Kanahatarar opna nýja sannleikssjoppu nk. mánudag: OpenLeaks

Dagens Nyheter í Svíþjóð greinir frá því í kvöld, að fólk sem er orðið óánægt með Julian Assange hafi yfirgefið hann og öll hans vandamál með stærð hans og smokkasmekk, og stofni næstkomandi mánudag OpenLeaks.

Ekki er merki þessa nýju samtaka sértaklega vel úthugsað. Þetta lítur út eins og leiðbeining í notkun klósettrúllu. Eða typpi með pung á hvolfi, ef maður er almennt dónalega þenkjandi. Annars var ég búinn að hanna nýtt og viðeigandi merki fyrir Wikileaks, áður en þessi nýi hópur fólks sem ruglar upplýsingafrelsi saman við málfrelsi kynnti sig. Ef þeir ætla að feta í fótspor Assangans er víst verðugt að minna á að stolnar upplýsingar er þjófnaður. Ef þær eru til þess fallnar að bjarga heiminum er hægt að réttlæta þjófnað. En þau stolnu skjöl sem smokkakengúrúinn Assange hefur birt hafa hins vegar í versta falli orðið til þess að stefna lífi fólks í hættu, en mestmegnis gefið einhverjum 2. flokks diplómötum kinnroða. Oftast hafa sendidýrin nú lýst mönnum og málefnum harla rétt, þó þeir séu stupid Ameríkanar.

hönnun dr. Vilhjálms bersögla, en smokkurinn er írskur

og var keyptur í Vatíkaninu

Maður getur vonað að OpenLeaks herji ekki einungis á leynileg skjalasöfn Bandaríkjanna, en beiti sér fyrir því að grafa fram skít í Arabalöndum, Kína, Kóreu, Þýskalandi, Danmörku, Íran, Rússlandi, Svíþjóð etc. Annað væri óréttlátt. Nema að þetta lið sé haldið ólæknandi BNA-hatri, og þar held ég að hnífurinn standi í kúnni. Hryðjuverk og hatur í garð USA eru í tísku hjá ungu fólki. Lélegt uppeldi, óbilandi sjálfsálit, veruleikaflótti, heimshitnum og smákreppa er skýringin á því, eins og svo oft áður, en sá sem þetta ritar er gamall fauskur um fimmtugt, en óvitlaus.

Athugasemdir

[ELÍAS Rúnar (IP-tala skráð) 9.12.2010 kl. 23:54]

Ástaedan fyrir thví ad lekinn er allur um USA er ad lekinn kom frá bandarískum hermanni.Afsakid stafsetninguna eitthad í sambandi vid tolvuna mína.

[Vilhjálmur Örn Vilhjálmsson, 9.12.2010 kl. 23:58]

Rétt Elías Rúnar, en bandarískir hermenn sem brjótast inn í skjalasöfn lands síns, þar sem efnið getur varðar þjóðaröryggi, er landráðamaður. Wikileaks er því að birta skjöl landráðamanns og þjófs.  Hvað kallar þú fólk sem kaupir stolna vöru?

[Jón Steinar Ragnarsson, 10.12.2010 kl. 01:40]

Ef einhver stelur skjölum og leggur þau á borð í Kringlunni. Eru það landráð að lesa þau?  Wikileaks skaffar standinn. Eru þeir sekir um glæp?

Ef maður ljóstrar upp um hernaðarleyndarmál á Facebook, er Facebook sekt um glæp?

[Vilhjálmur Eyþórsson, 10.12.2010 kl. 06:29]

Það er reyndar orðið ljóst að tölvusérfræðingar Bandaríkjastjórnar eiga nokkra sök. Allt of auðvelt virðist hafa verið að nálgast þessar upplýsingar. Það breytir hins vegar engu. Jafnvel þótt húseigandinn hafi gleymt að læsa útidyrahurðinni er innbrotsþjófurinn þjófur. 

Assange er einstaklega ógeðfellt mannkerti og ber það með sér að vera af marðarætt eins og minkurinn. Vonandi senda Bandaríkjamenn á hann minkabana sem kann sig fag. 

[Vilhjálmur Örn Vilhjálmsson, 10.12.2010 kl. 06:54]

Wikileaks er sekt um glæp. Kristinn Hrafnsson á yfir sér fjölda ára fangelsisdóm, alveg eins og menn sem njósnað hefur fyrir erlent ríki í BNA.

Facebook er ekki ætlað að vera uppljóstrunarstaður um hernaðarleyndamál, en það er Wikileaks ætlað, en aðeins um hernaðarleyndamál BNA. NÚ á Assange á hættu að vera dæmdur in absentia fyrir njósnir í BNA. Ef hann hefði hins vegar stolið kínverskum skjölum, ætti hann yfir höfði sér dauðadóm, og einnig Kristinn Hrafnsson.

Annars, þá held ég, að ef einher stelur skjölum og leggur þau á borð í Kringlunni, þá verði þau ekki lesin, nema að verðmiði sé settur á þau. 

Hvenær ætli uppljóstrunarfyrirtækið komi, sem upplýsi almenning um t.d. glæpi þá sem Assange er grunaður um í Svíþjóð. Fréttamenn Útvarps vilja greinilega ekki segja sannleikann um það, og er því ekki furða að gamall Kanahatari eins og Árni Þór Sigurðsson sé orðinn talsmaður Wikileaks á Alþingi.

Maids, I have a tiny secret I would be glad to share with you, but I have one problem: It's allergic to condoms.

[Gunnhildur (IP-tala skráð) 12.12.2010 kl. 12:40]

Þú átt virkilega bágt Vilhjálmur!

Þetta er enn og aftur gamla sagan: Skjótið sendiboðann!!!
Bandaríkin hafa trekk í trekk talið sig komast upp með að brjóta ekki aðeins eigin lög heldur líka alþjóðalög. Telja sig yfir lög hafna. Nú loksins er búið að fletta ofan af soranum og spillingunni með WikiLeaks. Fyrirbærið WikiLeaks hefur það að markmiði að opinbera „leyndarmál“ og afhjúpa sora, þar sem farið er út yfir lög og velsæmi. WikiLeaks-menn hafa hvorki stolið einu né neinu. Aðeins birt upplýsingar sem aðrir hafa miðlað til þeirra. En því miður eru til vitgrannir einstaklingar eins og Vilhjálmur hinn danski, og telja réttlætanlegt að myrða sendiboða válegra tíðinda. Svei þér Vilhjálmur!

Vilhjálmur vitganni telur sjálfsagt hafa verið vel að verki staðið, þegar Gordon Brown setti hryðjuverkalög á Íslendinga, hér um árið.

Svo langar mig að benda honum á að það er ekkert sem heitir „flugbelur“. Greinin hans Vilhjálms á líklega að fjalla um „flugbelg“.