Össur býður dauðadæmdri konu landvist á Íslandi

Össur Skarphéðinsson utanríkisráðherra hefur boðið Sakineh Ashtiani landvistarleyfi á Íslandi. Sakineh Ashtiani, sem er 43 ár, á yfir höfði sér grýtingardóm í Íran. Hún hefur setið í fangelsi síðan 2006 og beðið þess að vera grýtt fyrir að hafa átt í sambandi við tvo menn eftir að maður hennar dó fyrr það ár. Lög í Íran, heimila grýtingu kvenna, sem brjóta hjúskaparlög landsins. Í lögbókum Írans er nákvæm lýsing á stærð og gerð steinanna sem nota ber til grýtinga.

En nú hefur Sakineh Ashtiani einnig verið sökuð um morð á manninum sínum og þá ber að hengja hana samkvæmt írönskum lögum. Árið 2006 var hún hýdd með 99 slögum á bakið. Nýjar upplýsingar sem ein af leyniþjónustum Írans hefur orðið sér úti um er, að Ashtiani sé í raun gyðingur. 

Jóhanna Sigurðardóttir átti frumkvæðið að því að bjóða Sakineh Ashtiani til Íslands, en það var Ingibjörg Sólrún Gísladóttir sem hafði verið beðinn um það af IWC, International Women's Commission, að reyna að bjarga Ashtiani frá grýtingu í Íran. Ingibjörg Sólrún sem er vel kunn í Miðausturlöndum hefur beitt sér mjög mikið í máli ofsóttra í þeim löndum. Ingibjörg sagði í gær, að hún sæi eftir því að hafa ekki farið til Íran, þegar hún leitaði stuðnings við aðild Íslands á Öryggisráði SÞ. 

Búið er að finna íbúð handa Ashtiani og fjölskyldu hennar í Mosfellsbæ.

Írönsk yfirvöld lýsa því yfir að Össur Skarphéðinsson sé góðhjartaður maður, en að hann viti ekki hvað mál Ashtiani fjalli um, en forseti landsins, Ahmadinejad, verðsetur enn að fulltrúar Íslands yfirgáfu ekki sal SÞ Genf þegar Ahmadinejad hélt þar ræðu árið 2009 og margar þjóðir gegnu á dyr til að mótmæla mannréttindabrotum og gyðinghatri í Íran.

Kvenréttindasamtök á Íslandi fagna boði Össurar til Sakineh Ahstiani. "Hann er stór maður", var haft eftir Margréti Sverrisdóttur, varaborgarfulltrúa Samfylkingarinnar í Reykjavík, sem einnig er formaður Kvenréttingasamtaka Íslands.

Sigurður Líndal segir að írönsk lög um grýtingar geti vart gilt á Íslandi, en drekkingar hafi eitt sinn tíðkast hér á landi.

Jón Gnarr var í Múmíndal í dag og kemur ekki aftur í bráð, en lét þó hafa eftir sér gegnum talskonu sína, að grýtingum í dalnum hefði fækkað eftir að Finnar gengu í ESB.

Svona er Ísland í dag...

Athugasemdir

[Ragnhildur Kolka, 5.8.2010 kl. 11:03]

Ef satt reynist að Sakineh Ashtiani sé laumugyðingur getur höfðinglegt boð Össurar reynst okkur þungur baggi að bera.

Við hvað miða þeir gyðingdóminn í Íran, kvart eins og þjóðverjar eða kannski einnáttunda?

[Vilhjálmur Örn Vilhjálmsson, 5.8.2010 kl. 11:24]

Ragnhildur, þetta var grín-flow of consciensness, eins og þú er væntanlega búin að fatta, eins og allir blaðamennirnir sem höfðu samband við utanríkisráðuneytið í morgun. En öllu gríni fylgir alvara. Af hverju gerir liðið í ríkisstjórninni ekkert fyrir þessa konu, en skipar diplómötum sínum að sitja undir hatursfullri ræðu Ahmadinijads? Ég á erfitt með að skilja tvískinnunginn í vinstri mönnum.

[Ragnhildur Kolka, 5.8.2010 kl. 15:19]

Vilhjálmur, það hvarflaði aldrei að mér að Össur gerði eitthvað pólitískt incorrect eða ef út í það er farið correct.

[Sigurður Þór Guðjónsson, 5.8.2010 kl. 23:20]

Mér finnst í alvöru að ríkisstjórnin eigi að bjóða þessari konu landvist á Íslandi, hverra manna hún annars er.