3,75 gr. á mann

Maður dáist af elju kínverskra yfirvalda við að koma sér í mjúkinn hjá Íslendingum. Þeir eru með stærsta sendiráðið og gefa okkur nú 3,75 grömm af kínversku á mann.

Nubo litli er enn að betla og Mogginn gerir bara grín að öllu saman með því að sýna lesendum sínum að grasið er grænt í Kína vegna þess að maður litar það.

Ég skil ekkert þennan áhuga Kínverja á Íslandi og vildi óska þess að Kínverjar efldu mannréttindi í sínu eigin landi og Núbó gæfi aftur það sem hann hefur stolið frá sínum eigin landsmönnum. 

Konfúsíusarstofnunin Norðurljós ætlar sér að selja kennslubókina í kínversku gegn vægu verði. Það er óásættanlegt og bið ég hér með stofnunina vinsamlegast um að senda mér kennslubók í kínversku án kostnaðar, því þetta er gjöf til Íslendinga frá Kína.

Kungfutse sagði "Gefin bók er ekki seld". Sendið mér því bókina, eða 3,75 gr. af henni ef eftirspurnin verður mikil.

1,2 tonn af kínverskum bókum

Athugasemdir

[Hrólfur Þ Hraundal, 26.1.2012 kl. 20:59]

1,2 tonn af bókum.  Við hljótum að verða mjög vitur þegar þeim lestri líkur. 

Enn hefur annars einhver athugað hvort það er skrifað á allar blaðsíðurnar. Það skiptir nefnilega máli því að það kostar að taka á móti 1,2 tonnum og varðveita þau.

Kínversk framleiðsla hefur hingað til ekki þótt mjög traust þannig að það er spurning hvort við skattborgarar nennum að borga hús og gæslu fyrir svona dót.

Hverjir eiga svo að fá kaup fyrir að lesa þetta andskotans bull.

[Vilhjálmur Örn Vilhjálmsson, 26.1.2012 kl. 21:11]

Hrólfur, þetta ku vera kennslubækur í kínversku, skrifaðar af Íslendingum. Mig langar að læra meiri kínversku, þó það verði ekki nema 3,75 gr. Stundum væri gott að geta svarað leiðinlegum mönnum eins og Núbó á móðurmáli hans.

[Hrólfur Þ Hraundal, 26.1.2012 kl. 22:29]

Gott hjá þér og þarft.  Ég er of gamall í þetta. En eitt tonn af kínversku viti og mitt er innan við tvö kíló, maður bara klórar sér utan á því.

[Helga Kristjánsdóttir, 27.1.2012 kl. 03:06]

Nei Hrólfur þitt er nokkur kíló.