Tvífarar biskupsframbjóðenda

Ég hef í engan áhuga á því hver verður biskup (ég er ekki einu sinni í þjóðkirkjunni). Þetta lið er allt á Passíusálmunum og í megaafneitun. Ég vona bara að það verði ekki Örn Bárður, sem ekki hefur lesið Biblíuna. Það er lágmarkskrafa fyrir biskup. Áhugi minn á biskupskjöri takmarkast af því að ég hef skemmt mér við að finna tvífara biskupsefnanna. Hér fáið þið afraksturinn.

Byrjum á reverend Erni Bárði. Írskur uppruni sumra Íslendinga hefur oft verið ræddur og er ekki laust við að Örn Bárður hafi litarhaft og skap frænda vorra í Írlandi. Það er óneitanlega svipur með honum og Father Jack í Donegal sem býður sig nú fram til Páfakjörs og notar vel þroskaðar fermingastúlkur og stuðning við Hamas til þess að auglýsa sig.

Ég get ekki gert að því, en í hvert skipti sem ég sé síra Sigurð Árna, þá er mér hugsað til fjöldamorða á kjúklingum. Hann Sigurður hefur lengi gert í því að líkjast kjúklingaslátraranum sem stofnaði KFC. Eitt sinn leitaði ég fornleifa í Öxará og þar kom síra Sigurður að og spurðist frétta. Þegar ég renndi í bæinn um kvöldið bauð ég konunni á KFC.

Sr. Þórhallur Heimisson er sannkallaður tískuprestur. Hann er svo Inn, að ef hann færi til Parísar væri hann spurður um sumartískuna og hausttískuna líka. En kemst hann í gegnum nálaraugað?

Séra Þórir Jökull, sem hitti Jesús í draumi og Kristur kallinn sagði honum að fara í guðfræði við HÍ eins og það væri ekki neitt annað betra að gera, er engum líkur. En Þórir er ekki ósvipaður Þorsteini frá Hamri og Sean Connery með skegg.

Kristján Valur er sérfræðingur í hostíum og endurgerðum fornhúsum. Hann er líkur glaða fótboltanum.

Biker Gunnar í MC Guðs Börn sýnir góða viðleitni til að gera þjóðkirkjuna að vélhjólagengi. Í nafni Föðurins, sonarins og Harley Davidssonar.

+

The Cardinal

Hér er mynd um kúl bikerprest

Upphandleggurinn á Gunnari biskupsefni. Það hljóp eitrun í krossinn en hún læknaði sig sjálf.

Mér var ungum kennt að vera ekkert að ræða útlit kvenna og ég ætla ekkert að breyta út af þeirri venju. Ef þið þekkið tvífara Agnesar og Sigríðar, þá er ykkur velkomið að setja þær í athugasemdir. En ég sel enn pólitískt rétthugsandi biskupabarbiedúkkur. Pantið hér

Næstum því uppseld og selur sig sjálf

Athugasemdir

[Jón Steinar Ragnarsson, 11.3.2012 kl. 07:02]

[hrafnafloki (IP-tala skráð) 11.3.2012 kl. 09:06]

Besta umfjöllun um biskupskjör sem ég hef lesið en hef því miður ekki kosningarétt.

[Jón Valur Jensson, 11.3.2012 kl. 14:39]

Hefur Örn Bárður ekki lesið Biblíuna?!

Og Þórir Jökull ER sonur Þorsteins frá Hamri; en þú vissir það nú líklega.

Annars er þetta nú léttmeti hjá þér, doktornum sjálfum. Jú, sumt ágætt sem slíkt, eins og þegar þú bauðst konunni á KFC!

[Kristján Sveinsson (IP-tala skráð) 11.3.2012 kl. 15:24]

Ja, hjálpi þér sá sem vanur er.

Ef ég mætti ráða yrði Þór með hamar, en ekki frá Hamri, biskup. Sá digri á Davidson er þó sá eini af dauðlegum biskupsefnum sem hugsanlega gæti framið kraftaverk. En af slíkum verk(j)um höfum við nú fengið nóg í bili frá forseta vorum og ríkisstjórn. Amen uppá það.

Lifðu vel.

K.

[Vignir (IP-tala skráð) 13.3.2012 kl. 23:28]

Þið hafið skrítinn húmör kæru Guðsmenn. Heift ykkar er furðuleg, eins og heiftin ein og sér gefi ykkur ánægju. Ég vona að þú lítir á þessa færslu og viðurkennir að hún er í allra, allra besta falli ósmekkleg. En ef ekki.. mér er eiginlega alveg sama.

vignir