The Damaskus Flotilla in Iceland

 

Hvar eru skipalestirnar til Damaskus? Hvar er allt réttláta fólkið sem voru bátsverjar á tyrknesku skipunum á leið til gæluverkefnisins Gaza?

Ég veit að slík skipalest kæmist ekki lengra en til Beirút, en þá væri hægt að mynda asnalest til Damaskus. Asnarnir gætu spurt einræðisherrann hvort hann er þjóðarmorðingi eða bara fjöldamorðingi og fengið að upplifa hina annáluðu gestrisni Assads, sem Íslendingar hafa ávallt notið góðs af.

Ætli Jóhanna Kristjónsdóttir sé með vorferðir til Sýrlands í ár, þar sem hreinir geta baðað í blóði barnanna í Homs? Ég finn ekki neitt á síðu hennar, en í boði er vetrarferð til Íran áður en vorið kemur þangað. Þar geta velmegunargamlingjar frá Íslandi sleikt fætur Amadinejads og kannski horft á nokkrar hengingar og kjarnorkusprengjur ætlaðar gyðingum. Kannski geta ríkir Íslendingar haldið uppi barni í Homs eins og þeir gera það í Jemen. Ég skil ekkert í illskeyttasta og gagnrýnasta Samfylkingarbloggaranum að skrifa ekki meira um þessar ævintýraferðir móður sinnar til ríkja örvinglaðra einræðisherra.

Í gær: Starfsmaður SÞ dreifir lygum á Tweet

Imba og barnamorðinginn sem átti að koma okkur í Öryggisráðið

Á teppasýningu, sem nýlega var haldin í Reykjavík, fann Þessi í gráa jakkasettinu sér þykkt teppi til að fljúga á til Gaza. Hann getur millilent í Homs og bjargað sumrinu á Sýrlandi. En líklega er hann bara búinn að sópa skítnum undir nýja íranska teppið sitt.

Athugasemdir

[Vilhjálmur Eyþórsson, 14.3.2012 kl. 23:03]

Þú gleymir ofur- vandlætaranum Illuga Jökulsyni, syni Jóhönnu. Hann var nýlega hjá Assad, en finnur þó enga glæpi verri en eitthvað sem þeir Davíð og Geir hafi gert eða ekki gert. Þögn þessa allra, allra indingeraðsta dissident landsins um Sýrland er harla merkileg. Hitt er svo annað mál að svonefndir „uppreisnarmenn“ í Sýrlandi eru að verulegu leyti súnniskir öfgamenn af svipaðri tegund og Talibanar og njóta því stuðnings Sauda og al-Qaida að því er margir segja. Yfirleitt er í gangi alveg yfirgengilegur barnaskapur varðandi þessa „vormenn Islams“.