Lausnin liggur hjá Alþingi

Landsdómur yfir aumingja Geir, eins og hann sé einhver stríðsglæpamaður, er dæmigerður íslenskur farsi.

Meðlimir hrunastjórnarinnar allrar, sem ekki eru þegar hættir á Alþingi, eiga allir að sjá sóma sinn í  að láta sig hverfa úr heimi stjórnmála á Íslandi í að minnsta kosti 10 ár.

Meðlimir hrunastjórnarinnar, Jóhanna Sigurðardóttir og Össur Skarphéðinsson sem hafa haldið áfram að skaða ímynd Íslands í núverandi ríkisstjórn, ættu alfarið að hverfa úr stjórnmálum í stað þess að gráta krókódílatárum yfir örlögum Geirs í beinni útsendingu.

Þetta er sem sagt spurning um samvisku fleiri einstaklinga en Geirs H. Haarde, og lausnin liggur hjá Alþingi. Hver þorir að bera fram tillögu um óhæfi meðlima hrunastjórnarinnar og brottvísun þeirra af þingi?

Athugasemdir

[Hoppandi (IP-tala skráð) 29.9.2010 kl. 12:50]

Enginn, því miður.

[Sveinn (IP-tala skráð) 29.9.2010 kl. 20:31]

 Við erum með borgarstjóra sem þekkir ekki muninn á debet og kredit og heldur að fjárlög séu countrytónlist. Á alþingi berast menn á banaspjótum og bakstinga hvern annan. Lyga-Mörður og Atli húnakonungur velja sér saksóknara til að setja fólk í pólitískar vinnubúðir og yfir öllu þessu flýgur Ólína á kústi sínum. Já íslenskur farsi eða kannski málverk eftir Alfreð flóka. Á meðan brenna eldar sömu græðgi sömu fjármálastofnana - bara önnur amdlit og nöfn.

[Rósa Aðalsteinsdóttir, 1.10.2010 kl. 05:12]

Sæll og blessaður

Ég var mjög ósátt að það voru einungis fjórir aðilar sem nefn Atla Húnakonungs fannst vera sek en ekki Össur og Jóhanna.

Hvernig væri nú að fara að taka stóru kóngana og láta þá borga fyrir gjörðir sína? Útrásarvíkingana.

Í kvöld í Kastljósi var verið að flétta ofan af einu málinu enn. Afskriftir og aftur afskriftir af fyrirtæki á Höfn í Hornafirði sem er í eigu afkomenda Ásgríms Halldórssonar fyrrum kaupfélagsstjóra. Halldór Ásgrímsson fyrrverandi forsætisráðherra og Utanríkisráðherra er einn af afkomendurm.

http://sigurjonth.blog.is/blog/sigurjonth/entry/1100888/

Þetta er viðurstyggilegt.

Guð veri með þér

Shalom/Rósa