Leita í fréttum mbl.is

Jón Baldvin leggst lágt er hann lýgur um mig á bloggi sínu

d_billeder_ruth_rubin

 

Jón Baldvin Hannibalsson, fyrrverandi utanríkisráðherra, leggst afar lágt og fer með staðlausa stafi um mig á bloggi sínu í dag (sjá einni hér). Færsla Jóns Baldvins er niðrandi og full af lygum og dylgjum. Hann vitnar í bloggfærslu mína, sem skrifuð var 22. ágúst sl. og heldur því fram að hún hafi verið skrifuð í tilefni af því að hann sleppti sér gjörsamlega út af Ísrael í útvarpsþættinum Á Sprengisandi á Bylgjunni, þar sem hann m.a. líkti Ísraelsríki við Þýskalands nasismans. Að því tilefni get ég get aðeins mælt með því að Jón láti athuga það hjá sérfræðingi, hvort hann sé komin með Alzheimersjúkdóminn, eða fái sér dagbók eða eitthvað álíka verkfæri til að hafa reiðu á því sem gerir, segir og hugsar, því það virðist allt vera í miklum ruglingi. Hvernig á ég að hafa getað skrifað þann 22. ágúst 2011 um útvarpsþátt, sem ekki var sendur út fyrr en 28. águst 2011? Skýrðu það vinsamlegast, Jón Baldvin Hannibalsson!

JBH

Jón Baldvin lýgur því einfaldlega líka, að ég hafi skrifað um grein Asks nokkurs Alas, sem er sonur fyrrv. sendiherra Eista á Íslandi, Arvo Jürgen Alas. Ég hef hvergi skrifað um grein Asks Alsas í vikublaðinu Eesti Ekspress, þó Jón Baldvin haldi því ranglega fram og sömuleiðis Aksur Alas sjálfur í grein á ensku, sem Jón birtir á bloggi sínu og sem Alas setti 1.september sem athugasemd við bloggfærslu mína frá 22. ágúst. 

Í blogggrein minni þann 22. águst um hetjur Eistlands, greindi ég frá grein Hans Luiks eiganda blaðsins Eesti Ekspress. Hana skrifaði ég athugasemd við á vefsíðu Eesti Ekspress. Ég hef hins vegar alls ekki lesið grein Asks Alas, eins og hann og Jón Baldvin gera sér, en birti úr henni eins konar helgimynd af Jóni Baldvin. Teiknimyndina af Jóni birti ég til að bera hana saman við aðra teikningu eftir sama teiknara, og til að sýna hve mikið hatur menn leggja á mann eins og Dr. Efraim Zuroff, forstöðumanni Simon Wiesenthal stofnunarinnar í Jerúsalem, sem hefur gert það að lífsstarfi sínu að leita uppi stríðsglæpamenn, þar á meðal í Eistlandi, þar sem honum hefur nú ekki verið þakkað það starf. Askur Alas getur kannski gefið okkur nokkur dæmi um allar þær svívirðingar sem birst hafa í eistneskum fjölmiðlum um þá sem vildu draga morðingja gyðinga fyrir réttvísina.

Sem sagt, Jón Baldvin Hannibalsson, íslenska þjóðarhetjan í Eistlandi, lýgur því að ég hafi skrifað grein um hann 22. ágúst sem voru viðbrögð við útvarpsviðtali við hann sem ekki var útvarpað fyrr en tæpri viku síðar. Hann fær til liðs við sig ungan blaðamann á Eesti Ekspress, sem er sagður skilja íslensku, en er þó greinilega ekki betur að sér svo, að hann heldur að ég hafi skrifað athugsemd um sig á bloggi mínu þann 22. ágúst sl. Hann kann ef til vill aðeins að lesa á milli línanna á íslensku. Hann hefur ekki lesið færslu mína til gagns, sem fjallaði á engan hátt um hann persónulega, grein hans, eða útvarpshátt, þar sem Jón Baldvin ærðist í hatri sínu á Ísrael.

Lesendur góðir, þið hafið nú nú öll séð hvernig íslenska hetjan í baltnesku ríkjunum hatar Ísrael. Það kemur ekki á óvart. Margir flokkfélagar hans á Íslandi gera það líka. Fölsun atburðarrásar og tilvitnanna í mig eru "baltnesku" hetjunni til mikils vansa en hatur hans á Ísrael og gyðingum mun verða tekið eftir.

Hvað varðar sígildar ásakinir Asks Alas um að gyðingar hafi verið kommúnistar, sem notað er af sumum sem réttlæting á því að gyðingar voru myrtir af "frelsishetjum Eista, ætla ég ekki að neita því að gyðingar geta líka gert skyssur. En eftir stendur að eistneskar frelsishetjur byrjuðu að myrða saklausa gyðinga lands síns áður en herir Þýskalands sáust þar. Frá því verður ekki komist. Að tala um það, eru ekki árásir á Eistnesku þjóðina. Ef eistneska þjóðin tekur það þannig, er eitthvað í miklu ólagi hjá eistnesku þjóðinni.

Tökum svo dæmi um fólskulega heimildafölsun Asks Alas. Hann skrifar:" But most disappointing about Mr Vilhjálmssons story are his false claims about Estonia. He writes that Estonians killed most of Jewish people already before German occupation in 1941. This is not true." Ég hef aldrei skrifað það sem Alas segir að ég hafi skrifað. Ég skrifaði : "Eistnesk lögregla hindraði t.d  mótmæli gegn hægriöfgahópum sem minntust SS-liða, og í Viljandi héldu vinir SS mjög viljandi upp á innrás Þjóðverja, sem myrtu þá gyðinga sem Evald Mikson og félagar hans í pólitísku Lögreglunni í Tallin tókst ekki að ræna og myrða fyrir innrás Þjóðverja. 99.3% gyðinga Eistlands voru myrtar í HelförinniSvo hvaðan Alas fær þessa setningu sem ég á að hafa skrifað væri áhugavert að vita. Er Jón Baldvin að mata hann á röngum upplýsingum, eða kann Alas í raun ekki nægilega íslensku? 

Sannleikurinn er greinilega erfiður fyrir hetjuna Jón Baldvin og skósvein hans, Ask Alas, sem átti föður sem tók sem sendiherra Eistland á Íslandi beinan þátt í því að seinka málaferlum gegn Eðvaldi Hinrikssyni. Það viðurkenndi hann í símaviðtali sem ég átti við hann (Arvo Alas). Staðlausar ásakanir Jóns Baldvins og Asks Alas um að ég "hafi hrakmælt Eistnesku þjóðinni", sýnir hvað þetta eru miklar hetjur. Það hef ég hvergi gert. Ég furða mig einfaldlega á því, eins og margir aðrir um heim allan, að lýðræðisríki og ESB-ríki leyfi göngur SS-liða og stuðningsmanna þeirra, sem og aðrar öfgar sem hefur í för með sér grófa og miskunnlausa vanvirðingu á minningu þeirra gyðinga sem myrtir voru í Baltnesku ríkjunum.

Bendi ég lesendum mínum að lesa um erfiðleika Eystrasaltsríkjanna þriggja að höndla sögu sína, með því að heimsækja www.defendinghistory.com, vefsíðu sem Dr. Dovid Katz heldur úti. Dovid Katz missti prófessorsstöðu sína í Litháen fyrir að halda henni úti. Hugsið ykkur, einn fremsti sérfræðingur heims í jiddísku við háskólann í Vilnius var bolað úr háskólanum árið 2010 vegna þess að hann leyfir sér að skrifa sannleikann á heimsíðu í frístundum sínum. Það er mikið að í Eystrasaltsríkjunum.

Myndin efst sýnir Ruth Rubin. Eðvald Hinriksson, sem líklegast flokkast nú af sumum sem frelsishetja í Eistlandi, var ásakaður um morðið á henni. Áður en hún var myrt, var henni nauðgað, af mönnum sem lengi voru taldir frelsishetjur í Eistlandi. Stuðningsmenn SS og gamlir SS-liðar þramma enn um götur borga í Eistlandi.


« Síðasta færsla | Næsta færsla »

Athugasemdir

1 identicon

Hmm... me thinks Mr. Hannibalsson may suffering from acute symptoms of Garden-Gnome Syndrome. Not surprisingly, really, since people on the left in politics appear to be particularly vulnerable to this dread disease.  Kvedja ur Vesturheimi.

P.S.  Er en ad lesa "We wept without Tears" par sem petta er svo hrikaleg frasogn ad madur getur hreinlega lesid bara nokkrar sidur i einu adur en eg verd ad taka hle.

Jakob Valsson (IP-tala skráð) 1.9.2011 kl. 23:14

2 Smámynd: Jón Valur Jensson

Ég hélt að það vissu það allir, að það er ekki hægt að taka mark á nema öðru hverju orði sem frá JBH kemur, fimmta hverju reyndar, þegar hann færir Ísrael í tal.

Jón Valur Jensson, 1.9.2011 kl. 23:48

3 Smámynd: Vilhjálmur Örn Vilhjálmsson

Þakka ykkur fyrir innlitið, Guðs menn. Mig langar að upplýs ykkur og aðra, að ég setti stutta kveðjur á blogg Jóns Baldvins í gær, þar sem hlekkur var í þetta svar til hans. Hann hefur ekki birt það.

Síðar í dag fylgir ensk þýðing á svari mínu. Umheimurinn hefur heimtingu á að vita hvers konar menn hafa stjórnað Íslandi á síðari árum.

Vilhjálmur Örn Vilhjálmsson, 2.9.2011 kl. 07:51

4 identicon

Ég les svo mikið hatur og svo mikla biturð í blogginu hjá þér og Jóni Val, ætla að taka mig til í kvöld og biðja fyrir ykkur.

Helgi Rúnar Jónsson (IP-tala skráð) 2.9.2011 kl. 09:28

5 Smámynd: Vilhjálmur Örn Vilhjálmsson

Helgi Rúnar Jónsson, haltu þig þá frá bloggum okkar, ef þau eru svona hættusöm fyrir sálartetrið í þér og biddu heldur fyrir Jóni Baldvini.

Vilhjálmur Örn Vilhjálmsson, 2.9.2011 kl. 11:17

6 identicon

Mér sýnist sem svo að þér Vilhjálmur eigið við einhver sálræn vandamál að stríða. Ætla að segja þér eitt: mér var kennt ungum að Ísraelar væru fyrirmyndarfólk. Gáfaðasta fólk á jarðríki og að flestu leyti afar vel af guði gert. Ég trúi því enn. Enda þekki ég marga gyðinga og líkar sérstaklega vel við það fólk. En einsog JBH bendir á hafa þeir sem stýra landi gyðinga lækkað sína eigin þjóð, sitt eigið fólk, í tign með blindu hatri og voðaverkum sem erfitt er að fyrirgefa. En ef þú vilt læra að skilja og fyrirgefa þá hlustaðu á þessa ræðu RFK og láttu svo af hatri þínu og heift. Ef ekki fyrir þig þá alla í kringum þig. Aðeins þannig getum við lifað saman í sátt og samlyndi:

RFK:

http://www.youtube.com/watch?v=0_Vll-t0H6A

Glúmur Baldvinsson (IP-tala skráð) 5.9.2011 kl. 22:00

7 Smámynd: Jón Valur Jensson

Glúmur, þessi vefskrif Vilhjálms eru eitthvað, sem þú eða JBH ætti að rökræða til að reyna að sanna ykkar mál, en ekki svara svona út í loftið með stimplandi orðum um meint "hatur" Vilhjálms og með tilvísun í ræðu Roberts F. Kennedy um ofbeldi í Bandaríkjunum, en það er vitaskuld allt annar handleggur.

Jón Valur Jensson, 5.9.2011 kl. 23:18

8 identicon

Vefskrif Vilhjálms byggjast ekki á rökhugsun heldur hatri og heift og því getum við JBH seint farið að rökræða þau. Og ræða Bobby Kennedy, ef þú hlustar vel og gefur gaum, er um samfélag manna í heild. Ekki bara US. Hún fjallar um að útrýma hatri og að finna til með bræðrum og systrum. Hvar sem þau eru að finna.Hún fjallar um samkennd gegn hatri og heift. Við getum rökrætt án þess að hata, spjallað án þess að beita ofbeldi og skrifað án þess að meiða. GB

Glúmur Baldvinsson (IP-tala skráð) 5.9.2011 kl. 23:29

9 Smámynd: Jón Valur Jensson

Þú hefur enn ekki einu sinni byrjað á því, Glúmur, að rökstyðja, í hvaða atriðum "vefskrif Vilhjálms" byggist "ekki á rökhugsun heldur hatri og heift". Ertu að tala um þessa vefgrein eina eða almennt um skrif hans? Ég hef fylgzt vel með þeim og get borið þeim gagnstætt vitni. Dr. Vilhjálmur Örn er einmitt rökhugsunar-maður og byggir mjög á heimildum, eins og vísindamanni sæmir, og hefur vakið aðdáun mína fyrir hæfni sína og elju að grafa upp gamlar eða lítt kunnar heimildir, sem oft eru mjög óaðgengilegar í þokkabót. Þú gerir ekki lítið úr honum Vilhjálmi mínum með órökstuddum alhæfingum án þess að falla sjálfur í áliti hjá mér í staðinn.

Jón Valur Jensson, 6.9.2011 kl. 00:57

10 identicon

JBH (og sonur hans væntlega líka) mega fara að passa sig alvarlega ef þeir ætla að halda áfram að ferðast óáreittir til Evrópulanda eins og þeir hafa gert hingað til, ef þeir ætla að halda fast við þá skoðun sína að setja samasemmerki milli stefnu ísraelskra stjórnvalda og nazisma, því Evrópusambandið lítur á slíkt sem HATURSGLÆP, og eru þeir sem slíku halda fram nú ákærðir innan vébanda sambandsins.Hér koma nánari útskýringar á því (á ensku):

"Another positive sign is the work on antisemitism within European Community. The EU definition of antisemitism explicitly lables as antisemitism "drawing comparisons of contemporary Israeli policy to that of the Nazis". This is a definition of antisemitism that is now in use by law enforcement across europe. This makes the use of the analogy a hate crime. The inclusion of this point shows the huge gap between reality and propoganda as well as an acknolwedgement of the danger posed by those pushing this Israel = Nazism (or Zionism = Nazism) analogy" (heimild:zionismontheweb.org)

Björn Jónsson

Björn Jónsson (IP-tala skráð) 6.9.2011 kl. 10:22

11 Smámynd: Jón Valur Jensson

Gott að fá þetta frá þér, Björn!

Já, Glúmur er sonur Jóns Baldvins.

Jón Valur Jensson, 6.9.2011 kl. 15:54

12 Smámynd: Jón Valur Jensson

Og nú þurfa þeir feðgar að sýna það í verki, að þeir taki við línunni frá Brussel, a.m.k. ekki síður í þessu en ÖÐRU.

Jón Valur Jensson, 6.9.2011 kl. 15:56

13 identicon

Þetta sannar bara það eitt að þið tveir kumpánar eruð sæmilega að ykkur í ættfræði og engin ástæða til að efast um það. Einsog Davíð Oddsson sagði við Óla Grís eftir að hann hafði lesið upp eittthvað rugl úr blaði að það sannaði að Óli væri læs. En að ættfræði slepptri virðist þið gjörsamlega missa sjónar af punktinum. Ég sagði: ég lít upp til gyðinga. Ég hef ýmugust af nasistum og öðrum þeirra líkum. T.d. öfgafullum og hatursfullum múslímum eða kristnum mönnum. En því miður finnst mér og sýnist forystumenn gyðinga hafa tekið upp sið fyrrum kvalara sinna. Eða hvað finnst ykkur? Og því benti ég á ræðu RFK sem snýst í grundvallaratriðum um ást í stað haturs. Nú má vel vera að Vilhjálmur hati ekki JBH en skrif hans bera einhvern keim af því. So: hættum þessu rugli og berum virðingu hver fyrir öðrum og skoðunum hvers annars. Alrighty?

GB

Glúmur Baldvinsson (IP-tala skráð) 6.9.2011 kl. 22:07

14 Smámynd: Jón Valur Jensson

Hvaða brenglun er hér í gangi? Fyrirsögn greinarinnar er öll brengluð, sumir skáletraðir textar og undirskriftir manna!

Nei, Glúmur, Ísraelsmenn hafa ekki "tekið upp sið kvalara sinna". Nazistar gerðu umsátur um ghettóhverfi Gyðinga og tíndu þá síðan út þaðan til að senda þá í útrýmingarbúðir, "gösuðu" þá, þrátt fyrir að Gyðingar hafi ekki verið með neinar árásir á nazistana. Ísraelsmenn hafa heimild Sameinuðu þjóðanna til að koma í veg fyrir vopnaflutninga til Gaza og gera það, en þó að fjöldi skotflauga berist þaðan inn á ísraelskt landsvæði á hverjum degi, útrýma þeir ekki palestínskum íbúunum. Hliðstæðan við framferði nazista er ENGIN, Baldvinssonur!

"Nú má vel vera að Vilhjálmur hati ekki JBH en skrif hans bera einhvern keim af því," skrifarðu nú, getur ekki sannað fyrrgreinda haturs-öfullyrðingu þína, hrekkur þá frá henni, en vilt þó fara hálfa leið, bersýnilega í þeirri von, að þu þurfir ekki í það sinnið að sanna mál þitt! Kemur svo með eitthvert friðsemishjal og gagnkvæmrar virðingar!

Slappur, það ertu; til hamingju með ósigurinn!

Jón Valur Jensson, 7.9.2011 kl. 00:18

15 Smámynd: Jón Valur Jensson

Allt skáletur kemur hér brenglað út. Ergo birti ég tilvitnunina í Glúm aftur:

"Nú má vel vera að Vilhjálmur hati ekki JBH en skrif hans bera einhvern keim af því," skrifarðu nú ....

Jón Valur Jensson, 7.9.2011 kl. 00:20

16 identicon

Ósigur? :) Ósigur í hverju? Hver hefur sigrað mig? Er þetta spurning um sigur og ósigur? Þetta er bráðfyndið spjall hérna.

Bestu,

Glúmur

Glúmur Baldvinsson (IP-tala skráð) 7.9.2011 kl. 17:29

17 Smámynd: Jón Valur Jensson

Augljóst rakaleysi að baki fullyrðingum þínum lít ég á sem augljósan ósigur í viðleitni þessara skrifa þinna, en þú hefur kannski ekki svo háan standard, að það skipti þig neinu máli.

Jón Valur Jensson, 7.9.2011 kl. 17:46

18 identicon

Veistu það Jón Valur, að mér líður einsog ég sé aftur kominn í níu ára bekk að spjalla við þig. Lok, lok og læs og allt í stáli, loka fyrir Jóni Vali! :) Þú gerir mig ungan að nýju. Þetta er einsog (og þá tala ég á þínu leveli 9 ára)að tala við þroskaheftan fávita. Sem þér augljóslega eruð. Ég ráðlegg þér ef þú ert í raun níu ára að leita sálfræðings eða að fara að mæta í skólann. En þar sem þú lítur út fyrir á mynd að vera níræður þá legg ég fremur til að fáir þér ritara sem getur hugsað fyrir þig. Ég hef aldrei spjallað við meiri apaheila en yður.

Blessuð sé minning yðar.

GB

PS: Hvernig beitir maður rökum gegn fávitum?

Glúmur Baldvinsson (IP-tala skráð) 9.9.2011 kl. 19:37

19 identicon

Og nú máttu alls ekki misskilja mig Jón Valur. Ég hef ekkert á móti samkynheigðu fólki einsog þér og Vilhjálmi. Ég dáist af hugrekki ykkar beggja að koma útúr skápnum. Á marga samkynhneigða vini. En ég hvet þig til að viðurkenna vandamál þín sem eru annars eðlis. Til er hjálp og hví ekki að leita hjálpar þegar neyðin kallar :) ? Hlustaðu t.d. á Pál Óskar og Hannes Hólmstein og fleiri og fleiri ykkar líka:) Þú kemst yfir þetta allt saman ef þú réttir út hönd þína í átt til frelsis og viðurkennir galla þína með opnum hug. Og lest ræður Bobby Kennedy :)

Bestu,

GB

Glúmur Baldvinsson (IP-tala skráð) 9.9.2011 kl. 21:22

20 Smámynd: Jón Valur Jensson

Þú staðfestir það hér enn, Glúmur, að ekki er hár hjá þér standardinn -- nú í orðbragði þínu og kjánalegri rætni, sem gerir ekkert meira fyrir þig en að afhjúpa þig í augum lesenda. Taktu þig nú saman í andlitinu i fyrramálið og berðu fyrra innlegg þitt í kvöld saman við undanlengin innlegg mín, þá færðu tækifæri til að skoða þig í spegli. Kannski það hafi rokið í þig eitthvert kampavínið þarna um hálfáttaleytið, og svo reynirðu að krafsa yfir það með lúmskari hæðni á 10. tímanum, en engu breytir það í reynd: í hvoru tveggja innlegginu lýsirðu þig vanhæfan til að ræða mál á málefnalegum grunni og snýrð þér að því að níða persónu. Ekki tek ég þátt í slíkum leik með þér, og þér að segja er þetta ekki gæfulegt fyrir mann, sem kann að ganga með pólitíkusinn í maganum,

Jón Valur Jensson, 9.9.2011 kl. 22:32

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Vilhjálmur Örn Vilhjálmsson
Vilhjálmur Örn Vilhjálmsson

vilhjalmur@mailme.dk

Bækur

Kynning á nokkrum færslum, greinum og bókum PostDocs


Innskráning

Ath. Vinsamlegast kveikið á Javascript til að hefja innskráningu.

Hafðu samband