Síðasti súludansinn í Viðey

Nú er einn af fremstu farfuglum hrunsins aftur farin að ýfa fiðrið. Þetta er friðardúfan Imba, þessi með hlutverk á meðal þjóðanna, sem alltaf fýkur út í veður og vind.

Ingibjörg Sólrún, sem er vangstýfð, rauðhöfða allaballadúfa, á ekkert erindi í neina nefnd sem fjallar um Ísrael. En greint er frá því í Morgunblaðinu og í Ha'aretz í Ísrael, að SÞ ætli að fela henni stjórn rannsóknar á tyrknesku friðarskipunum sem send voru með gögn til Hamas á Gaza, en sem komust ekki á leiðarenda eins og frægt er orðið. Ingibjörg Sólrún yrði aldrei hlutlaus í slíkri nefnd. Hún hefði miklu frekar átt að fara með einum af bátunum frá Tyrklandi.

Ég hef gert mér far um að greina lesendum Ha‘aretz í Ísrael frá því hvers konar háskagripur Ingibjörg Sólrún Gísladóttir er, þegar kemur að Miðausturlöndum og Ísrael.

Þegar reynt var að ná íslenskum stríðglæpamanni fyrir dóm fyrir glæpi sem hann framdi sem Evald Mikson í Eistlandi, fann þessi kona hjá sér mikla þörf til að ráðast opinberlega gegn Ísrael, sem reyndar stóð ekki á bak við kröfu um framsal á Eðvaldi Hinrikssyni. Sjá hér (leitið að nafni hennar).

Ingibjörg hefur ekki farið leynt með það, að henni er afar hlýtt til hermdarverkasamtaka í Palestínu og sjáið bréfið sem hún sendi fyrrverandi utanríkisráðherra Ísrael, Livni, eftir að Ingibjörg og aðstoðarkvinnur hennar höfðu setið að sumbli fram eftir kvöldi í utanríkisráðuneytinu á gamlárskvöld 2008. Þar talaði hún í nafni ESB.

Ingibjörg hefur fyrir löngu fyrirgert rétti sínum sem erindreki friðar eftir að hún ferðaðist á milli morðingja í Miðausturlöndum og lofaði þeim lausn á vandamálinu Ísrael, ef þeir styddu umsókn Íslands að Öryggisráði SÞ.   

Dúfan og gammurinn - Support for Security Counsil

 

Fyrir rúmlega mánuði síðan sendu Ceipaz, samtök eineygðra friðardúfna, út þetta bréf sem er m.a. sent í nafni Ingibjargar. Það kemur fram afar einleit skoðun á ástæðum fyrir ófriði fyrir botni Miðjarðarhafs.

VIÐ ERUM ENGU BÚIN AÐ GLEYMA, IMBA. Þú kostaðir Ísland of mikið. Ísraelsríki þarf ekki að líða sömu örlög vegna þín.

Athugasemdir

[Rauða Ljónið, 12.7.2010 kl. 17:09]

Sæll, Vilhjálmur í hitanum í Köben.

Mannréttindaráð Sameinuðu þjóðanna er á villi götum með að velja, Ingibjörgu Sólrúnu Gísladóttur, að hún takið að sér formennsku í nefnd ráðsins sem ætlað er að rannsaka töku Ísraelsmanna á skipalest með hjálpargögn til Gaza.
Hefur hún ekki hvað eftir annað tekið afstöðu gegn Ísraelsmönnum í deilum þeirra við Palestínumenn.
Ingibjörg sem ekki hefur virt mannréttindi íslenskra sjómanna, þrátt fyrir álit frá mannréttindanefnd Sameinuðu Þjóðanna ætli sér að stjórna rannsóknarnefnd mannréttindanefndar SÞ í þessu máli.
Nú á hún að rannsaka mannréttingarbrot í Gaza bullandi hlutlæg.Kv. Sigurjón

[Þór (IP-tala skráð) 12.7.2010 kl. 17:55]

Hún yrði aldrei hlutlaust, það er rétt.

Veit ekki hverjum datt þetta í hug, en sá hinn sami gengur ekki heill til skógar.

Manneskja sem tók þátt í spillingunni hér á landi og átti hlutdeild í bankahruninu og öllu í kringum það, að hún hefur ekkert erindi í störf fyrir þjóð sína, eða aðrar þjóðir. Það er mín skoðun.

Það þarf hlutlausa einstaklinga í svona starf. Annars verður ekkert að marka það sem kemur frá nefndinni.

[Ragnhildur Kolka, 13.7.2010 kl. 13:53]

Það er ekkert hlutlaust við Mannréttindanefnd SÞ. Sá sem það heldur ætti að kynna sér hverjir sitja í nefndinni og um hvað ályktanir þeirra snúast.

ISG væri á heimavelli í þeim félagsskap, en vissara fyrir hana að gleyma ekki slæðunni heima.