Hækka verð á eggjum

Öreigar landsins eiga greinilega nóg af eggjum. Þetta sýnir ömurleikann á Íslandi í hnoteggjaskurn. Það verður auðvitað að taka eggin af þessum lýð: Hækka eggjaverð, hækka skattana, loka sjúkrahúsum, hækka lyfin þeirra, taka af þeim húsnæðisstyrkinn, lækka barnabætur, hækka skatta á kexi, auka atvinnuleysið og innleiða vönun og geldingar fyrir fátækralimi. Svona fólk má ekki fjölga sér. Þá getur Jóhanna aldrei aftur farið í utanlandsferðir eða boðið Obama til Íslands.

Þegar því er lokið, er fínt að fá fleiri trúða í ráðhúsin, ráða fleiri aðstoðarmenn fyrir ráðherrana og hefja kennslu í Hí á algjörlega fjarstæðukenndum fræðigreinum eins og fornfjármálafræði, já og greiða Björgvini S. betri laun fyrir unglingavinnuna, nú þegar drengurinn er aftur farinn að genumlýsa egg í eggjabúinu við Austurvöll. Auðvitað vantar fleiri ráðherraferðir til New York, svo Össur getir rifið kjaft eins og einræðisherra frá Íran. Það er miklu mikilvægara en spítaladeildir úti á landi.

Nei, Það á ekki að láta skríl og skítapakk tjá sig um vanhæfni snillinganna í ríkisstjórninni beint fyrir framan Alþingishúsið og skapa þannig gjá á milli þings og þjóðar, sem var þar aldregi fyrir.

Mikið var nú aumt að sjá hvernig forsetafrúin sýndi pakkinu samúð, þar sem hún stóð með stór vot augun og starði á lýðinn kasta úrvalseggjum. Þetta fólk hlustaði alls ekkert á hana og ráð hennar til þjóðar í kreppu. Lýðurinn hefur ekki prjónað og heklað sig út úr kreppunni eins og hún. Eggjakastararnir geta sjálfir sér um kennt, og hana nú.

Athugasemdir

[Vilhjálmur Eyþórsson, 3.10.2010 kl. 16:48]

Flott hjá þér, nafni. Sammála öllu.

[Smári (IP-tala skráð) 3.10.2010 kl. 18:23]

Þú bölsótast og djöflast, hæðir og spottar, bítur og klórar en svo langt sem eg hafði úthald til að lesa sá eg hvergi neinar lausnir, engin úrræði, ekkert nema froðusnakk og kjaftavaðal.

Hvað viltu að við gerum?  Stofnum hér einhverskonar "Judenstaad" eða hvað?  Gerum Svein Rúnar útlægan?  Setjum aljört bann við Islam í stjórnarskrána?  Geum zionisma að ríkistrú?

Þetta var fyrsta og jafnframt síðasta heimsókn mín á þessa sóðasíðu.

[Ólafur Björn Ólafsson, 3.10.2010 kl. 22:21]

Sjaldan áður en nú er ég sammála Vilhjálmur... :)

Smári þarf hinsvegar að gera upp við sig hvort sé betra að bölsótast sjálfur vegna þess að hann nenti ekki að les eða bölsótast yfir einhverju öðru. Hann græðir allavega ekkert á lestrarletinni... ;)

Kveðja

Kaldi

[Sigurður Þór Guðjónsson, 4.10.2010 kl. 01:00]

En hvað varð um fjöregg þjóðarinnar? Tóku tröllin það?

[Vilhjálmur Örn Vilhjálmsson, 4.10.2010 kl. 04:39]

Þegar maður les um fólk sem er farið að "stimpla sig út" vegna hrunsins, sjá: http://www.dv.is/frettir/2010/10/3/vimaelandi_framdi_sjalfsvig/ meðan Halldór Ásgrímsson og skítapakkið hans fær afskrifaðar skuldir upp á milljarða, er skrítið að stjórnmálamenn sem bera ábyrgð þekki ekki sinn vitjunartíma.

600 manns stóðu í hlutverki "skrílsins" við Austurvöll og greip til örþrifaráða. Þúsund sinnum fleiri hugsa hrunastjórninni og limum hennar þegjandi þörfina.

Fólk þarf að hjálpast að til að koma í veg fyrir að yfirvaldið ræni og rúi venjulegt fólk fyrir bankana. Koma ber í veg fyrir að lögreglan beiti sér í slíkum aðgerðum, meðan hrunavaldar ganga lausir. Skjaldborg um heimilin, NÚ! Þetta lið er búið að eyðileggja nóg fyrir almenningi-hinu venjulega fólki í landinu.

Eins og menn geta glögglega séð, er liðið sem fárast hefur yfir óeirðum á Austurvelli í tengslum við NATÓ-inngöngu Íslands, að koma upp sterku lögregluríki, ekki ósvipuðu því sem þekktis í  DDR. Fólk á að hræðast menn með hjálma og svarthvítar rendur á einkennisbúningnum.

[Vilhjálmur Örn Vilhjálmsson, 4.10.2010 kl. 05:04]

Smári, þú ert ávallt velkominn. En segðu mér, er Sveinn Rúnar ekki þegar komin í útlegð, einn trampandi með 30 fætur eins á Gaza að lýsa frati á lélega gervilimaframleiðslu heimamanna?

Sigurður, Því ævintýri er löngu lokið. Við erum komin á síðu 674. Fórstu annars á völlinn? Eða voru harðsoðin oeufs de la prolitariat  í matinn hjá þér og Mala.

Kaldi, hlustaðu vel horfðu í augun á mér, horfðu í augun á mér: þú ert alltaf sammála mér, en getur ekki viðurkennt það vegna óþægilegs þrýstings frá umhverfi þínu. 1,2, 3, þú vaknar, þú ert sammála mér, en getur ekki viðurkennt það vegna óþægilegs þrýstings frá umhverfi þínu.

Nafni, þakka fyrir. Eggin hækka hvort sem er, en ráðherrarnir hafa ráð á því og þá er þeim sama. En ég held þó, eða leyfir mér að halda, að Jóhönnu líði illa. Hún finnur til meðkenndar með fólkinu á Austurvelli. Hún grætur innra með sér.

Nú veit hún Jóhanna hvernig það er að láta kasta í sig eggjum. Það upplifði ég ungur, þegar nágrannar okkar köstuðu eggjum í hús foreldra minna - vegna útlendingahaturs, fordóma, öfundar og óþverraháttar. Nýlega var reyndar kastað eggi í hús móður minnar, sem er áfast við raðhús fyrrverandi sjávarútvegsmálaráðherra. Ég held nú örugglega að eggið hafi átt að fara á hans hús. Móðir mín var ekki viss með fyrri eggjaköst í huga.

Eggjaköst eru frumstæð aðgerð, en sjaldan hefur nokkur hópur manna átt það eins vel skilið og sá sjálfumelski hópur lýðskrumara og eiginhagsmunarasspotara, sem nú sitja sem fastast á þingi.

[Ólafur Björn Ólafsson, 4.10.2010 kl. 18:40]

Þú kant að koma fyrir þig orðum og það líkar mér... :)

En það er samt ekki hægt að segja að ég sé sammála öllu sem þú segir. Það er kanski spurning um skilning á efninu sem maður les og lærir af... :o

Kaldi