RÚV og kosningarnar í Danmörku

Kosningum í Danmörku er lokið á lýðræðislegan hátt, Dönum til mikils sóma, og ný ríkisstjórn er brátt við völd. Menn kusu gömlu stjórnina í burtu meira vegna þreytu en málefna, en víst er að nýja ríkisstjórnin mun ekki stjórna Danmörku eftir óskum sínum eða loforðum. Skattabyrðin mun aukast til muna vegna loforða sigurveraranna og ESB er að sökkva dýpra í fúlan pytt. Danmörk stjórnast vitanlega af því sem gerist í ESB og með evruna ástkæru. Helle Thorning-Schmidt mun því ekki eiga sjö dagana sæla við stjórnvölin í Danaveldi, en hún er meira þekkt fyrir að spara sína eigin reikninga á kostnað fjöldans. Hún er jafnaðarmanneskja

Fréttaflutningur RÚV af kosningunum hefur verið misjafn. Viðtal við Svavar "Icesave" Gestsson um stjórnmál í Danmörku um daginn var til fyrirmyndar og gaf Svavar sanngjarna mynd og rétta af því sem er að gerast í Danmörku. En fréttastofa RÚV er alls ekki með á nótunum, eins og oft áður.

Fréttamaður Ríkisútvarpsins, Þorvaldur Friðriksson, fjallaði í gær um kosningarnar í Danmörku og talaði við einhvern Kristján Sigurjónsson sem starfar í Kaupmannahöfn. Hver Kristján er, var hvergi upplýst í fréttinni. En það hefði kannski verið áhugavert að vita. Hann er Íslendingur, sem búið hefur 7 ár í Danmörku og rekur þar fyrirtæki sem sérhæfir sig í ráðgjöf fyrir fyrirtæki og viðskiptastjórnum í Kaupmannahöfn. Það gerir menn nú ekki endilega að sérfræðingum í dönskum stjórnmálum, enda auglýsir Kristján hvergi að hann sé slíkur sérfræðingur. Þorvaldur hafði, að því er Kristján upplýsir, fengið nafn Kristjáns hjá öðrum manni á fréttastofunni og þannig var fundið álit Íslendings á kosningunum í Danmörku. Þetta eru greinilega mjög fagleg vinnubrögð!

Spurningin er, hvor Þorvaldur Friðriksson hafi yfirleitt sjálfur miklar forsendur til að fjalla um kosningar í Danmörku. En það sem hann kom m.a. að, var að Dansk Folkeparti, stuðningsflokkur fráfarandi ríkisstjórnar, „æli á útlendingaandúð", þannig að halda mátti að kosningarnar hefðu fjallað um okkur útlendingana. 

Vera kann, að þessi hataði flokkur í Danmörku geymi einhverja útlendingaandúð. En hana er svo sannarlega líka hægt að finna meðal manna úr öðrum dönskum flokkum, t.d. Socialdemokratiet. Verstu kynþáttahatarar sem ég hef hitt fyrir í Danmörku voru hreinræktaðir kratar.

En útlendingahatur í Danmörku er því miður í dag að mestu leyti skapað af öfgafullum múslímum sjálfum. Þegar menn eru skotnir á götum úti í uppgjöri múslímskra glæpagenga, þegar múslímar eru fremstir í glæpastarfsemi í Danmörku, þegar múslímar boða að þeir vilji ekki kosningar og heimta Sharia, þá skapa fáir rotnir einstaklingar vandamál fyrir heildina og þurfa enga hjálp frá Dansk Folkeparti til að skapa þá útlendingaandúð sem vera kynni að sé í Danmörku, en sem ég tel að menn tali meira um í lýðskrumi en af þekkingu. Vonandi gerir „fréttamaður" RÚV sér grein fyrir því að heimurinn er ekki eins einfaldur og hann heldur.

Múslímarnir á myndinni hér að ofan reyndu í gær að fá aðra múslíma til að kjósa ekki í þingkosningunum í Danmörku. Þessir kjánar eru meðlimir í öfgasamtökunum Hizb ut-Tahrir, sem eru bönnuð í mörgum löndum ESB. Þessi samtök eru t.d. í opinberu stríði við gyðinga og hafa meðlimir þeirra í Danmörku verið dæmdir í fangelsi  fyrir að hvetja til þess að drepa gyðinga hvar sem þá er að finna. Gyðingar eru nú meðlimir í Dansk Folkeparti, og er einn frambjóðandi þeirra í Kaupmannahöfn Finn Rudaizky, sem áður var í krati. Ekki þekki ég hann sem útlendingahatara, en Þorvaldur Friðriksson hefur talað, og enn einu sinni hefur verið logið að þjóðinni á RÚV, sem gerir sig daglega sekt um lélega og áróðursgjarna fréttamennsku.

Maðurinn sem talar við öfgamúslímana er frambjóðandi Dansk Folkeparti. Dagblaðið Politiken, sem birti myndina, greindi frá konu sem vildi vita hvað þessir menn væru að boða fyrir utan kjörstað. Þeir sögðust vera þarna því þeir vildu Sharíalög í Danmörku. Þá svaraði hún "En það viljum við ekki". Það er nú einfaldlega skoðun flestra Dana. Telst það ekki til útlendingaandúðar, heldur til lýðræðisástar.

Athugasemdir

[Helga Kristjánsdóttir, 16.9.2011 kl. 09:50]

 Man eftir Kristjáni Sigurjínssyni á Ruv.fyrir nokkrum árum.

[Kristján Sveinsson (IP-tala skráð) 16.9.2011 kl. 10:06]

Hjartanlega til hamingju með nýju ríkisstjórnina sem þið fáið. Sérstaklega með að losna við Piu úr umönnunarhlutverkinu. Og með að fá Enhedslisten í valdastöðu. Skálaðu endilega að minnsta kosti þrisvar fyrir þessu. Er annars Frank Aaen ennþá á þinginu? Það verður fjör hjá ykkur, því spái ég.

Mínar bestu.

K.

[Vilhjálmur Örn Vilhjálmsson, 16.9.2011 kl. 14:16]

Kristján, margblessaður og velkominn heim úr Úsbekistunni.

Ég veit ekki hvort þessir gömlu jálkar fá að vera áfram á þingi  fyrir flokkum sínum. Enhedslisten, sem er samansull af alls kyns vinstriöfga- og ævintýramönnum leyfir víst ekki mönnum að sitja á þingi í meira en 10 ár. Mogens Lykketoft hjá krötum fær frí frá elliheimilinu og á kosningaspjöldum var búið að loftbursta hann og lita örlítið hárið á honum, til að selja betur vöruna. 

Fjörið held ég verði annars lítið. Þessi ríkisstjórn fæðist ekki með neitt fjöregg, og Helle Thorning-Schmidt Kinnoch er frekar nytlaus hæna. Ég held að flokkarnir í stjórn muni stunda rifrildi af miklu kappi og almenningur mun fljótt fá leið á henni, á óhóflegum sköttum og alls kyns rugli. Já, ég held að þetta fari bara að líkjast stjórnmálum ræflanna í ríkisstjórninni á Íslandi.

Ég segi bara eins og Óli: "Power to the people"