Obama forseti, frelsaðu Jonathan Pollard !

 

Einn dæmdur njósnari hefur setið lengur í bandarísku fangelsi en nokkur annar njósnari í sögu BNA.  Það er Jonathan Pollard. 9000 daga hefur hann verið lokaður inni í fangelsi fyrir yfirsjón sína, sem voru njósnir fyrir vinveitt ríki, Ísrael. Hann er nú ísraelskur þegn. Allir, sem dæmdir hafa verið fyrir sams konar sakir og Pollard, voru leystir úr haldi eftir 2-5 ár. Þennan eina mann telja Bandaríkin ástæðu til að halda í 25 ár, eða í 9002 daga í dag.

Ísraeli í Bandarísku fangelsi í 25 ár, meðan hryðjuverkalið leikur lausum hala í BNA. Hvernig getur staðið á þessu?

Nú vona allir velunnarar Jonathans Pollard, að Obama muni koma til Ísraels þann 6. águst og hafa með sér þær góðu fréttir, að Jonathan Pollard verði leystur úr haldi.

Íslendingar geta skrifað sendiráði Bandaríkjanna og krafist lausnar Pollards, þó nýi sendiherrann, Luis E. Arreaga sé enn ekki kominn. Sendið bara bréfið á Sam Watson, og þið sjáið það á Wikipedia eftir smátíma. Já, hlutirnir geta gerst hratt í BNA, t.d. með rússnesku njósnarana, sem voru sendir heim í vodka-partí um daginn. En gyðinga er hægt að loka bak við lás og slá í 25 ár. Hvað ætli Wikileaks-dátinn fái? Hann er ekki gyðingur og mun því ekki sitja inni í BNA í 25 ár.

Einnig er hægt að hringja í Hvíta Húsið (Skype, annað er of dýrt þar sem Obama tekur ekki símann). Sjáið hvernig hér. http://www.jonathanpollard.org/

FANGELSISVIST JONATHANS POLLARDS ER ÓHÆFA

Fyrri færsla um Jonathan Pollard hér

Athugasemdir

[Hjalti Rúnar Ómarsson, 15.7.2010 kl. 17:05]

Allir, sem dæmdir hafa verið fyrir sams konar sakir og Pollard, voru leystir úr haldi eftir 2-5 ár.

Ertu viss?

[Carlos Ferrer (IP-tala skráð) 15.7.2010 kl. 17:10]

Án þess að taka afstöðu til dómsins og fangelsisvistarinnar sjálfrar, finnst mér eitt að njósna um óvini eða keppinauta. Allt annað að njósna um bandamenn sína og stela af þeim upplýsingum.

[Vilhjálmur Örn Vilhjálmsson, 15.7.2010 kl. 17:23]

Hjalti, ég er viss. Hægt er að lesa dóminn og upplýsingar um dóma annarra njósnara á www.jonathanpollard.org

Carlos, hringdu nú bara í Obama, eða í Watson á Laufásveginum. Allt það sem Pollard uppgötvaði fyrir Ísrael hefur enga þýðingu lengur, hvorki fyrir BNA eða Ísrael.

[Úlfar Bjarki Jóhannsson (IP-tala skráð) 15.7.2010 kl. 18:04]

Eftir smá lesningu á Wikipedia get ég ekki sagt að ég missi svefn yfir því að hann sé ennþá í fangelsi. Sérstaklega ef Ísrael var ekki eini viðskiptarvinur hans.

[Hjalti Rúnar Ómarsson, 15.7.2010 kl. 18:15]

Hjalti, ég er viss. Hægt er að lesa dóminn og upplýsingar um dóma annarra njósnara á www.jonathanpollard.org

Þetta er fínt yfirlit og ef maður skiptir þessu í "bandamenn" og "andstæðinga" Bandaríkjanna, þá er þetta vissulega einstakur dómur. En hugsanlega skiptir það ekki máli þegar lengd dómsins er ákveðinn.

[Hjalti Rúnar Ómarsson, 15.7.2010 kl. 18:16]

Var að sjá athugasemd Úlfars, hérna er það sem hann talar um á Wikipedia:

According to Naval Criminal Investigative Service (NCIS) investigator Ronald Olive, Pollard also passed classified information to South Africa^[14] and attempted, through a third party, to sell classified information to Pakistan on multiple occasions.^[15] 

[Vilhjálmur Örn Vilhjálmsson, 15.7.2010 kl. 18:33]

Ron Olive  Sjá:

http://www.jonathanpollard.org/2006/112906.htm

[Úlfar Bjarki Jóhannsson (IP-tala skráð) 15.7.2010 kl. 18:53]

Ron Olive var nú heldur ekki sá eini sem hefur haldið þessu fram. 4 fyrrverandi yfirmenn leyniþjónustu sjóhersins hafa líka minnst á þetta. Þessir 2

http://en.wikipedia.org/wiki/William_Studeman

http://en.wikipedia.org/wiki/Sumner_Shapiro

auk John L. Butts og Thomas Brooks. Til gamans má geta að einn þeirra, Shapiro, er sjálfur gyðingur og sagði þetta einu sinni:

"We work so hard to establish ourselves and to get where we are, and to have somebody screw it up... and then to have Jewish organizations line up behind this guy and try to make him out a hero of the Jewish people, it bothers the hell out of me".

[Úlfar Bjarki Jóhannsson (IP-tala skráð) 15.7.2010 kl. 18:55]

Að lokum þetta hérna gullkorn:

"If, as Pollard and his supporters claim, he has "suffered enough" for his crimes, he is free to apply for parole as the American judicial system provides. In his arrogance, he has refused to do so, but insists on being granted clemency or a pardon."

Jahá.

[Vilhjálmur Örn Vilhjálmsson, 15.7.2010 kl. 19:38]

Vá, er Shapiro sjálfur gyðingur. Úlfar, það skiptir ekki máli í þessu sambandi. 

Ef þú mættir ráða, ætti Pollard að rotna upp í steininum, og kvitta ég fyrir skoðun þína, en voða ertu nú harðbrjósta.

[Úlfar Bjarki Jóhannsson (IP-tala skráð) 15.7.2010 kl. 20:59]

Eh, stuðningsmenn Pollards virðast vera margir Ísraelar, fannst hæfilegt að minnast á það.

Ég ræð engu um örlög mannsins og sækist ekkert eftir því. Hann var dæmdur sekur og situr sinn dóm. Hann gæti sótt eftir því að vera látinn laus fyrir góða hegðun o.sv.frv. en hefur ekki nýtt sér þann rétt. Í staðinn lítur hann svo stórt á sig að einungis forsetinn skuli náða hann. Eitthvað sem hann hefur engan sérstakan rétt á.

Ég vorkenni honum alls ekki neitt, það er á hreinu. Maðurinn kýs þetta. Ef hann virkilega vildi gæti hann líklega orðið frjáls á stuttum tíma en einhver mórall hjá honum kemur í veg fyrir það.

 Ef einhver forseti hefði náðað hann þá hefði Bush kallinn verið líklegastur til þess. Efast um að Obama hlusti eitthvað á Ísraelsk stjórnvöld í ljósi þess hvernig samböndin þar á milli eru þessa daganna.

[Marinó Óskar Gíslason, 16.7.2010 kl. 12:02]

Ég er nú ekki viss um að Obama sjái til að þessi maður verði látinn laus. Eftir því sem ég hef heyrt, þá er Obama múslimi og hann fer varla að vinna gegn trúbræðrum sínum.

[Vilhjálmur Örn Vilhjálmsson, 16.7.2010 kl. 12:58]

Marínó, þetta kemur mér nokkuð á óvart. Hann var ekki múslími síðast er ég vissi, en ætli múslímar geti haft nokkuð á móti því að gyðingur sé leystur úr haldi í BNA. Sjálfir losna þeir frekar nett úr Guantanómóa.

[Snorri Bergz, 17.7.2010 kl. 11:07]

Obama sagði víst við egypska ráðamenn, þegar hann ræddi við þá, að hann væri múslimi. Þetta hefur ekki mátt ræða, því það gæti orðið hættulegt :) Annars er mér sama hvaða trúarbrögð maðurinn hefur, ef hann hegðar sér skynsamlega. Það gerir hann hins vegar ekki.

Mig grunar að kanarnir eigi eftir að henda honum út næst. Hann hefur þegar fengið marga harða stuðningsmenn sína upp á móti sér, enda hefur hann staðið við fátt það, sem hann lofaði.