Vissi Hæstiréttur betur en Bobby Fischer ?

Hæstaréttardómararnir Ingibjörg Benediktsdóttir, Markús Sigurbjörnsson og Páll Hreinsson dæmdu í erfðamálinu eftir Bobby Fischer þ. 8.4.2011 eftir að dómur hafði gegnið Myiako Watai í vil í Héraðsdómi og Targ-bræður, frændur Fischers, höfðu kært þá niðurstöðu. Dóminn er hægt að lesa hér.

Hér fyrir ofan er hins vegar hægt að lesa kafla úr viðtali sem rússnesk útvarpsstöð átti við Fischer þann 15. maí 2005, tæpum 8 mánuðum eftir að hann á að hafa gengið í hjónaband. Upplýsingar um þetta viðtal má einnig finna hér. Eins og sjá má á þessum orðum Fischer er greinilegt að Hæstiréttur telur sig hafa betri vissu um hvað Fischer gerði en hann gerði sjálfur.

Að mínu mati er dómur Hæstaréttar í þessu máli íslensku dómskerfi til háborinnar skammar.

Lesið einnig færslu mína frá því í gær, þar sem ég sýni fram á að eina vitnið sem kallað var fyrir í málinu, John Bosnitch, var tvísaga. Framburður hans í héraðsdómi var ekki í samræmi við það sem hann hafði sagt annars staðar.

Er virkilega hægt að dæma konu, sem Fischer taldi alls ekki konu sína, arf? Eru íslensk lög svo framúrstefnuleg, eða er þetta afleiðing kvenrembunnar sem farin er að tröllríða öllu á Íslandi og sem sýnir sig m.a. í því að konur hafa alltaf rétt fyrir sér og forgang í öllu?

Hvar voru íslenskir fjölmiðlar eiginlega í þessu máli?

Athugasemdir

[Guðlaugur Hermannsson, 10.1.2012 kl. 12:01]

Hann taldi hana ekki konu sína en hún virðist nú samt hafa verið konan hans lagalega séð. Vilhjálmur! Það skiptir máli í réttarsölum en ekki hvað málsaðila fannst um gjörninginn.

[Vilhjálmur Örn Vilhjálmsson, 10.1.2012 kl. 12:26]

Það er nú spurningin, Guðlaugur. Ekki vildi ég verða pússaður saman við konu svona post mortem. Þess vegna er ég vel kvæntur og er með pappíra upp á það og afrit af þeim. Reyndar talaði og skrifaði Fischer um Jinky Ong litlu á Filippseyjum sem dóttur sína, sem í raun var ekki dóttir hans, og hann keypti fyrir móður hennar hús.

Eins og þar kemur fram í dómnum er miðað við að Miyoko Watai hafi lánast að sýna að til fullgilds hjúskapar hafi verið stofnað milli hennar og Roberts James að japönskum lögum með þeim hætti sem lýst er í dóminum. Þetta virðist þó eitthvað hafa verið málum blandið í huga Bobby Fischers.

Hann kom ekki fyrir réttin enda fjarri góðu gamni, en John Bosnitch er kallaður til sem eina sannleiksvitnið og lýgur að réttinum, ef hann hefur þá ekki logið í útvarpinu í Ástralíu árið 2005.

Japönsku pappírarnir eru heldur einskis virði nema greinilega á Íslandi og láttu mig endileg vita hvað er lagaleg sönnun þess að Bobby hafi verið kvæntur Watai.

[Guðlaugur Hermannsson, 10.1.2012 kl. 12:40]

Ég ætla ekki að fara að verja Hæstarétt Íslendinga hér. En það sem ég tel að Hæstiréttur hafi haft í huga varðandi málsgögnin (þrátt fyrir efasemdir þínar um gildi japönsku pappíranna) að þeir væru gildir. Það hlýtur að vera í verkahring lögfræðinga verjanda/sækjanda um að sanna að þeir væru löglegir eða falsaðir. Þar sem það augljóslega hefur ekki verið sannað að þeir væru ógildir þá er það skilda Hæstaréttar að dæma "eiginkonunni" í vil og leyfa henni að njóta vafans.

Ég efast ekki um að þú sért vel kvæntur og papírar þínir séu fullgildir en skildi Hæstiréttur Timbuktu samþykkja þá sem gilda pappíra? Ef þú vilt að ég svari þessu þá er savr mitt já.

Hvort Fischer hafi litið á hjónabandið sem gilt eða ógilt hjónaband er aukaatriði í þessu. Konan hans giftist honum til að hjálpa honum en ekki til að hagnast á því. Arfurinn er bara bónus á hennar framlag til að bæta lífshamingju hans og velferð.

[Vilhjálmur Örn Vilhjálmsson, 10.1.2012 kl. 13:21]

Guðlaugur, ertu lögfræðingur?

Hér sérðu hvernig það kom til að þau "giftust"

Hér efst yfirlýsing sem skrifuð var að John Bosnitch yfir Watai:

http://www.smh.com.au/articles/2004/08/19/1092889287649.html?oneclick=true

http://www.scotsman.com/news/international/shock_for_fischer_s_fianc_233_e_1_548994

Fische lét þetta eftir sér hafa árið 1962:

"They're all weak, all women. They're stupid compared to men. They shouldn't play chess, you know. They're like beginners. They lose every single game against a man. There isn't a woman player in the world I can't give knight-odds to and still beat." 1962, Harper's Magazine

Mér sýnist á öllu að Frú Watai hafi mátað hann Fischer sinn.

[Guðlaugur Hermannsson, 10.1.2012 kl. 14:40]

Sumir kvennfyrirlitningarmenn þroskast með aldrinum og giftast þó svo að það væri ekki til annars en að bjarga sér út úr fangelsi. Það eitt er nægjanlegt til að Hæstiréttur viðurkenndi rétt hennar til arfsins eftir eiginmanninn þó svo að forsendur giftingarinnar væru ekki almenns eðlis.

Ég er ekki lögfræðingur.

[Sigurður Þór Guðjónsson, 10.1.2012 kl. 19:47]

Konan er betur að arfinum kominn en þessir frændur Fischers. Það er mér nóg. Gyðingahatur og kvenhatur er auðvitað andstyggilegt en ég held að sé varla hægt annað að líta til þess að það var einhver geðbrestur eða geðveila í Fischer sem lét hann láta eins og hann lét.

[Bergur Ísleifsson (IP-tala skráð) 10.1.2012 kl. 23:09]

Alveg hjartanlega sammála Guðlaugi og skil ekki hvað þú ert að æsa þig yfir þessum arfi eða dóminum varðandi hann Vilhjálmur. Dálítð barnalegt upphlaup hjá þér.

Ég myndi frekar vilja vita hvernig Fischer fór að því að eiga alla þessa peninga, landflótta maðurinn sem hélt því m.a. fram að öllu hefði verið stolið frá sér. Ég veit ekki til að hafi gert neitt til tekjuöflunar eftir Heimsmeistaraeinvígið 1972 nema tefla þetta eina einvígi við Spasskí í ... var það ekki í Jógóslavíu? Varla hefur þessi tæpi hálfi milljarður verið eftir síðan þá?

Eða fór hann bara svona rosalega vel með?

[Vilhjálmur Örn Vilhjálmsson, 11.1.2012 kl. 08:21]

Jamm, gamla góða sagan endurtekur sig. Íslendingar vita alltaf best. Orð heimsmeistarans, sem var verið að draga til Íslands og gera hann að Heiðursíslendingi eru höfð að engu. Íslendingar vita best og eru bestir við konur, þ.e.a.s. japanskar konur.

Eigum við ekki að fara að lögum? Á það að líðast að serbnesk-kandískur öfgamaður fái að ljúga í réttarsal á Íslandi? Þetta sýnir hvernig öll alvarleg mál enda á Íslandi næstu árum.

Sigurður, þótt Fischer hafi verið veikur að geði, gefur það enga ástæðu til að hunsa lög og senda peningana hans til konunnar sem hélt úti fyrir hann rasistasíðu í Japan.

Hefði hálfbróðir hans, Peter Nemenei verið á lífi, hefði hann átt að erfa. Til hvers eru erfðalög.

Menn leggja peninga af arfi inn á bók fyrir mann í Alaska, sem var sonur íslenskrar konu. En japönsk kona, sem sýndi Fischer umhyggju sína með því að senda honum of lítil föt og sokka og ganga 5 metra á eftir honum í Reykjavík, fær arfinn, vegna þess að hún gaf út yfirlýsinu um að hún ætlaði að giftast honum árið 2004. Fischer neitaði því alfarið að hún væri konan hans og að þau hefði gifst. Hann skrifaði hins vegar að Jinky Ong væri dóttir sín og gaf móður hennar hús, það svarar spurningu þinni Bergur. Hann var líklega nískur og sparsamur en hann gaf þeim sem hann elskaði, þeim sem hann lét ljósmynda sig með í rúminu.

Héraðsdómur lagði áherslu á að láta ekki skrif og umfjöllun fjölmiðla hafa áhrif á niðurstöður sínar. Mér sýnist rétturinn hafi ekki gert neitt annað.

Egill Helgason tjáði sig oft um Fischer

Egill Helgason sagðist oft hafa séð Fischer og Miyoko saman á gönguför, og trúðr því ekki að ættingjar hans í Bandaríkjunum hafi kært sig mikið um hann.

Ekki held ég að þetta sé rétt hjá Agli. Bróðir Fischers, Peter (Björn) Nemenyi, sem dáinn er fyrir nokkrum árum, var að minnsta kosti í góðu sambandi við Bobby Fischer. Faðir þeirra beggja, Paul, greiddi meðlög og kvartaði til yfirvalda yfir því hvernig móðir Bobbys ól hann upp. Fischer var líka í sambandi við systur sína. Fisher talaði ekki um Watai sem konu sína en Jinky kallaði hann dóttur sína. Íslendingar vita betur, þess vegna hrundi nú allt!