Klámkarl hinn XVI

 

Svíar, sem eru betur fer aðeins frændur sumra okkar, velta því nú mikið fyrir sér, hvor Kalli konungur þeirra hafi heimsótt klámbúllur og vændishús. Mér þykja þessi árans klámmál Kalla konungs vera dæmigerð fyrir þá tíma sem við lifum á. Síðustu daga heilagir á brotna vinstri vængnum og lostafullir femínistar eru orðnir að verstu siðavöndurum sögunnar. Þetta er mikið vandamál í Svíþjóð og í sænsku menningarnýlendunni á Íslandi. Eru allir orðnir svona illilega IKEAvæddir?

Hvað með það ef konungur Svía hefur farið á klámbúllu?  Fáum de saftiga bildorna- sem allra, allra fyrst. Er líbídó Svíakonungs mikið öðruvísi en þeirra sem í áraraðir hafa hafa haft klámstöðvar í sjónvarpinu sínu? Vita siðavandararnir hvað margir íslenskir karlar sitja nú fyrir framan tölvuna sína og horfa á bláar myndir og klám í einu eða öðru formi? Nýleg mál, t.d. í Svíaríki, sýna að það gera konur líka og sumar eru jafnvel á fullu í barnakláminu. Mikið er gott að slíkt fólk hafi ekki fæðst með blátt blóð í æðum.

Svíakonungur er bara venjulegur maður með frekar lélegan smekk (eins og margir Svíar). Hann er þekktur fyrir að ganga í gulum Armani-jakkafötum og hafa áhuga á hraðskreiðum bílum. Því fylgir oft áhugi á hraðskreiðum konum .... og lítið typpi. Það er ekkert verri áhugi og örlög fyrir karlmann en að sauma púða, sem var eitt af áhugamálum langafa Klámkarls XVI, Gústavs V. Þegar Gústav V saumaði ekki í, klappaði hann körlum (sem er nú óneitanlega kinký, þó það séu mannréttindi á Íslandi). Núverandi konungi Svía er það örugglega mikið kappsmál að verða ekki eins og langafi hans. Kannski er það þess vegna að hann hefur smekk fyrir léttklæddum konum í búllum? En kannski hefur hann engan áhuga á slíku, eins og hann sver og sárt við leggur. Sama er mér.

Länge leve kungen, den svenska porren, friheten till sälvbestemmandet, och Emil från Lönneberga!

Athugasemdir

[Ragnhildur Kolka, 1.6.2011 kl. 09:35]

Það er skítt að vera kóngur og fá ekki að skvetta úr klaufunum annað slagið.

Þessi sótthreinsun mannlegs eðlis er komin langt út fyrir öll "velsæmis" mörk.

[S.H. (IP-tala skráð) 1.6.2011 kl. 10:06]

Gustav V var langafi  núverandi Svíakonungs, ekki afi. Afi hans var Gustav VI Adolf en fadir hans "erfdaprins" Gustav Adolf sem fórst í flugslysi á Kastrupflugvelli 1947.

[Vilhjálmur Örn Vilhjálmsson, 1.6.2011 kl. 10:30]

Takk SH. Ég leiðrétti þetta strax. Þetta átti ég auðvitað að athuga áður en ég birti vitleysuna. Bið ég hér með  líka Carl Gustav XVI og aðra sænska lesendur velvirðingar á þessu.

[Vilhjálmur Eyþórsson, 1.6.2011 kl. 13:16]

Það heitir „bilderna“, ekki „bildorna“. Ég bjó í Svíþjóð í fjögur ár þegar Víetnamstríðið stóð sem hæst, en heilabúið í mér IKEA- væddist þó aldrei. Fleiri hafa verið í Svíþjóð án þess að frelsast, t.d. Baldur Hermannsson. Svíþjóð er í mínum huga eins og risastór fjárrétt, þar sem allar kindurnar jarma í kór og enginn þorir að hafa skoðun á neinu. Þeir eru eins og sauðahjörð.

En það gleymist stundum að forystusauðurinn í hjörðinni er líka sauður. Hann hefur ekkert fram yfir hina sauðina nema frekjuna. 

[Vilhjálmur Örn Vilhjálmsson, 1.6.2011 kl. 14:19]

Mikið rétt þetta með hjörðina. Þess vegna leyfi ég mér eins og frekur sauður án hjarðar að jarma, að skrifa bildorna, því það er fyrir löngu orðið löglegt "framburðarslang" á sænsku, meira segja þó ég hafi aldrei búið þar.