Geislamengun mikil á Íslandi

Sú geislamengun, sem mældist á Íslandi um daginn, var þangað til snemma í morgun talin ættuð frá Fukushima-kjarnorkuverinu í Japan.

Nú er hins vegar komið í ljós, að þetta var hrein mengun frá ríkisstjórninni, þar sem allt bræddi úr sér um daginn. Tvær pumpur fullar af platóníum yfirgáfu innsta kjarnann og eitrað andrúmsloft VG versins. Við það fóru rauðu ljósin í gang. Aflið er nú alveg farið af VG-verinu eftir að heimsmarkaðsverð á hreinu útópíum fór upp úr öllu valdi. Samspillingarkjarninn starfar óeðlilega eins og áður. Enn hefur ekki tekist að kæla stangirnar í flokkskatlinum, sem bendir til þess að samruninn sé líklegri enn nokkru sinni fyrr. Yfirvofandi úrsérbræðsla vegna notkunar á evrópíum í stað útópíums er ekki hægt að útiloka. Geislavarnir Ríkisins hafa sent frá sér aðvörun og viðvörun. Gular stjörnur eru farnar að birtast á heiðbláum himninum.

Samkvæmt rannsóknarstofu í Vín mældust einnig talsvert af joðasamstæðum í Reykjavík. Frekari rannsóknir hafa nú sýnt að það var bara Steingrímur J. sem svitnaði.

Myndin efst sýnir Steingrím Joð og aðstoðarkonu hans, Kötu Nomenklatúru Jakobasvili, reyna að stöðva geislalekann í VG-verinu. Hér að neðan er mynd að hinum venjulega liðsmanni (Социалистическая партия солдата) í VG.

Athugasemdir

[Gunni (IP-tala skráð) 23.3.2011 kl. 14:18]

Þegar evrópíum er notað í stað útópíums geislar samspillingarkjarninn frá sér jóhönnum sem eru neikvætt hlaðnar öreindir.  Lendi jóhönnugeisli á joðasamstæðu þá verður til baneitrað atlatíumliljat sem hefur ekkert þekkt notagildi og veldur vinstrigrænum spjöllum á vistkerfum bulllífvera.

[Vilhjálmur Örn Vilhjálmsson, 23.3.2011 kl. 15:25]

Þú færð 10 fyrir þessa efnafræði Gunni.

[Ragnhildur Kolka, 23.3.2011 kl. 20:19]

Og ég sem hélt að öll hin þekktu element væru þegar á skrá.

[Vilhjálmur Örn Vilhjálmsson, 24.3.2011 kl. 05:26]

Róleg Ragnhildur, menn gefa sér endalegar undanþágur á allt þegar þeir hafa orðið fyrir geislavirkni frá útópíum. Frumefnum og sætistölum fjölgar þannig ört hjá fólki með útópíumskemmdir á heila.