Opus Dei

Enn einn Íslendingurinn er kominn í fréttirnar í Wall Street Journal, og það eins og vanalega fyrir meint svindl og pretti upp á milljónir dala.

Þar sem Mogginn á stundum erfitt með að segja frá öllu og mig hefur alltaf langað að vita hvernig það er að vera Páll Baldvin Baldvinsson, skrifa ég dálítið opinskár um fréttina hér en Mogginn. Þetta er fréttarýni, en ekki tilraun til að baða mig í eðjunni eins og þeir gera á DV.

Wall Street Journal greinir frá málinu um íslensku konuna, frá Indverjanum hennar og svikum þeirra við ríkan einfeldning sem spilar hvítan, easy listening jazz og tangó á píanó. Í WSJ fáum við meira að segja að vita nafn föður konunnar, sem nú líkist eins konar Bonnie með indverskan Clyde með undirhöku og -bit upp á arminn, á þessum annars fínu passamyndum sem nú fara um heiminn af þeim hjúum.

Wall Street Journal nefnir líka föður Helgu, Ingvar Karlsson, sem er góður og gildur Rotarímaður í Reykjavík, sem tekist hefur að fá sér lóð í Öskjuhlíðinni, þar sem engum öðrum mönnum hefur verið það mögulegt, nema þeim dauðu, enda er húsið alveg ofan í Fossvogskirkjugarði. Erfitt er að átta sig á því hvort návökvar seytla inn í garð Ingvars, eða vatnið úr heita potti hans út í kirkjugarð. 

DV hefur hins vegar þessa fyrirsögn: Heildsaladóttir sögð hafa svikið milljónir af olíuerfingja. Hér hefur greinilega einhver ræfill á DV notast við ljótasta orð sem til hefur verið á Íslandi: "heildsali" . Reyndar er Ingvar Karlsson enginn venjulegur heildsali, hann er líka "læknir", sem er stjórnarformaður í heildsölu föður síns, heildsölu sem m.a. er þekkt fyrir að flytja inn "brjóstbirtu". Ingvar þessi komst eitt sinn í fréttirnar fyrir um 8 árum, þegar hann sagði lögreglustjórann í Reykjavík hafa hótað sér lífláti, eftir að löggan skvetti á hann víni á Vínbarnum í Reykjavík, eftir að Ingvar hafði ávarpað lögreglustjórann með rangnefni.

Sá svikni

Erfinginn, sem er Helga læknisdóttir, og stéttlausi Indverjinn hennar, hafa snuðað, er af Schlumberger-ættinni eins og allir fjölmiðlar í BNA greina frá. Í því slekti flýtur allt í eðalvíni og olíu. En Roger Davidson, píanisti og bossa nova tónskáld er víst enginn venjulegur Schlumberger, frekar en að Jón Sullenberger sverji sig í ætt við afa sinn heitinn á Hringbrautinni, sem var dæmdur þjófur á yngri árum, þótt hann væri sonur sýslumanns. Gæfa og gjörvileiki erfast ekki, og Roger Davidson hefur greinilega ekki erft þá þætti sem gerðu forfeður hans af big-business mönnum, blíður og grandvaralaus maðurinn sem lifir fyrir tónlist sína og í sífelldri hræðslu við Opus Dei og hugsanlega menn frá Mars.  

Eftir situr að heildsalabörn, sem umgangast útlendinga, eru vont fólk og að ekki er hægt að nefna Rótaríkarla og lækna á Íslandi á nafn, þó þeir hafi verið svo óheppnir að eignast börn með slaka sigæðisvitund. Fjöldi Íslendinga telur nú líka án efa víst, að Helga litla læknisdóttir eigi ómögulega að að fá eins þungan dóm og aðrir sem stunda glæpi í BNA, bara vegna þess að hún er íslensk. En nú er bara að sjá hvort dómarinn í BNA sé Rotary eða Opus Dei. Sekt er enn ekki sönnuð, en illa lítur það út.

Ísland á bágt. Það eru greinilegar engar vírusvarnir í gangi hjá stórum hlutum þjóðarinnar. Mikill hluti þjóðarinnar trúir reyndar á bull og vitleysu, alveg eins og fórnarlambið Roger Davidson. Sjáið alla þá sem trúa á ESB. Íslendingar eru fórnarlömb. Ef þeir eru ekki þolendur útrásarglæpaliðsins eru þeir píslavættir brjálæðra stjórnmálamanna, sem vilja vera skósveinar Fjórða ríkisins.

Ég læt hér í lokin meint fórnarlamb "Bonnie" Ingvarsdóttur spilar fyrir okkur ofsóknarbrjálæðan "Íslandstangó":

Athugasemdir

[Jón Steinar Ragnarsson, 9.11.2010 kl. 15:05]

Af hverju kölluðu þeir hana ekki heimavinnandi húsmóðurdóttur, eða hvað sem móðir hennar gerir?

Rosaleg kakófónía var þetta tónlistarinnslag. Þetta var eins og one mans band að hrynja niður stiga.

[Vilhjálmur Örn Vilhjálmsson, 9.11.2010 kl. 16:22]

Ekki er upptakan góð og tónleikhald Rogers Ríka einkennist af því að hann vill spila allar laglínur og jafnvel tromma á flygilinn líka. Það er greinilega hægt að kaupa sér meðspilara á öllum stigum mannlífsins.

Konur skipta ekki máli. Þess vegna er það Indverjinn sem er heilinn á bak við þetta svindl, sem hefur afvegakeyrt íslenska píu af hinum þrönga kristilega, íslenska vegi. Viltu veðja?

[Vilhjálmur Örn Vilhjálmsson, 9.11.2010 kl. 17:13]

 http://www.youtube.com/watch?v=j7RZbUvJKEw á þessu myndskeiði er Vickram Bedi í hlutverki lífvarðar Roger Davidsons. Launin voru góð 160.000 dalir á mánuði.

[Vilhjálmur Örn Vilhjálmsson, 9.11.2010 kl. 17:27]

Nú segir faðir Helgu við DV, að Davidsson hafi verið algjörlega óður í hana og að hún hafi verið á flótta undan honum:

DV:

Hann segir ásakanirnar vera ótrúlegar og segir að í raun hafi Davidson gengið á eftir Helgu með grasið í skónum, en að hún hafi ekkert viljað með hann hafa. „Hún hefur verið hálfpartinn á flótta,“ segir Ingvar.

Ætli karlgarmurinn hafi borið fé á skötuhjúin til að sænga hjá sér? En ekki bendir gjaldkerastarf Helgu Ingvarsdóttur í samtökum undir stjórn Davidson til þess að hún hafi verið hrædd við hann og á flótta.

Ég lep hreinlega rjóma í þessu máli. Það er lygilegt. Nú er ég líklega búinn að fá Pál Baldvins fílinginn.

[Jón Steinar Ragnarsson, 9.11.2010 kl. 22:43]

Þetta er sannarlega efni í góðan reyfara. Minnir þó svolítið á Guiding Light. Kanski Baltasar Kormákur ætti að tryggja sér kvikmynaréttinn.

Það er augljóst ef fórnarlambið er píanistinn þarna, þá er hann alfa og omega í gátunni. 

Ég fæ ómögulega samsamað þennan skvapkennda og þunglynda Indverja með þessari glæsilegu konu. Hún aftur á móti minnir svolítið á dömuna í Basic Instinct.  Femme Fatale týpan svolítið.