Al Quaida ofsækir gyðinga í Jemen

Þegar al Quaida er ekki að sprengja í okkar heimshluta, eru þessi illmenni að eltast við örfáa gyðinga í Jemen. Allahu Akbar! Al Quaida telur, eins og kunnugt er, alla gyðinga réttdræpa, hvar sem þá er að finna.

Gyðingar í Jemen eru nú aftur í lífshættu. Saudi Arabíska blaðið Al Watan og ísraelska blaðið Jerusalem Post greina frá því, að gyðingar í þorpi norður af borginni Saana hafi neyðst til að flýja heimili sín. Það er al Quaida og öfgamúslimir sem valda þessum flótta. Danskur dándipiltur, giftur færeyskri konu, var nýlega að sinna erindum fyrir þennan félagsskap í Jemen og lenti í fangelsi, grunaður um smygl.

Gyðingar hafa búið í Jemen síðan á dögum Salómons konungs. Hebreska, sú sem töluð er í Jemen, er talin vera ein upphaflegasta gerð tungumálsins. 45.000 gyðingar voru fluttir til Ísraels 1940-50 í björgunaraðgerð sem kölluð var “Hið fljúgandi Teppi”.  Örfáir gyðingar eru hins vegar enn í Jemen, en flestir eru of fátækir til að geta yfirgefið landið. Heittrúaðir gyðingar í New York hafa á síðari árum misnotað neyð jemenítísku gyðingana og lokkað þá til New York, misnotað vinnukraft þeirra og jafnvel stolið börnum þeirra, sem þeir ættleiða og ala upp og neyða foreldrana til að yfirgefa BNA. Menning gyðinga í Jemen má muna sinn fífil fegri.

Nú er líklega kominn tími til að þeim síðustu verði hjálpa að yfirgefa landið, svo þeir geti haldið til Ísraels. 

 

 

 

Athugasemdir

[Jón Steinar Ragnarsson, 25.1.2007 kl. 18:19]

Er þessi klofningur meðal Gyðinga milli Heittrúargyðinga og hverra? Zionista? Er þetta eitthvað í líkingu við klofning milli Síta og og Súnnía  í hinum Íslamska heimi, þar sem annar hópurinn vill fylgja  kennisetningum kóransins (sem byggir jú á  okkar heilögu ritningu)  en hinn  öfgakenndari ritum túlkenda og eftirkomenda Múhameðs?

Gaman væri að fræðast um þetta ef þú gætir deilt slíku með okkur. 

[Vilhjálmur Örn Vilhjálmsson, 25.1.2007 kl. 21:33]

Hvaða klofning ert þú að tala um Jón, eða sérðu eitthvað annað í því sem ég skrifa en ég geri?

 

Um hina mismunandi greinar gyðingsdóms get ég bent þér á að leita upplýsinga á www. Ef þú villist ekki inn á, eða  tínist á haturssíðum, getur þú fengið mikið út úr sjálfsnámi. Byrjaðu að leita undi “Judaism”.

Í stuttu máli get ég frætt þig um að trúarbragðarsagan missir gyldi sitt, ef maður er að stilla samann eða líkja saman trúarbrögðum. Súnnítar og Sítar eru tvö fyrirbæri og gyðingdómurinn og hans greinar er allt annar handleggur.  Þeir fyrrnefndu hafa vissulega sótt ýmisleg til gyðingdóms. Samanburðartrúfræði og ?trúarbragðasaga leikur illa í hönunum á sumu fólki, sem notar þau fræði í pólitískum skotgrafahernaði. Ég lít á stríð Súnníta og Síta sem fyrirbæri, óæðra trúnni. Trú beggja er heilög. Deilurnar eru mannlegar. En mannskepnan notar oft það heilagsta til að réttlæta morð sín og fordóma á öðrum. Guð þinn er ekki vopn þitt.  

[Jón Steinar Ragnarsson, 26.1.2007 kl. 03:21]

Kæri Vilhjálmur, ég er sammála þér í öllu sem þú segir um trúarlega flokkadrætti og réttlætingu styrjalda í þeirra nafni.  Ég spurði þig einlæglega vegna þess að þú hefur orð á mannvonsku einhverra rétttrúnaðargyðinga hér í greininni.  Mér finnst þótti þinn óviðeigandi. Ég er einvörðungu að skoða hlutina frá öllum hliðum án þess að mynda mér forpokaða afstöðu.  Ég hef verið að spyrja hér á blogginu af hverju ekki er hægt að setja niður þessar erjur og hvers vegna í ósköpunum ekki er brugðist við ofstæki manna eins og David Duke, sem varpa tortryggni á helförina og Gyðinga almennt.

Spurning mín á rætur í fáfræði minni og ekkert misjafnt lá að baki henni.   Ég var einfaldlega hissa á að heyra um þessa mannvonsku innan ykkar raða, sem þú lýstir, því ég hélt að Gyðingar stæðu saman eins og klettur.

Máske eru spurningar mínar nærgöngular og ég bið þá forláts á því ef þú upplifir þær þannig.  Ég legg þær fram hjá þér, því mér sýnist þú vera maður, sem veist þínu viti um málefnið.  Með fullri virðingu.