Ísraelsmaður vill kaupa Grímsstaði

Avi Frankenthal er á leið til Íslands. Avi er er heittrúaður gyðingur frá Ísrael, rabbíni, fjárfestir í Tel Aviv, New York og London, þar sem hann býr og lifir mjög látlausu lífi. Tilgangur ferðar hans til Íslands í næstu viku er að freista þess að yfirbjóða kínverska glaumgosann Huang Nubo við bændur og búalið á Hólsfjöllum. "Ég býð einfaldlega betur",segir Frankenthal við Associated Press, sem náði tali af honum tali í gærmorgun.

Frankenthal vill reisa hótel fyrir kosher-ferðamenn, svo þeir geti notið norðurljósanna, sem oft var ort um í ljóðum forfeðra hans á jiddísku. Frankenthal, sem leggur stund á fjárhirðu, hefur einnig í hyggju að reka stórt fjárbú á Fjöllum og fá leyfi til að reka þar sláturhús, þar sem hægt verður að stund schechita, slátrun gyðinga. Hann rómar íslenskt lambakjöt, sem slátrað var fyrir hann á laun í fyrra. Hann hefur í hyggju að græða upp allt örfoka land á Fjöllum og hefur til liðs við sig vísindamenn frá Negev eyðimörkinni sem segja, að það sé auðveldara að græða upp kalda eyðimörk en heita. Avi Frankenthal hyggst einnig reisa rannsóknarstofu á norðurljósum á Grímsstöðum á fjöllum. Norðurljósin hafa alltaf heillað hann síðan amma hans sem fæddist í Síberíu sagði honum ævintýri um norðurljósin Or Hazofon und die Kinderlach. Frankenthal vill líka reisa alþjóðlegan háskóla á Grímsstöðum og samkunduhús gyðinga.

Avi Frankenthal þarf engin leyfi frá Ísrael til kaupanna, segist hafa leitað lengi eftir hentugum stað fyrir hótel sitt sem mun hafa 123 herbergi. Talan er táknræn og fengin úr hinum fornu dulspeki Kabbala. Allir verði þar velkomnir, ekki bara forríkir Kínverjar og Bandaríkjamenn.  

Avi Frankenthal, hlakkar til heimssóknar sinnar, og eins og hann segir við Jerusalem Post, þá er enginn falin pólitísk áform með tilboði hans. Hann er ekki síonisti. Hann segir að fyrirhuguð kaup sín séu ekki liður í síonistískum áformum um að ná völdum á Norðurpólnum áður en hann bráðnar. Hann leynir því þó ekki að hann hefur huga á því að flytja hluta af pólnum til Ísrael  til að leysa vatnsskort Palestínumanna og Ísraels. Vatn telur hann að sé besta lausnin á vandanum við botn Miðjarðarhafs.  "Það slekkur elda og svalar þorsta", segir Frankenthal.

Sendiherra Íslands í  Lundnúnum, Benedikt Jónsson, segir það af og frá að Avi Frankethal sé á þeirra vegum og telur það ófært að hann gerist talsmaður Avi Frankenthals á blaðamannafundi nk. mánudag, eins og Rabbi Frankenthal hefur farið fram á. Þess má þó geta að sendiherra Íslands í Kína, Kristín Aðalbjörg Árnadóttir trauð upp fyrir Huang Nubo í Peking í gær.

 

                                                       Ruben Aschmaticus 

Ruben Aschmaticus, talsmaður, Avis segir að Frankenthal hafi reyndar nokkuð slæma reynslu af íslenskum útrásavíkingum, en erfi ekkert neitt við Íslendinga. Hann varaði þegar árið 2004 við að fjárfesta í íslenskum bönkum í jiddiska blaðinu Dos Wort. Áður en Avi stekkur á stað til bænahalds segir hann: „Hashem (Guð) hefur birst mér og sagt að Ísland sé land möguleikanna og hreinleikans og þjóðin sé með hlutverk á meðal þjóðanna -  ég vona að ég fái að fjárfesta á Íslandi".

Þeir sem vilja sýna stuðning sinn við áform Avi Frankenthals, eða vilja fá frekari upplýsingar, geta haft samband við talsmann hans hér.

Athugasemdir

[Rafn Haraldur Sigurðsson (IP-tala skráð) 3.9.2011 kl. 13:29]

Mér sýnist nú vera ýmislegt í ískápnum hjá honum Ruben Aschmaticus talsmanni hans Avi Frankenthals.

[Rauða Ljónið, 3.9.2011 kl. 15:24]

    Villi tekur ekki of há umboðalaun ?

[Ragnhildur Kolka, 4.9.2011 kl. 08:55]

Og svo getur Avi Frankenthal komið með ógrynni af "real live" mótmælendum sem er meira en Kínverjar geta boðið upp á eftir að hafa ýmist hneppt þá alla í fangelsi eða tekið af lífi.

[Þorvaldur Guðmundsson, 4.9.2011 kl. 09:18]

Svo er hafa líka íbúar á plánetunni Zenetíum áhuga.

[Hörður Þórðarson, 4.9.2011 kl. 09:44]

Mega íslendingar kaupa land í Ísrael? Ef svo er, þá finnst mér meira en sjálfsagt að ísraelsmaður megi kaupi land á Íslandi. Ef ekki, þá finnst mér það út í hött.

[Sófisti (IP-tala skráð) 4.9.2011 kl. 19:14]

Væri rétt með farið yrði ég dyggur stuðningsmaður slíkra áforma, og myndi glaður leggja fram ótakmarkaða sjálfboðavinnu til verksins, þ.m.t. að negla í gott samkunduhús uppi á öræfum. Óskandi óskandi óskandi að reistir yrði slík menningarbyggð þarna uppeftir.

[Jón Valur Jensson, 4.9.2011 kl. 20:46]

Bráðfyndinn og skemmtilegur pistill, dr. Archaeologus!

[Sigurður Þór Guðjónsson, 5.9.2011 kl. 00:38]

Líst vel á þetta. Hólsfjöllin eru fyrirheitna landið!