Íslenskur stórkrúner á ferð í Hollandi

Hann er vinsæll þarna í flatneskjunni við síkin fúlu, en á Íslandi vilja menn stefna þessum heimshornaflakkara og sirkuslim, Steingrími J. Sigfússyni, fyrir dómstóla vegna landráðs og fyrir að nauðga vilja meirihluta íslensku þjóðarinnar. Hann svívirti ekki þjóðina á bedda inni í kompu eins og sumir fyrirmenn, heldur alveg opinberlega í fjölmiðlum milljónarþjóðar í ESB. Ef hann er ekki eftirlýstur af Interpol, væri ráð að láta þá setja hann þar á skrá, þar sem Landsdómur á Íslandi myndi líklega bara gefa honum nammi og plástur á meiddið. Líklegast væri best að stefna honum í heimabæ hans, den Haag, þar sem þessi landleri virðist vera meiri aufúsugestur með lygar sínar og pretti en á ættjörð sinni, Íslandi. Hann getur ekki borið við lélegri tungumálakunnáttu fyrir hollenskum dómstól, því flámæli og fláráð er honum tamari en flestum.

Ég leyfi mér enn og aftur að minna á, að hollensk yfirvöld drógu það allt fram til aldamótanna 2000 að greiða aftur það fé sem rænt hafði verið úr búum gyðinga, lifandi og dauðra, í Hollandi. Fjármálaráðuneytið Hollendinga sá um að halda svo vel í þann ránsfeng að heimsfrægt er orðið. Þetta á að vera Íslendingum fyrirmynd. Við þurfum 50-60 ár til að borga þær skuldir sem örfáir afbrigðilegir einstaklingar, (sem enn er ekki búið að setja á bak við lás og slá), settu á herðar Íslendinga, án þess þó að drepa nokkurn - nema íslensku þjóðina - á bak aftur.

 Steingrímur er stórt númer í ESB-sirkus og sýnir hér ásamt Össur gamlar listir sínar (frá Kósakkaárunum). En efri myndin var tekin þegar hann söng sama gamla sönginn á coffiehouse í Amsterdam

Athugasemdir

[Dingli, 19.9.2010 kl. 08:00]

Sæll Vilhjálmur.

Myndin af Steingrími Jóhann (í miðjuninni á fremra hjóli) þar sem hann baðar út faðminn eins og frelsari, ljúgandi að Hollenskum almenning, er alveg frábær.

 Alveg makalaust að sirkusstjóri nöfnu sinnar Jóhönnu, haldi enn að hann geti borgað skuld sem er ekki skuld og engin ætlar að borga nema þau tvö og fáeinir heilabilaðir Samfóar.

[Óskar Sigurðsson, 19.9.2010 kl. 15:00]

Nákvæmlega Villi, vel að orði komist eins og ávallt.

[Vilhjálmur Eyþórsson, 19.9.2010 kl. 15:35]

Flottur pistill, og myndir, nafni, ekki síst myndin af töffaranum í kábojbúningnum. Steingrím og flugfreyjuna (frú GaGa) á að draga fyrir landsdóm. Það er alveg ljóst ef nokkuð er að marka landráðabálk laganna.

[Ragnhildur Kolka, 19.9.2010 kl. 21:28]

Er þetta nokkuð sami Steingrímur Joð og sem margir töldu heiðarlegan hugsjónamann allt fram á árið 2009?

Útlitið stemmir, en innrætið virðist annað.