af hjónunum Benson og Jeanne Allen árið 1953, samkvæmt dómsskjali frá því í september 1958, þegar þau Allen hjón reyndu að skila börnunum aftur til yfirvalda.

Ragna breytti um nafn eftir að hún neyddist til að ættleiða börn sín, hugsanlega vegna algjörrar afneitunar fjölskyldu hennar á Íslandi, sem segist hafa fengið bréf frá henni og að hún hafi ekki svarað fjölda bréfa þeirra.  

Eftir að Ragna Esther breytti nafni sínu giftist hún aftur og eignaðist tvö börn, sem nú eru búin heyra um ættingja sína á Íslandi, sem þau kunnu engin deili á. Nú eru því þrjú af fjórum börnum hennar á lífi.

Á þessu bloggi var búið að spá þessum málalyktum og hlaut ég miklar skammir fyrir hjá sumu fólki.

Já , það er ekki að spyrja af Gróu á Leiti eða afkomendum hennar á RÚV/Sjónvarpi í Efstaleiti.

 

Mikilvæg leit Lillý Valgerðar Oddsdóttur

Lillý Valgerður Oddsdóttir, sem hefur leyft mér að fylgjast með uppgötvunum sínum, á ein heiðurinn af því að ganga úr skugga um örlög Rögnu Estherar, og slær hún út ættfræðingum, einkaspæjurum, blaðamönnum, lögreglunni  í Oregon og jafnvel FBI. Meistari Columbo hefði ekki getað gert betur. Lilly gaf mér ekki upp nýtt nafn Rögnu Esther, en aðeins það ár sem hún dó, og það nægir til að finna örlög manna á einfaldan hátt á vefnum. Lilly Oddsdóttir á allan heiðurinn af að uppgötva örlög Rögnu, sem var myrt af hugarórum fólks á Íslandi. Blaðamannafélag Íslands ætti að veita henni verðlaun. Hún hefur hjálpað fjölskyldu Rögnu að skýra örlög hennar.

Ragna Esther andaðist árið 2002. Blessuð sé minning hennar, og jafnvel fyrrverandi mannsins hennar sem vændur var um meira en innistæða var fyrir. Hrotti og lítilmenni var hann örugglega, en enginn morðingi. Að halda öðru fram er hið alvarlegasta mál og sakasamlegt. Mættu Íslendingar læra sitt af hverju af þessu máli.

Mér skilst, að nú sé jafnvel að koma út bók um Rögnu Esther, þar sem því er haldið fram og neglt niður með 7 tommu saum, að Emerson Lawrence Gavin hafi verið morðingi Rögnu. Hvernig ætli slík bók muni seljast? Ætli bók sem gerir saklausan mann að morðingja fái sérstakan flokk á bókasöfnum. Kannski flokkast þetta sem "Glæpsamlegar sögur" ?

Áður var skrifað um þetta "dularfulla" mannskhvarf á þessu bloggi undir fyrirsögnunum:

Murder she wrote og Örlög í Oregon

Minningargrein um Rödnu (Rögnu) Esther Isholm Vickeres. Takið eftir því að hún fæddist í Nice í Frakklandi

Radna Esther Isholm Vickers

Published: Thursday, October 17, 2002 at 3:30 a.m.

Last Modified: Wednesday, October 16, 2002 at 11:00 p.m.

GOODWATER | Funeral service for Mrs. Radna Esther Isholm Vickers, age 75 of Goodwater, Alabama will be Friday, October 18, 2002 at 10:00 a.m. at Comer Memorial United Methodist Church in Alexander City. She will lie in state for one hour prior to the service. The Rev. Lynn Peters will officiate. Burial will follow at Hackneyville Cemetery. Visitation will be Thursday, October 17, 2002 from 5:00 to 7:00 p.m. at Radney Funeral Home.

Mrs. Vickers died October 14, 2002 at Druid City Regional Medical Center in Tuscaloosa, AL. She was born May 31, 1927 in Nice, France to John Isholm and Christiana Isholm. She worked as a caregiver and was a member of Comer Memorial United Methodist Church.

She is survived by her daughter, Lou Ann LeMaster and her husband Fred of Tuscaloosa, AL; son, Jack Vickers and his wife Patricia of Hackneyville, AL; five grandchildren, Kristianna LeMaster Gibbs and her husband Curtis, Heather LeMaster, Jonathan LeMaster all of Tuscaloosa and Kimberly Vickers of Greenville, AL.

Flowers or contributions may be made to Comer Memorial United Methodist Church, 103 Church Street Blvd., Alexander City, AL 35010.

Radney Funeral Home in Alexander City is in charge of the arrangements.

Athugasemdir

[Sigurður Hreiðar, 1.9.2012 kl. 11:11]

Ég vona að þú fyrirgefir, þó mér þyki þetta dálítið þunnt. Trúlegt að vísu en vantar alla tilraun til að renna stoðum undir þá tilgátu að Radna þessi Jónsdóttir Íshólm Vickers hafi í raun verið Ragna Esther Sigurðardóttir sem sögð var hafa horfið mun fyrr á öldinni. Kannski ekki auðvelt að koma því fyrir í einu bloggi, en mig vantar sem sagt meira kjöt á þessi bein.

[Vilhjálmur Örn Vilhjálmsson, 1.9.2012 kl. 11:31]

Þú getur alveg treyst því, en fyrir gamla Ameríkanahatara (ekki þig) er auðvitað erfitt að kyngja þessu málalokum. Auðvitað eru margir Isholm í Nice í Frakklandi og Kristjána hét reyndar móðir Rögnu. Hún vildi greinilega ekki mikið vita af föður sínum, sem hún breytti í Jón.

En hún Ragna Esther dó árið 2002 í suður í  Alabam og var aldregi myrt.

[Vilhjálmur Örn Vilhjálmsson, 1.9.2012 kl. 12:35]

14 tímum eftir að ég greindi frá þessu máli í gærkvöldi, var RÚV með frásögn um því, en ekki tókst RúV að segja rétt frá fyrri þróun málsins. Gróusögur og vangaveltur urðu aftur að sannleika.

RÚV = vonlaust dæmi.