Skítmenni undir verndarvæng Þýskalands

Morðingi skálar

Tvöfeldni Þýskara (vá, það er lengi síðan ég hef notað orðið Þýskari, en það á við hér) er enn mikil. Stríðsglæpamaðurinn Søren Kam, morðhundur sem slapp undan réttvísinni eftir stríð, er nú verndaður af þýskum yfirvöldum. Hann sveik ættjörð sína fyrir Þýskaland nasismans og gerðist þýskari til að sleppa frá réttarhöldum í Danmörku.

Danir hafa reyndar ekki staðið sig sérstaklega vel í því að reyna að koma honum til réttra yfirvalda í Danmörku. Þeir gerðu fyrst átak í því í fyrra. En þegar Þýskarar höfðu upphaflega samband við Dani vegna máls Kams (fyrir 35 árum) og leituðu álits Dana á glæpum hans, reyndist áhuginn á honum afar takmarkaður í Danmörku. Danir vildu ekki láta minna sig á einn af þeim 6000 dönsku dáðardrengjum sem börðust fyrir Hitler í Waffen SS.

Stríðsglæpamaðurinn Werner Best, sem stýrði þýsku hersetunni í Danmörku, hafði mikið dálæti á Søren Kam. Hann bauð honum oft til sín í aðalbækistöðvarnar í Dagmarhus. Líklegt er, að Kam hafi verið meðal þeirra dönsku SS-manna, sem safnaði saman gyðingum sem ekki tókst að flýja til Svíþjóðar í október 1943. Gyðingarnir voru sendi til Theresienstadt búðanna, og fáeinir til Sachsenhusen og þaðan beint í dauðan í Maidanek. Best slapp við dauðadóm í Danmörku. En fyrst nú er að renna upp fyrir Dönum, að Best hafði svo margar þumalskrúfur á dönskum stjórnmálamönnum, að þeir neyddust til að sleppa honum með frekar vægan fangelsisdóm. 

Søren Kam framdi morð og hefur ekki tekið út refsingu fyrir það. MORÐ FYRNAST EKKI. Þótt hann sé orðinn hrörlegt gamalmenni, 85 ára að aldri, verður hann að taka út refsingu fyrir glæpi sína. Við getum ekki treyst á að hann fari til helvítis. Hann hefur lifað í vellystingum í Þýskalandi og tekið þátt í starfi fyrrverandi SS-manna, sem enn dásama Hitler og hafa samstarf við nýnasista.

Kam var reyndar “smákrimmi” miðað við nokkra aðra Dani í röðum SS. Ég var fyrsti sagnfræðingurinn í Danmörku sem skrifaði um þann Dana, sem framdi flesta stríðsglæpi í þýskri herþjónustu, í grein sem birtist í Danska helgarblaðinu Weekendavisen ["En dansk krigsforbryder", Weekendavisen, Kultur,  28. januar-3. februar 2005, s. 11].  Alfred Jepsen hét sá og var hengdur fyrir ódæðisverk sín árið 1947. Dönsk yfirvöld fóru leynt með mál hans og réttarhöldin yfir honum í Þýskalandi og reyndu einnig árið 2005 að hindra mig í að greina frá glæpum hans og dómi. Mig grunar að margir Danir eigi oft afar bágt með að sjá styrjaldarárin á skýran og raunsæjan hátt.

 

Þýskur dómstóll neitar að framselja fyrrum nasista til Danmerkur

Athugasemdir

[Vilhjálmur Örn Vilhjálmsson, 5.2.2007 kl. 17:34]

Elsku Ragnar minn

Kam er í SS búningi. Sérðu ekki SS rúnirnar á hægri jakkaflipanum?  Held við þurfum ekkert að deila um það.

Það er ekkert því til fyrirstöðu að Þjóðverjar framselji  manninn.  Hann er morðingi. Vilt þú láta morðingja leika lausum hala? Eða eiga aðrar reglur að gilda fyrir nasista en alla aðra.

Kam var líka viðriðinn smölun á gyðingum í Danmörku haustið 1943.  Skoðaðu Þýsk blöð í dag.

[Vilhjálmur Örn Vilhjálmsson, 5.2.2007 kl. 22:59]

Það er  mjög fjarri lagi, að ég telji alla Þjóðverja það til last sem gerðist fyrir 60-70 árum. Ég þekki nútíma Þjóðverja aðeins af góðu einu. Eftir margar rannsóknarferðið til Þýskalands á síðari árum hef ég aðeinst kynnst góðu og vönduðu fólki.

Ég er nokkuð viss um, að það eru ekki neinir tæknilegir þætti, nema þá hringl danskra yfirvalda, sem valdið hefur ákvörðun þeirra dómsyfirvalda sem réttuðu í máli Kams nú.

Annar möguleiki er líka fyrir hendi, og hann hafa þýskir sagnfræðingar oft bent á. Þýsk dómskerfi hefur alla tíð síðan á 6. áratug síðustu aldar eftir Nürnberg réttarhöldin veigrað sér við að rétta í málum stríðsglæpamanna. Þýska utanríkisráðuneytið hefur verið staðið að því að kom í veg fyrir slík réttarhöld.  Þjóðverjar voru hræddir við að þau gætu skapað hefð og bylgju af málum sem gætu skapað ólgu í V-Þýskalandi.

[Vilhjálmur Örn Vilhjálmsson, 7.2.2007 kl. 16:40]

Þakka þér fyrir og þá bendi ég þér á þetta:

http://www.berlingske.dk/indland/artikel:aid=859958

7. februar 2007 kl. 15:15



Søren Kam var med i jødeforfølgelser





Hvis nye oplysninger fra en dansk historiker og Simon Wiesenthalcentret passer, så stod Søren Kam centralt i forfølgelsen af danske jøder i 1943.



Søren Kam havde en stor finger med i forsøget på at udrydde de danske jøder. Det skriver Politiken.dk på basis af oplysninger fra nazijægeren Efraim Zuroff ved Simon Wiesenthalcentet i Jerusalem såvel som historikeren Vilhjalmur Örn Vilhjalmsson. Efter samarbejdspolitikkens slutning indledte besættelsesmagten i oktober 1943 en klapjagt på danske jøder. Men hidtil har det ikke været kendt, at Søren Kam skulle have deltaget. Nu lyder det, at Kam deltog i et røveri i august samme år, hvor det lykkedes danske nazister at få fat i adresserne på mosaisk trossamfunds medlemmer. En landsret i München afviste forleden både at udlevere Kam såvel som selv at stille ham for retten for drabet i 1943 på journalisten Carl Henrik Clemmensen. /ritzau/